Baby Care : શું આપ પણ બાળકને આ રીતે હવામાં ઉછાળો છો? સાવધાન, બની શકે છે જીવલેણ

Shaken Baby Syndrome:જો આપ પણ બાળકને લાડથી હવામાં ઉછાળો છો. તો તે આપના બાળક માટે ખતરનાક સાબિત થઇ શકે છે.તમારા બાળકનું મૃત્યુ પણ થઈ શકે છે.

પ્રતીકાત્મક

Shaken Baby Syndrome:નાના બાળકો  ઘરની રોનક હોય  છે. માતા-પિતા કે સંબંધીઓને બાળકોનું હાસ્ય અને રમત ખૂબ જ ગમે છે. ઘણી વખત માતા-પિતા પ્રેમથી લાડમાં  બાળકને  હવામાં જોરથી  ઉછાળે છે. તમે તમારા ઘરમાં પણ આ જોયું જ હશે અથવા તો આપ પણ આપના બાળક સાથે ક્યારેક આવું કરતા હશો. જ્યારે તમે આ કરો છો ત્યારે બાળકો ખૂબ હશે છે. પરંતુ શું તમે જાણો છો કે આવું કરવું તમારા બાળક માટે ખતરનાક સાબિત થઈ શકે છે. કારણ કે તે બાળકના  મગજને સૌથી વધુ અસર કરે છે અને તમારું બાળક શેકન બેબી સિન્ડ્રોમનો શિકાર બને છે. બાળકના મગજના કોષોને નુકસાન થઇ શકે  છે.

બાળકને હવામાં ઉછાળવાના ગેરફાયદા

ડૉક્ટરના કહેવા પ્રમાણે, જ્યારે તમે બાળકને હવામાં ઉછાળો છો, ત્યારે તેના  મગજમાં હલચલ મચી જાય છે.આ કારણે  મગજમાં સોજો પણ આવી શકે છે. મગજનો વિકાસ પણ અટકી શકે છે. તેની સાથે ન્યુરોલોજિકલ બીમારીનો પણ ખતરો રહે છે. આમાં  સૌથી ચિંતાજનક બાબત એ છે કે આ રોગનું  સરળતાથી નિદાન થતું નથી.

ડોકટરો શું કહે છે

બાળકો  નાજુક હોય છે. તેમના શરીરના દરેક અંગ નબળા હોય  છે કારણ કે તે વિકાસના તબક્કામાં છે. 2 વર્ષથી ઓછી ઉંમરના બાળકોની ગરદનનું હાડકું ખૂબ જ નબળું અને લવચીક હોય છે. આ સાથે બાળકો પોતાના શરીરને કેવી રીતે નિયંત્રિત કરવું તે પણ નથી જાણતા. આવી સ્થિતિમાં, જ્યારે તમે બાળકને હવામાં ઉછાળો છો, ત્યારે તેમને આંતરિક ઈજા થવાનો ભય રહે છે. આ દરમિયાન બાળકને મગજને નુકસાન થઈ શકે છે અને તેનું મૃત્યુ પણ થઈ શકે છે. ડૉક્ટરનું  એવું પણ કહેવું  છે કે, નાના બાળકનું માથું તેના શરીર કરતા ઘણું મોટું છે. એટલા માટે જ્યારે તમે તેમને હવામાં ઉછાળો છો, ત્યારે તેમના મગજ પર દબાણ આવે છે, ઘણી વખત તેના કારણે અંદરથી ડેમેજ પણ થઇ શકે છે.  અને તે શેકન બેબી સિન્ડ્રોમના ભોગ બની શકે

શેકન બેબી સિન્ડ્રોમના લક્ષણો

• અતિશય ચીડિયા બનવું
• શ્વાસની તકલીફ
• ઉલટી
• ચક્કર
• કોમા અને લકવો
• હાડકાં અને પાંસળીમાં ફ્રેક્ચર
• આંખની અંદર રક્તસ્ત્રાવ

બચાવ માટે શું કરવું

સૌ પ્રથમ, બાળકને હવામાં ઉછાળવાનું ટાળવું જોઈએ, અને જો શેકન બેબી સિન્ડ્રોમના લક્ષણો દેખાય તો પણ તરત જ ડૉક્ટર પાસે સારવાર લેવી જોઈએ.

Disclaimer: આ આર્ટિકલમાં દર્શાવવામાં આવેલી પદ્ધતિ,ઉપચાર,ડાયટ, દવા,ઉપાયની પુષ્ટી abp અસ્મિતા નથી કરતું, આ પદ્ધતિ, રીત, વિધિ, ઉપાય, ડાયટને અનુસરતા   પહેલા જેતે વિષયના નિષ્ણાતની સલાહ અવશ્ય લો