શું તમે વજન ઘટાડવા માટે ખાઓ છો સલાડ? તો આટલી બાબતોનું રાખો ખાસ ધ્યાન

મોટાભાગના લોકો વજન ઘટાડવા માટે મોટાભાગે સલાડ ખાવાનું પસંદ કરતાં હોય છે. ત્યારે સલાડ ખાવામાં પણ તમારે શું ધ્યાન રાખવું તે જાણવું જરૂરી છે.

પ્રતિકાત્મક તસવીર

Salad To Lose Weight:રોગોથી દુર રહેવા માટે, હેલ્ધી લાઈફસ્ટાઈલ  માટે, સ્લિમ અને ફિટ દેખાવા માટે ખાણીપીણીમાં મોટાભાગના લોકો હેલ્ધી ફુડ સામેલ કરતા હોય છે. ખાસ કરીને જે વ્યક્તિઓ વજન ઘટાડવા માંગતા હોય તે સલાડ ખાવાનું વધુ પસંદ કરે છે. વેઇટ લોસ માટે હંમેશા ફાઇબર વાળા ફુડ ખાવાની સલાહ આપવામાં આવે છે.

ડિનરમાં લોકો સલાડ સામેલ કરતા હોય છે. કેમકે તે પચવામાં સરળ રહે છે. પેટ વધુ ભારે ફીલ પણ થતુ નથી. જો તમે ડિનર, લંચ કે બ્રેકફાસ્ટમાં કોઇ પણ સમયે સલાડને ડાયેટનો ભાગ બનાવતા હો તો કેટલીક બાબતોનું ધ્યાન રાખવુ જરૂરી છે, જેથી તમને સલાડના બધા પોષકતત્વો મળી શકે.

હેલ્ધી સલાડ બનાવતી વખતે આ બાબતોનું ધ્યાન રાખો

જો તમે ડેઇલી ડાયેટમાં સલાડ સામેલ કરતા હો તો સીઝનલ શાકભાજી ખાવ

ફેન્સી અને એક્સપેન્સિવ શાકભાજી અને ફળને સામેલ કરવાના બદલે લોકલ ફ્રુટ્સ અને વેજિટેબલ્સને પ્લેટમાં સામેલ કરો. તે ઓર્ગેનિક હશે અને સીઝન પ્રમાણે હોવાના કારણે ફાયદો પણ કરશે.

કોઇ પણ શાકભાજી કે ફળના કારણે ડાઇજેશન પ્રોબલેમ થતો હોય તો તેને સ્કીપ કરો.

શાકભાજી ખાતર અને પેસ્ટીસાઇડ્સમાં ઉગ્યા હોય છે, તેથી તેની પર કેટલાક તત્વો રહી જાય છે. જો તમે સલાડ કાચુ ખાઇ રહ્યા હોય તો તેને ગરમ પાણીથી ધોઇને લુછીને પછી જ ખાવ.

હંમેશા કલરફુલ શાકભાજીને પ્લેટમાં રાખો, જેથી જરૂરી ન્યુટ્રિશન મળી શકે.

સાથે સાથે કેટલાક નટ્સ, ડ્રાયફ્રુટ્સ, બીજને સલાડમાં સામેલ કરો જેથી તમારુ ન્યુટ્રિશન વધી શકે.

સિમ્પલ શાકભાજીમાંથી બનેલા સલાડને તમે વેઇટલોસ ડાયેટમાં સામેલ કરો. તમે કિનોઆ સલાડ ખાઇ શકો છો. તેમાં કિનોઆમાં ટામેટા લાલ કેપ્સિકમ, ડુંગળી નાંખીને નોન સ્ટીક પેનમાં ફ્રાય કરો.

ખીરાનું સલાડ કોમન છે. ગરમીમાં તેને ખાવાથી વજન ઘટાડવામાં મદદ મળે છે. વેઇટલોસથી પણ બચી શકાય છે. ખીરામાં ટામેટા મિક્સ કરી તેમાં સંચળ, લીંબુ નાંખીને ખાઇ શકો છો.

Brain Exercise: શું હોય છે મગજની કસરત, શા માટે મેંટલ ફિટનેસ માટે સૌથી વધુ જરૂરી હોય છે મગજની કસરત

Mental Health Tips: એવું કહેવાય છે કે શરીરના યોગ્ય કાર્ય માટે, મગજનું યોગ્ય રીતે કામ કરવું ખૂબ જ મહત્વપૂર્ણ છે, કારણ કે મગજ જ આપણા આખા શરીરને કાર્ય કરવા સક્ષમ બનાવે છે. આવી સ્થિતિમાં મગજને સ્વસ્થ અને ફિટ રાખવું ખૂબ જ જરૂરી છે. તો ચાલો આજે અમે તમને મગજની કસરત વિશે જણાવીએ કે તે શું છે અને તેનાથી યાદશક્તિ, એકાગ્રતા અને ધ્યાન કેવી રીતે વધારી શકાય છે.

મગજની કસરત શું છે

મગજની કસરત નામ પ્રમાણે જ મગજને સક્રિય રાખવા માટે જે પ્રવૃત્તિ કરવામાં આવે છે તેને મગજની કસરત કહેવાય છે. આના કારણે મગજમાં લોહીનો પ્રવાહ સારો રહે છે, મગજમાં ઓક્સિજનનો પુરવઠો યોગ્ય રીતે થાય છે અને મગજના નાના ટિશ્યુઝ સ્વસ્થ રહે છે. જેના કારણે ચિંતા, તણાવ અને નકારાત્મક અસરો ઓછી થઈ શકે છે.

મગજની કસરત આ રીતે કરો

નિષ્ણાતોના મતે, જો તમે મગજને સક્રિય કરવા માટે દિવસમાં ઓછામાં ઓછા 20 મિનિટથી અડધા કલાકનો સમય લો છો, તો તે ડિમેન્શિયા અને અલ્ઝાઈમર જેવી બીમારીઓની શક્યતા ઘટાડે છે.

 મગજની કસરતનો અર્થ એ નથી કે તમે ભારે વર્કઆઉટ કરો છો, પરંતુ તેનો અર્થ એ છે કે તમે ધ્યાન કરો અને મનને શાંત કરો. મગજની કસરત માટે રોજ વાંચો, કંઈક નવું લખો, ચેસ, ક્રોસવર્ડ જેવી પઝલ ગેમ રમો. જેના કારણે તમારું મન સક્રિય રહેશે. મગજને વ્યાયામ કરવા માટે, થોડો સમય કાઢીને તમારી પસંદગીનું કંઈક કરો, જેમ કે નવી ભાષા શીખવી, કોઈ વાદ્ય વગાડવું, સંગીત શીખવું, નૃત્ય કરવું, આ બાબતો મગજને આરામ આપે છે અને મગજને ઉત્તમ કસરત આપે છે