![ABP Premium](https://cdn.abplive.com/imagebank/Premium-ad-Icon.png)
Women Day 2024: આ છે ભારતના ઇતિહાસની સૌથી શક્તિશાળી મહિલાઓ, ગર્વથી લેવામાં આવે છે તેમનું નામ
International Womens Day:ભારતના ઇતિહાસમાં ઘણી શક્તિશાળી અને પ્રેરણાદાયી મહિલાઓ રહી છે
![Women Day 2024: આ છે ભારતના ઇતિહાસની સૌથી શક્તિશાળી મહિલાઓ, ગર્વથી લેવામાં આવે છે તેમનું નામ International Womens Day: Most Powerful Women In Indian History Women Day 2024: આ છે ભારતના ઇતિહાસની સૌથી શક્તિશાળી મહિલાઓ, ગર્વથી લેવામાં આવે છે તેમનું નામ](https://feeds.abplive.com/onecms/images/uploaded-images/2024/03/08/6fe8322264ec438bf3c7bfa316d9a954170986594581174_original.jpg?impolicy=abp_cdn&imwidth=1200&height=675)
International Womens Day: ભારતના ઇતિહાસમાં ઘણી શક્તિશાળી અને પ્રેરણાદાયી મહિલાઓ રહી છે, જેમણે પોતાના યુગમાં અનન્ય યોગદાન આપ્યું છે. કોઇ રાજાઓ મહારાજાઓના યુગમાં જન્મ્યા અને બ્રિટિશ શાસન સામે સંઘર્ષ કર્યો, જ્યારે કેટલાક સ્વતંત્ર ભારતના પાયા તરીકે ઉભરી આવ્યા. અહીં એવી કેટલીક મહિલાઓનો ઉલ્લેખ કરવામાં આવી રહ્યો છે જેમણે ભારતીય ઈતિહાસમાં મહત્વપૂર્ણ ભૂમિકાઓ ભજવી છે.
રાણી પદ્મિની (પદ્માવતી): રાજપૂતાના રાણી પદ્મિની, જેમણે પોતાની સુંદરતા અને હિંમતથી પોતાની ઓળખ બનાવી. તેમની બહાદુરી અને સમર્થનએ તેમને ઐતિહાસિક પાત્ર બનાવ્યા છે. તેઓ ચિત્તોડના રાજા રતન સિંહના રાણી હતા. એવું કહેવાય છે કે ચિત્તોડમાં ખિલજીના હુમલા વખતે પોતાની ઈજ્જત બચાવવા માટે રાણી પદ્મિનીએ 1303માં જોહર કર્યું હતું. મલિક મોહમ્મદ જયસીએ 1540માં પદ્માવત લખી હતી.
રાણી લક્ષ્મી બાઈ: ઝાંસીની રાણી લક્ષ્મી બાઈ, જેમણે સ્વતંત્રતા સંગ્રામમાં પોતાની બહાદુરીથી ઓળખ મેળવી હતી. તેમની બહાદુરી ભારતીય ઈતિહાસના પાના પર હંમેશા રહેશે. વારાણસીમાં જન્મેલા મણિકર્ણિકા જેમને પ્રેમથી મનુ કહેવામાં આવે છે, તેમના લગ્ન ગંગાધર રાવ સાથે થયા હતા. તેઓ 1857ની ક્રાંતિના સૌથી મોટી નાયિકા હતા. ગ્વાલિયરમાં અંગ્રેજો સામે લડતા લડતા તેઓ શહીદ થયા હતા.
ઈન્દિરા ગાંધી: ભારતીય રાજકારણના પ્રથમ મહિલા વડાપ્રધાન અને ભારતીય સ્વતંત્રતા ચળવળ પછીના મહાન નેતાઓમાંના એક. ભારતીય રાજકારણના ઈતિહાસમાં તેમનું યોગદાન અનન્ય હતું. નેહરુ પરિવારની પુત્રી ઈન્દિરા ગાંધીએ પોતાના કાર્યકાળ દરમિયાન ઘણા મોટા નિર્ણયો લીધા જે ઈતિહાસમાં કાયમ માટે નોંધાયેલા છે.
સરોજિની નાયડુ: ભારતીય સ્વતંત્રતા સંગ્રામના અગ્રણી નેતા અને ભારતીય સમાજમાં મહિલા શિક્ષણ અને સામાજિક સુધારણાને ટેકો આપનાર મહત્વપૂર્ણ મહિલા રહ્યા છે. સરોજિની નાયડુ દેશના પ્રથમ મહિલા રાજ્યપાલ હતા. તેઓ મૃત્યુ સુધી આ પદ પર રહ્યા હતા. 2 માર્ચ 1949ના રોજ લખનઉમાં 70 વર્ષની વયે હૃદયરોગના હુમલાથી તેમનું અવસાન થયું.
કલ્પના ચાવલાઃ કલ્પના ચાવલાનો જન્મ 17 માર્ચ, 1962ના રોજ કરનાલ, પૂર્વ પંજાબ, ભારતમાં થયો હતો. તે ભારતીય મૂળના અમેરિકન અવકાશયાત્રી અને એન્જિનિયર હતા. તેઓ અવકાશમાં જનારી ભારતીય મૂળની પ્રથમ મહિલા હતી. 1997 માં તેમણે મિશન એક્સપર્ટ અને પ્રાથમિક રોબોટિક આર્મ ઓપરેટર તરીકે પ્રથમ વખત સ્પેસ શટલ કોલંબિયાથી ઉડાણ ભરી હતી. 1 ફેબ્રુઆરી, 2003ના રોજ જ્યારે સ્પેસ શટલ કોલંબિયા પૃથ્વીના વાતાવરણમાં પ્રવેશથી વખતે તૂટી પડ્યું ત્યારે તેણીનું અવસાન થયું હતું. વિમાનમાં સવાર તમામ સાત અવકાશયાત્રીઓનું નિધન થયું હતું.
આ મહિલાઓએ તેમના સમયમાં અનન્ય યોગદાન આપ્યું હતું અને તેમની પ્રેરણાદાયી વાર્તાઓ આજે પણ આપણને હિંમત, શ્રેષ્ઠતા અને સમર્પણની દિશામાં માર્ગદર્શન આપે છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)