Ahemdabad: કોરોનાનો કહેર વધતા માઈક્રો કન્ટેઈનમેન્ટ ઝોનની સંખ્યા વધી,  જાણો કેટલા નવા વિસ્તારોનો કરાયો સમાવેશ 

રાજ્યમાં સૌથી વધારે કેસ અમદાવાદમાં નોંધાઈ રહ્યા છે. જેને લઈ અમદાવાદ શહેરમાં કોરોના સંક્રમણ અટકાવવા માટે અમદાવાદ મ્યુનિશિપલ કોર્પોરશન દ્વારા ઝોનમાં આવેલા રિપોર્ટના અનુસંધાને કન્ટેઈનમેન્ટ ઝોન જાહેર કરવામાં આવ્યા છે.

પ્રતિકાત્મક તસવીર

અમદાવાદ: રાજ્યમાં કોરોના વાયરસનું સંક્રમણ સતત વધી રહ્યું છે. દરરોજ કોરોનાના કેસમાં વધારો થઈ રહ્યો છે રાજ્યમાં સૌથી વધારે કેસ અમદાવાદમાં નોંધાઈ રહ્યા છે. જેને લઈ અમદાવાદ શહેરમાં કોરોના સંક્રમણ અટકાવવા માટે અમદાવાદ મ્યુનિશિપલ કોર્પોરશન દ્વારા ઝોનમાં આવેલા રિપોર્ટના અનુસંધાને કન્ટેઈનમેન્ટ ઝોન જાહેર કરવામાં આવ્યા છે. હાલ અમદાવાદમાં કુલ 213 માઈક્રોકન્ટેઈમેન્ટ ઝોન અમલામાં છે.  કોરોના સંક્રમણના વધી રહેલા કેસને લઈને આજે નવા 20 વિસ્તારોને માઈક્રો કન્ટેઈમેન્ટ જાહેર કરવામાં આવ્યા છે.   આજે 5 માઈક્રો કન્ટેઈનમેન્ટ ઝોનને દુર કરવાનો નિર્ણય લેવામાં આવ્યો છે. 

અમદાવાદમાં માઈક્રો કન્ટેનમેન્ટ ઝોનની સંખ્યા વધીને થઈ 233 થઈ ગઈ છે. IIMમાં 150 અને ગોતા સ્થિત યુનિક આશિયામાં 100 સ્થાનિકો માઈક્રો કન્ટેનમેન્ટ ઝોન હેઠળ મુકવામાં આવ્યા છે.

સૌથી વધારે 551 કેસ અમદાવાદ કોર્પોરેશનમાં નોંધાયા છે. રાજ્યમાં આજે વધુ 7 લોકોના કોરોના સંક્રમણથી મૃત્યુ થયાં હતા. આજે રાજ્યમાં 1405 દર્દીઓએ કોરોનાને મ્હાત આપી છે. રાજ્યમાં કોરોના સંક્રમણથી કુલ મૃત્યુઆંક 4473 પર પહોંચ્યો છે.

ગુજરાતમાં અત્યાર સુધી કુલ 2,94,130 લોકો કોરોના વાયરસથી સંક્રમિત થઈ ચુક્યાં છે. જેમાંથી 2,80,285 લોકોએ કોરોના વાયરસને મ્હાત આપી ચુક્યા છે.  હાલ 9371 એક્ટિવ કેસ છે, જેમાંથી 81 લોકો વેન્ટિલેટર પર અને 9291 લોકો સ્ટેબલ છે. રાજ્યમાં કોરોનાથી રિકવરી રેટ 95.29 ટકા પર પહોંચ્યો છે.

કોરોનાથી ક્યાં કેટલા મોત થયા ?

આજે સુરત કોર્પોરેશનમાં 4, મહિસાગરમાં 2 અને અમદાવાદ કોર્પોરેશનમાં 1 મોત સાથે કુલ 7 લોકોના મોત થયા હતા. રાજ્યમાં અત્યાર સુધી કુલ 4473 લોકોના કોરોનાથી મોત થયા છે. 

ક્યાં કેટલા કેસ નોંધાયા  ?

અમદાવાદ કોર્પોરેશનમાં 551, સુરત કોર્પોરેશનમાં 501, વડોદરા કોર્પોરેશનમાં 164 ,  રાજકોટ  કોર્પોરેશનમાં 146, સુરતમાં 127, નર્મદા-27,  જામનગર કોર્પોરેશનમાં 24, પાટણ-24,   ભાવનગર કોર્પોરેશનમાં 23, રાજકોટમાં 23, ગાંધીનગર કોર્પોરેશન 21, જામનગરમાં-20, વડોદરામાં 20, બનાસકાંઠામાં-19, દાહોદમાં-19, કચ્છમાં 19, ખેડામાં-18, મહેસાણામાં-18, ગાંધીનગરમાં -17, અમરેલીમાં-16, આણંદ-16, સુરેન્દ્રનગરમાં-16, મહીસાગર-15, સાબરકાંઠા-15, મોરબી-13, ભરુચ-11 અને નવસારીમાં 11 કેસ નોંધાયા હતા.

કેટલા લોકોએ લીધી રસી

વેક્સિનેસન કાર્યક્રમ અંતર્ગત અત્યાર સુધીમાં કુલ 38,64,161  લોકોને વેક્સિનનો પ્રથમ ડોઝ આપવામાં આવ્યો છે અને6,21,158 લોકોને કોરોનાની રસીનો બીજો ડોઝ આપવામાં આવ્યો છે.  રાજ્યમાં આજે કુલ 1,90,720 લોકોને રસી આપવામાં આવી છે. આજે 60 વર્ષથી વધુ વયના તેમજ 45થી 60 વર્ષના ગંભીર બીમારી ધરાવતા કુલ 1,78,796 વ્યક્તિઓનું રસીકરણ કરાયું. અત્યાર સુધીમાં રાજ્યમાં એક પણ વ્યક્તિને આ રસીના કારણે ગંભીર આડઅસર જોવા મળેલ નથી.