AMTS Budget: અમદાવાદ એએમટીએસનું 641 કરોડનું વાર્ષિક બજેટ રજૂ, જાણો બસોને લઇને શું છે નવું આયોજન ?
નાણાંકીય વર્ષ માટે દેશથી લઇને દરેક રાજ્યોમાં બજેટનો માહોલ છે, દેશમાં વચગાળાનું મોદી સરકારનું બજેટ પણ આવી રહ્યું છે, અને રાજ્યનું બજેટ પણ આવી રહ્યું છે
Ahmedabad AMTS News: નાણાંકીય વર્ષ માટે દેશથી લઇને દરેક રાજ્યોમાં બજેટનો માહોલ છે, દેશમાં વચગાળાનું મોદી સરકારનું બજેટ પણ આવી રહ્યું છે, અને રાજ્યનું બજેટ પણ આવી રહ્યું છે, ત્યારે આ બધાની વચ્ચે અમદાવાદ મ્યૂનિસિપલ કૉર્પોરેશનનું એએમટીએસ બજેટ પણ આજે રજૂ થયુ છે. એએમટીએસનું વાર્ષિક બજેટ આ વખતે 641 કરોડથી વધુનું રજૂ થયુ છે. માહિતી છે કે, અમદાવાદ મ્યૂનિસિપલ કૉર્પોરેશનની સર્વિસ એએમટીએસ માટે આજે વાર્ષિક બજેટ રજૂ કરવામાં આવ્યુ હતુ, વર્ષ 2024-25 આ બજેટ 641.50 કરોડનું જાહેર કરવામાં આવ્યુ છે. રેવન્યુ બજેટ 635 કરોડ અને કેપિટલ બજેટ 6.5 કરોડ જાહેર કરવામાં આવ્યુ છે. વધુ આવક ધરાવતા રૂટ ઉપર ઇલેક્ટ્રિક ડબલ ડેકર બસ પ્રથમ તબક્કામાં સાત જેટલી મુકવાનું આયોજન છે. AMTSની કુલ 1052 બસ સામે હવે રૉડ ઉપર 1020 બસો દોડાવવામાં આવશે. આમ હવે એએમટીએસ બસોમાં વધારો થશે.
અમદાવાદ મનપાના વોર્ડ ઈન્સ્પેક્ટર વિરૂદ્ધ ACBની કાર્યવાહી, 2.75 કરોડની મળી અપ્રમાણસર મિલકત
અમદાવાદ મહાનગરપાલિકાના વોર્ડ ઇન્સ્પેક્ટર સુનિલ રાણા વિરૂદ્ધ અપ્રમાણસર મિલકતનો ગુનો દાખલ થયો છે. તપાસમાં સત્તાવાર કરતા 306 ટકા વધુ મિલકત હોવાનો ઘટસ્ફોટ થયો છે. તેમની પાસેથી 2.75 કરોડની અપ્રમાણસર મિલકત મળી આવી છે. ઉલ્લેખનિય છે કે કેટલીક સંપતી પત્ની-સંતાનોના નામે હોવાનું સામે આવ્યું છે. વૈષ્ણોદેવી વિસ્તારમાં સુનિલ રાણાનો ફ્લેટ છે ઉપરાંત જસમીન ગ્રીન-1માં બ્લોક Cના 503 લક્ઝુરીયસ ફ્લેટ છે. આ ફ્લેટ પત્ની મનીષા રાણાના નામે હોવાનો ખુલાસો થયો છે. આ ફ્લેટ માત્ર ઇન્વેસ્ટ માટે લીધો હોવાથી બંધ હોવાની બાતમી મળી છે. આ લાંચિયા અધિકારી સુનીલ રાણાના સુઘડના મકાને abp અસ્મિતાની ટીમ પહોંચી હતી. અહીં સુઘડની શ્રીબાલાજી અગોરા રેસીડેન્સીમાં સુનીલ રાણાએ પત્નીના નામે ફ્લેટ લીધો છે. મનીષા રાણાના નામે F2મા 9 નંબરનો ફ્લેટ છે. વર્ષ 2014માં સુનીલ રાણા એ પત્નીના નામે ફ્લેટ ખરીદ્યો હતો. સુનીલ રાણાએ અંદાજિત રૂ. 14 લાખમાં આ ફ્લેટ ખરીદ્યો હોવાની માહિતી મળી છે.
ઇમરાન ખેડાવાલેએ ભ્રષ્ટ્ર અધિકારી મામલે આપ્યું નિવેદન
તો આ સમગ્ર મામલે જમાલપુર ખાડીયા વિધાનસભાના ધારાસભ્ય ઇમરાન ખેડાવાલાનું મોટું નિવેદન આપ્યું છે. સમગ્ર ગુજરાતમાં 50 કલાસ 1 અને 2 ના અધિકારીઓ સામે ભ્રષ્ટાચારની તપાસ અંગે સરકારમાં અરજી ગઈ છે. જો કે IAS, IPS અને GAS કક્ષાના અધિકારીઓ સામે તપાસ માટે સરકાર મંજૂરી આપતી નથી, સુનિલ રાણા નાની માછલી છે,મોટા મગરમચ્છ હજી બહાર ફરે છે,આગામી વિધાનસભામાં હું વિધાનસભા માં આ અંગે બિલ લાવવા માંગણી કરવાનો છે,
કોટ વિસ્તારમાં નવા GDCR અને નવી પોલિસી માટે હું બિલ લાવવા પણ માંગણી કરવાનો છું.
ટોપ સ્ટોરી
ટ્રેન્ડિંગ સમાચાર
