![ABP Premium](https://cdn.abplive.com/imagebank/Premium-ad-Icon.png)
વિધાનસભાની ચૂંટણી પહેલા કૉંગ્રસેને ઝટકો, અમદાવાદ શહેર કોંગ્રેસના પૂર્વ પ્રમુખે રાજીનામું આપ્યું
વિધાનસભાની ચૂંટણી પહેલા કૉંગ્રસેને ઝટકો, અમદાવાદ શહેર કોંગ્રેસના પૂર્વ પ્રમુખે રાજીનામું આપ્યું
![વિધાનસભાની ચૂંટણી પહેલા કૉંગ્રસેને ઝટકો, અમદાવાદ શહેર કોંગ્રેસના પૂર્વ પ્રમુખે રાજીનામું આપ્યું Former President of Ahmedabad City Congress chetan raval resigned વિધાનસભાની ચૂંટણી પહેલા કૉંગ્રસેને ઝટકો, અમદાવાદ શહેર કોંગ્રેસના પૂર્વ પ્રમુખે રાજીનામું આપ્યું](https://feeds.abplive.com/onecms/images/uploaded-images/2022/09/29/464b09959bd6f684074214734b492de41664456236609360_original.jpg?impolicy=abp_cdn&imwidth=1200&height=675)
અમદાવાદ: ગુજરાતમાં વિધાનસભાની ચૂંટણી 2022 (Gujarat election) પહેલા કૉંગ્રેસ(Congress)ને વધુ એક મોટો ઝટકો લાગ્યો છે. અમદાવાદ (Ahmedabad)શહેર કૉંગ્રેસના પ્રમુખ રહી ચુકેલા ચેતન રાવલે પાર્ટીમાંથી રાજીનામું આપી દિધું છે. ચેતન રાવલ કૉંગ્રેસના દિગ્ગજ નેતા સ્વ પ્રબોધ રાવલના પુત્ર છે. કૉંગ્રેસના મીડિયા કન્વીનર હેમાંગ રાવલે કહ્યું કે છેલ્લા 9 મહિનાથી ચેતન રાવલ પાર્ટીમાં નિષ્ક્રિય હતા.
કેજરીવાલનો દાવો- 'સરકારી રિપોર્ટ પ્રમાણે ગુજરાતમાં આપની સરકાર બની રહી છે'
અરવિંદ કેજરીવાલ અને ભગવત માને કચ્છથી બે દિવસના પ્રવાસની શરૂઆત કરી છે. અરવિંદ કેજરીવાલ અને ભગવંત માન ગાંધીધામ જાહેરસભામાં હાજરી આપી હતી. સભામાં જનમેદની ઉમટી પડી હતી. અરવિંદ કેજરીવાલે ગાંધીધામમાં સભાને સંબોધિત કરતાં ગુજરાતની ભાજપ સરકાર પર પ્રહાર કર્યા હતા. તેમણે કહ્યું કે, ગુજરાતના મુખ્યમંત્રીને દર મહિને 5 હજાર યુનિટ વીજળી ફ્રી મળે છે. ભાજપના લોકો મને ખૂબ ગાળો આપે છે. મંત્રીઓને ચાર હજાર યુનિટ વીજળી ફ્રી મળે છે. રોજગારીને લઈ કેજરીવાલે ગુજરાત સરકાર પર નિશાન સાધ્યું હતું.
કેજરીવાલે પોતાના ભાષણની શરૂઆત કચ્છી બોલીથી કરી હતી અને પછી ગુજરાતીમાં કહ્યું કે, મજામાં. તેમણે કહ્યું કે, કોંગ્રેસને મત આપીને પોતાનો વોટ ખરાબ નથી કરવા માંગતા. આ વખતે ઇશ્વરે તમને મોકો આપ્યો છે. એવા મત આપો કે, દિલ્લી અને પંજાબનો પણ રેકોર્ડ તૂટી જાય. એટલી મોટી બહુમતી આપો કે અમે જે વચનો આપ્યા છે, તે તમામ પૂરા કરી શકીએ. તેમણે કચ્છમાં દરેક જિલ્લામાં મોટી હોસ્પિટલ ખોલવાની જાહેરાત કરી હતી તેમજ મફતમાં સારવારની જાહેરાત કરી હતી.
તેમણે એક સર્વેની વાત કરીને દાવો કર્યો કે, એક સરકારી રિપોર્ટ આવ્યો છે. એ રિપોર્ટ પ્રમાણે, ગુજરાતમાં આપની સરકાર બની રહી છે. મોટી બહુમતીથી સરકાર બની રહી છે. આ રિપોર્ટ આવ્યો ત્યારથી તેઓ પાગલ થઈ ગયા છે. મને માહિતી મળી છે કે, બંને પાર્ટીની સિક્રેટ મીટિંગ ચાલું થઈ ગઈ છે. તેમજ તેઓ આમ આદમી પાર્ટીને રોકવા માંગે છે. તેઓ ઈચ્છે છે કે ભાજપ કે કોંગ્રેસ ગમે તે આવે પણ આમ આદમી પાર્ટીની સરકાર ન બનવી જોઇએ.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)