ગુજરાતમાં ભારે વરસાદનું તાંડવ: 21 ડેમ 'હાઈએલર્ટ' પર,14 ડેમ 100 ટકા ભરાયા, ST બસની 1309 ટ્રીપ કેન્સલ

Gujarat Rain Update: ગુજરાતમાં સર્જાયેલી ભારે વરસાદી સિસ્ટમના કારણે રાજ્યમાં પૂર અને જળબંબાકારની સ્થિતિ ગંભીર બની છે. સતત વરસી રહેલા અનરાધાર વરસાદને પગલે રાજ્યના જળાશયોમાં પાણીની મબલખ આવક થઈ રહી છે

14 ડેમ 100 ટકા ભરાયા

Source : chatgpt

Show Quick Read

Key points generated by AI, verified by newsroom

• ગુજરાતમાં ભારે વરસાદથી પૂર, જનજીવન ઠપ્પ; સેના તૈનાત.
• રાજ્યના ૧૪ ડેમ છલકાયા, ૨૧ ડેમ હાઈએલર્ટ પર મૂકાયા.
• બચાવ માટે સેના, NDRF, SDRFની ટીમો રાજ્યભરમાં તૈનાત.
• વરસાદથી ૩૮૨ ST બસ રૂટ, ૧૩૦૯ ટ્રીપ રદ કરાઈ.

Gujarat Rain Update: ગુજરાતમાં સર્જાયેલી ભારે વરસાદી સિસ્ટમના કારણે રાજ્યમાં પૂર અને જળબંબાકારની સ્થિતિ ગંભીર બની છે. સતત વરસી રહેલા અનરાધાર વરસાદને પગલે રાજ્યના જળાશયોમાં પાણીની મબલખ આવક થઈ રહી છે, તો બીજી તરફ વાહનવ્યવહાર અને સામાન્ય જનજીવન પર માઠી અસર પડી છે. પરિસ્થિતિને પહોંચી વળવા માટે રાજ્ય સરકારે સેના (Army), NDRF અને SDRFની ટીમોને મેદાનમાં ઉતારી દીધી છે.

 

ડેમ અને જળાશયોની સ્થિતિ: 14 ડેમ છલકાયા

રાજ્યમાં ભારે વરસાદને કારણે નદી-નાળા બે કાંઠે વહી રહ્યા છે અને જળાશયોની સપાટીમાં સતત વધારો થઈ રહ્યો છે:

• હાઈએલર્ટ પર ડેમ: રાજ્યના 21 ડેમ હાઈએલર્ટ પર, 4 ડેમ એલર્ટ પર અને 14 ડેમ વોર્નિંગ પર મૂકવામાં આવ્યા છે.
• જળસ્તરની ટકાવારી:

1. 100% ભરાયેલા: 14 ડેમ સંપૂર્ણ ભરાઈ ગયા છે.
2. 70% થી 100%: 25 ડેમ
3. 50% થી 70%: 27 ડેમ
4. 25% થી 50%: 55 ડેમ
5. 25% થી નીચે: 85 ડેમ ભરાયેલા છે.

રેસ્ક્યૂ ઓપરેશન: આર્મી, NDRF અને SDRF મોરચે

પૂર અને આપાતકાલીન સ્થિતિમાં લોકોને સુરક્ષિત સ્થળે ખસેડવા અને બચાવ કામગીરી માટે રાજ્યભરમાં આર્મીની 5, SDRFની 33 અને NDRFની 17 ટીમો તૈનાત કરી દેવામાં આવી છે.

• અમદાવાદ: આર્મીની 3 અને NDRFની 3 ટીમો.
• નવસારી: NDRFની 3, SDRFની 3 અને આર્મીની 2 ટીમો.
• સુરત: SDRFની 4 અને NDRFની 1 ટીમ.
• વાવ-થરાદ: NDRFની 2 ટીમો.
• વલસાડ અને બનાસકાંઠા: બંને જગ્યાએ NDRFની 1-1 અને SDRFની 1-1 ટીમ.
• પંચમહાલ અને તાપી: SDRFની 2-2 ટીમો.
• અન્ય જિલ્લાઓ: અમરેલી, દ્વારકા, જૂનાગઢ, કચ્છ, પોરબંદર અને પાટણમાં NDRFની 1-1 ટીમ જ્યારે આણંદ, ભરૂચ, છોટાઉદેપુર, ગીર સોમનાથ, જામનગર, ખેડા, મહેસાણા, મહીસાગર, મોરબી, નર્મદા, રાજકોટ, સુરેન્દ્રનગર, ડાંગ અને વડોદરામાં SDRFની 1-1 ટીમ તૈનાત રખાઈ છે.

વાહનવ્યવહાર ઠપ્પ: ST બસના 382 રૂટ બંધ, 1309 ટ્રીપ કેન્સલ

રસ્તાઓ પર પાણી ભરાવા અને માર્ગો ધોવાઈ જવાના કારણે એસટી બસ વ્યવહારને માઠી અસર પહોંચી છે. 26 જુલાઈના રોજ સવારે 9:00 વાગ્યા સુધીના આંકડા મુજબ:

• પૂરની સ્થિતિના કારણે કુલ 436 રૂટ બંધ થયા હતા, જેમાંથી સ્થિતિ સુધરતાં 54 રૂટ પૂર્વવત કરવામાં આવ્યા છે.
• હાલમાં રાજ્યમાં 382 રૂટ બંધ છે અને 1,309 ટ્રીપ રદ (Cancel) કરવામાં આવી છે.

સૌથી વધુ અસરગ્રસ્ત જિલ્લાઓ:

• અમદાવાદ: 179 રૂટ બંધ, 670 ટ્રીપ કેન્સલ.
• ભુજ: 48 રૂટ બંધ, 39 ટ્રીપ કેન્સલ.
• મહેસાણા: 32 રૂટ બંધ, 106 ટ્રીપ કેન્સલ.
• નડિયાદ: 20 રૂટ બંધ, 57 ટ્રીપ કેન્સલ.
• પાટણ: 16 રૂટ બંધ, 58 ટ્રીપ કેન્સલ.
• ભરૂચ: 13 રૂટ બંધ, 89 ટ્રીપ કેન્સલ.
• ગાંધીનગર: 11 રૂટ બંધ, 25 ટ્રીપ કેન્સલ.

આ પણ વાંચો

Gujarat Rain: રાજ્યમાં આજે અમદાવાદ સહિત 18 જિલ્લામાં વરસાદનું ઓરેન્જ એલર્ટ, નર્મદા ડેમની સપાટીમાં વધારો

Gujarat Rain: અંબાલાલ પટેલની આગાહી, બંગાળની ખાડીમાં સિસ્ટમ સક્રિય થતા પડશે ધોધમાર વરસાદ