અચાનક વાતાવરણમાં પલટો આવતાં અમદાવાદમાં વરસાદની ધમાકેદાર એન્ટ્રી, કયા-કયા વિસ્તારમાં ધોધમાર વરસાદ ખાબક્યો? જાણો વિગત

હવામાન વિભાગની આગાહી વચ્ચે આજે અમદાવાદમાં બપોરે ધોધમાર વરસાદ કાબક્યો હતો. આજે અચાનક વાતાવરણમાં પલટો આવતાં શહેરમાં ધોધમાર વરસાદ તુટી પડ્યો હતો. અંદાજે એક ઈંચ જેટલો ધોધમાર વરસાદ ખાબક્યો હતો જેના કારણે અમદાવાદમાં ઠંડક પ્રસરી ગઈ હતી.

અમદાવાદ: છેલ્લા ઘણાં દિવસોથી અમદાવાદમાં ગરમીના ત્રાસથી લોકો પરેશાન હતાં ત્યારે આજે બપોરે અચાનક વાતાવરણમાં પલટો જોવા મળ્યો હતો. હવામાન વિભાગની આગાહી વચ્ચે આજે અમદાવાદમાં બપોરે ધોધમાર વરસાદ કાબક્યો હતો. આજે અચાનક વાતાવરણમાં પલટો આવતાં શહેરમાં ધોધમાર વરસાદ તુટી પડ્યો હતો. અંદાજે એક ઈંચ જેટલો ધોધમાર વરસાદ ખાબક્યો હતો જેના કારણે અમદાવાદમાં ઠંડક પ્રસરી ગઈ હતી. બપોરે 1 વાગે અમદાવાદમાં ધોધમાર વરસાદ શરૂ થયો હતો. ભર બપોરે ભારે વરસાદ ખાબકતાં શહેરના નીચાણવાળા વિસ્તારોમાં પાણી ભરાઈ ગયા હતા જ્યારે રોડ પર ટ્રાફિકજામના દ્રશ્યો જોવા મળ્યાં હતાં. અમદાવાદમાં અંદાજે 1 ઈંચ જેટલો વરસાદ ખાબક્યો હતો. અમદાવાદના એસ.જી.હાઈવે, પ્રહલાદનગર, થલતેજ, બોપલ, વસ્ત્રાપુર, લાલ દરવાજા, બોડકદેવ, ઘાટલોડિયા, નારાયણપુરા, પંચવટી સહિતના વિસ્તારોમાં વરસાદ ખાબક્યો હતો. ભારે વરસાદને કારણે જોત જોતામાં જ રોડ પર પાણી ફરી વળ્યાં હતાં.