Rahul Gandhi: કૉંગ્રેસ નેતા રાહુલ ગાંધી આજે આવશે ગુજરાત, રિવરફ્રન્ટ પર બૂથ લેવલના કાર્યકરો સાથે સંવાદ કરશે

રાજ્યમાં યોજાનારી વિધાનસભાની ચૂંટણીને લઇને કોગ્રેસે પણ તડામાર તૈયારીઓ શરૂ કરી લીધી છે

ફોટોઃ ટ્વિટર

અમદાવાદઃ રાજ્યમાં યોજાનારી વિધાનસભાની ચૂંટણીને લઇને કોગ્રેસે પણ તડામાર તૈયારીઓ શરૂ કરી લીધી છે. વડાપ્રધાન નરેન્દ્ર મોદી અને આમ આદમી પાર્ટીના સંયોજક અરવિંદ કેજરીવાલના ગુજરાત પ્રવાસ બાદ હવે કૉંગ્રેસ નેતા રાહુલ ગાંધી પણ આજે ગુજરાતના એક દિવસના પ્રવાસે આવશે.

ભાજપના કુશાસનને ખતમ કરીને સામાન્ય પ્રજાના જીવનમાં ખુશહાલી લાવવાના સંકલ્પ સાથે આવી રહેલા આદરણીય શ્રી રાહુલ ગાંધીજીનુ ગુજરાતની ધન્ય ધરા ઉપર હાર્દિક સ્વાગત છે. @RahulGandhi #ParivartanSankalpSammelan pic.twitter.com/a3Owc8DDqS

— Gujarat Congress (@INCGujarat) September 5, 2022

રાહુલ ગાંધી  અમદાવાદના રિવરફ્રન્ટ પર પરિવર્તન સંકલ્પ સંમેલનને સંબોધિત કરી ચૂંટણી પ્રચારનો આરંભ કરાવશે.  ઉપરાંત તેઓ ગાંધીઆશ્રમમાં આયોજીત પ્રાર્થના સભામાં ઉપસ્થિત રહેશે. સવારે 11 વાગ્યે રાહુલ ગાંધી રિવરફ્રન્ટ પર પરિવર્તન સંકલ્પ સંમેલનને સંબોધન કરશે. રાહુલ ગાંધી મારૂ બુથ-મારૂ ગૌરવ ઝુંબેશ હેઠળ બુથ સમિતિના પાંચ હજાર 200 કાર્યકરોને સંબોધન કરીને ચૂંટણી જીતવાનો મંત્ર આપશે. સંમેલનને કારણે રિવરફ્રન્ટ પર વિશાળ ડોમ ઉભો કરવામાં આવ્યો છે. તો આખાય રિવરફ્રન્ટ રોડને પંજાના ઝંડા અને પતાકાથી શણગારવામાં આવ્યો છે.

देर शाम अहमदाबाद पहुंचकर कल होने वाली परिवर्तन संकल्प रैली के सभा स्थल का जायजा लिया। साबरमती रिवर फ्रंट पर होने वाली इस सभा को पूर्व कांग्रेस अध्यक्ष श्री राहुल गांधी संबोधित करेंगे pic.twitter.com/0aWWNMNOvZ

— Ashok Gehlot (@ashokgehlot51) September 4, 2022

રિવરફ્રન્ટ પર રાહુલ ગાંધીના રોડ શો પણ કરશે. જેમાં મોટી સંખ્યામાં કૉંગ્રેસના કાર્યકરો ઉમટશે. કૉંગ્રેસ શક્તિ પ્રદર્શન કરવા ભરપૂર તૈયારી કરી રહી છે.  ભારત જોડો પદયાત્રા અગાઉ રાહુલ ગાંધી ગુજરાત પ્રવાસે આવી રહ્યા છે.  બપોરે અઢી વાગ્યે રાહુલ ગાંધી ગાંધીઆશ્રમ જશે.  જ્યાં તેઓ પ્રાર્થના સભામાં ઉપસ્થિત રહેશે. સાંજે છ વાગ્યે રાહુલ ગાંધી સ્ક્રિનિંગ કમિટીના સભ્યો ઉપરાંત પ્રદેશ ઈલેક્શન કમિટી સાથે બેઠક યોજશે. ઉમેદવારોની પસંદગીથી લઈને ચૂંટણી પ્રચાર ઉપરાંત ગુજરાતની વર્તમાન રાજકીય સ્થિતિ મુદ્દે રાહુલ ગાંધી પ્રદેશ નેતાઓ સાથે ચર્ચા કરશે.