Ahmedabad: બ્લફ માસ્ટર કિરણ પટેલના પત્નીએ અમદાવાદની આ વિધાનસભા બેઠક પર નોંધાવી હતી દાવેદારી, હાલ ઘરે જોવા મળી રહ્યું છે તાળું

અમદાવાદ:  બ્લફ માસ્ટર કિરણ પટેલના ઘરે પોલીસ પહોંચી છે. બપોરે 1 થી 2 ના સમયગાળામાં કિરણ પટેલના પત્ની પણ ગાયબ થઈ ગયા છે. ABP અસ્મિતા તેમના ઘરે પહોચતા ઘેર તાળું જોવા મળ્યું હતું.

ડો.માલિની પટેલ

અમદાવાદ:  બ્લફ માસ્ટર કિરણ પટેલના ઘરે પોલીસ પહોંચી છે. બપોરે 1 થી 2 ના સમયગાળામાં કિરણ પટેલના પત્ની પણ ગાયબ થઈ ગયા છે. ABP અસ્મિતા તેમના ઘરે પહોચતા ઘેર તાળું જોવા મળ્યું હતું. કિરણ પટેલના પત્નીનું નામ ડો.માલિની પટેલ છે અને તેમણે વર્ષ 2017 માં AMC ના કાઉન્સિલર માટે ટિકિટની માંગ કરી હોવાનું સામે આવ્યું છે. તો બીજી તરફ વર્ષ 2022 ની વિધાનસભાની ચૂંટણીમાં મણિનગરના દાવેદાર તરીકે દાવેદારી નોંધાવી હતી. ડો.માલિની પટેલ વ્યવસાયે આયુર્વેદિક ડોકટર હતા.  પોતાના ઘરેથી જ આયુર્વેદિક દવાઓનો જથ્થો અલગ અલગ સ્થળે મોકલતા હતા.

આ રીતે ફૂટ્યો ભાંડો

જમ્મુ-કાશ્મીરમાંથી પીએમઓના એડિશનલ ડાયરેકટરની ખોટી ઓળખ આપી ઝેડ પ્લસ સિક્યુરિટીમાં ફરતા રહેલા ગુજરાતી વ્યક્તિની ધરપકડ કરવામાં આવી છે. આ ઠગની ઓળખ ગુજરાતના રહેવાસી કિરણ પટેલ તરીકે થઈ છે. તેની 3 માર્ચ, 2023ના રોજ શ્રીનગરથી ધરપકડ કરવામાં આવી હતી પરંતુ મીડિયામાં આ જાણકારી હવે આવી છે.

કોર્ટે મોકલ્યો કસ્ટડીમાં

16 માર્ચે તેને જમ્મુ-કાશ્મીર પોલીસે શ્રીનગર કોર્ટમાં રજૂ કર્યો હતો. જે બાદ કોર્ટે તેને કસ્ટડીમાં મોકલી આપ્યો હતો. એક ચેનલના રિપોર્ટ પ્રમાણે, કિરણ પટેલ ઓક્ટોબર 2022થી કાશ્મીર ઘાટીની મુલાકાત લેતો હતો. ધરપકડ પહેલા તે એલઓસી નજીક ઉરી કમાન પોસ્ટ થઈને શ્રીનગરના લાલ ચોક સુધી ગયો હતો. તે જમ્મુ-કાશ્મીરમાં 5 સ્ટાર હોટલમાં રોકાતો હતો. ઝેડ પ્લસ સિક્યોરિટી સાથે બુલેટપ્રૂફ ગાડીમાં ફકરતો હતો.

સોશિયલ મીડિયા પર વીડિયો વાયરલ

મીડિયા રિપોર્ટ્સ અનુસાર, કિરણ પટેલ પોતાને વડાપ્રધાન કાર્યાલયમાં એડિશનલ ડિરેક્ટર (સ્ટ્રેટેજી એન્ડ કેમ્પેન્સ) તરીકે ઓળખાવતો હતો. તેમણે ફેબ્રુઆરી 2023માં જમ્મુ-કાશ્મીરની મુલાકાત પણ લીધી હતી. તેમની મુલાકાતના ઘણા વીડિયો સોશિયલ મીડિયા પર વાયરલ થઈ રહ્યા છે. તેને પોલીસ અને અર્ધલશ્કરી દળોના રક્ષણ હેઠળ કાશ્મીરમાં વિવિધ સ્થળોએ જોઈ શકાય છે. સોશિયલ મીડિયા પર વાયરલ થયેલી પોસ્ટમાં તે બડગામના દૂધપથરી ખાતે બરફ પર ચાલતા જોઈ શકાય છે. આ સિવાય તે શ્રીનગર ક્લોક ટાવર અને ઉરીમાં એલઓસી પાસે સુરક્ષા દળો સાથે પોઝ આપતાં પણ જોઈ શકાય છે.

એવું જાણવા મળ્યું છે કે કિરણ પટેલે ઉચ્ચ સ્તરીય સરકારી સુવિધાઓનો લાભ લઈને જમ્મુ અને કાશ્મીરના વિવિધ ભાગોનો માત્ર પ્રવાસ જ કર્યો ન હતો, પરંતુ બડગામમાં અધિકારીઓ સાથે બેઠકો પણ કરી હતી. શંકા બાદ ગુપ્તચર એજન્સીઓએ જમ્મુ-કાશ્મીર પોલીસને તેના વિશે એલર્ટ કરી દીધું. જે બાદ તેની શ્રીનગરની હોટલમાંથી ધરપકડ કરવામાં આવી હતી.