Ahmedabad: ગૃહમંત્રી અમિત શાહ આ તારીખે આવશે ગુજરાત, 3 રાજ્યોના સીએમ સાથે કરશે બેઠક

અમદાવાદ: કેન્દ્રીય ગૃહમંત્રી અમિત શાહ ફરી ગુજરાત પ્રવાસે આવી રહ્યા છે. આજ મહિને ગૃહમંત્રી પોતાના મત વિસ્તારમાં આવ્યા હતા. તે સમયે તેમણે અનેક વિકાસ કાર્યોની ભેટ આપી હતી.

(તસવીર-ટ્વિટર)

Source : Twitter/ANI

અમદાવાદ: કેન્દ્રીય ગૃહમંત્રી અમિત શાહ ફરી ગુજરાત પ્રવાસે આવી રહ્યા છે. આજ મહિને ગૃહમંત્રી પોતાના મત વિસ્તારમાં આવ્યા હતા. તે સમયે તેમણે અનેક વિકાસ કાર્યોની ભેટ આપી હતી. તો બીજી તરફ આ સોમવારે ફરી ગૃહમંત્રી ગુજરાતની મુલાકાતે આવશે. વેસ્ટ ઝોન કાઉન્સિલની ગાંધીનગર ખાતે સોમવારે અમિત શાહના અધ્યક્ષ સ્થાને મહત્વની બેઠક મળશે.

ગુજરાત,મહારાષ્ટ્ર અને ગોવાના મુખ્યમંત્રી અને નાયબ મુખ્યમંત્રી પણ આ બેઠકમાં ઉપસ્થિત રહેશે. ગાંધીનગરમાં મળનારી મહત્વની બેઠકમાં ત્રણેય રાજ્યો વચ્ચે વહીવટી કામ અને અન્ય મહત્વના પ્રોજેક્ટનું સંકલન થશે. મહારાષ્ટ્ર સીએમ એકનાથ શિંદે, ગોવાના સીએમ પ્રમોદ સાવંત તેમજ મહારાષ્ટ્રના બંને નાયબ મુખ્યમંત્રી પણ હાજર રહેશે. વર્ષમાં એકાદ બે વખત મળતી મહત્વની બેઠક આ વખતે ગુજરાતમાં મળશે.

13 ઓગસ્ટે ગૃહમંત્રીએ ગાંધીનગર ખાતે વિપક્ષ પર પ્રહાર કર્યા હતા

 કેન્દ્રીય ગૃહમંત્રી અમિત શાહ બે દિવસથી ગુજરાતના પ્રવાસે આવ્યા હતા. આ દરમિયાન ગૃહમંત્રીએ ગાંધીનગરના માણસામાં પૂજા અર્ચના કરી હતી. બહુચર માતાજીના મંદિરમાં પૂજા અર્ચના કરી હતી. આ ઉપરાંત પરિવારજનો સાથે સદાવ્રતમાં ભોજન કર્યું હતું. તમને જણાવી દઈએ કે, અમિત શાહે તેમના માતા કુસુમબાના નામે સદાવ્રત શરુ કર્યું છે. પોતાના મતવિસ્તાર માણસાથી અમિત શાહે વિપક્ષ પર પ્રહાર કર્યા હતા. તેમણે કહ્યું કે, અવિશ્વાસ પ્રસ્તાવ લાવનારાઓની મોદીજીએ ધોલાઈ કરી છે.  વિપક્ષી દળો હવે નામ બદલીને આવ્યા છે. નામ બદલનારાઓને કોણ મત આપશે તમે જ કહો. મોદી સાહેબના નેતૃત્વમાં ભાજપ પૂર્ણ બહુમતી સાથે જીતશે. 

 

Visuals from the Tiranga Yatra under the #HarGharTiranga campaign, in my parliamentary constituency, Gandhinagar, today. pic.twitter.com/tzWRs7Hn5O

— Amit Shah (@AmitShah) August 13, 2023

9 વર્ષમાં નરેન્દ્ર મોદીએ ભારતનું નામ આખા વિશ્વમાં ગુંજતું કર્યું છે. 11માં ક્રમેથી ભારતને 5માં ક્રમે લાવ્યા છે. પાકિસ્તાન જ નહિ આખા વિશ્વના દેશો ભેગા મળીને ભારત પર હુમલો કરે તો પણ સફળ ન થાય એવી સુરક્ષા કરવાની જવાબદારી યુવાઓની છે. કોંગ્રેસ પર પ્રહાર કરતા અમિત શાહે કહ્યું કે, 12 લાખ કરોડના ગોટાળાના છેલ્લા 10 વર્ષમાં કોંગ્રેસે કર્યા હતા. કોઈ પેઢી જાણી જાય નહિ એટલે નામ બદલવા મળ્યા છે. UPAની જગ્યાએ india નામ લઈને આવ્યા છે. ગાંધીનગરના સરઢવ ખાતે વિવિધ વિકાસ કાર્યોના ખાતમુહૂર્ત અને લોકાર્પણ કાર્યક્રમમાં હાજરી આપી હતી. CREDAI - GAIHED દ્વારા ગાંધીનગર લોકસભાની 150 આંગણવાડીઓમાં CSR ફંડમાંથી રમતગમતના સાધનોનું લોકાર્પણ કરવામાં આવ્યું હતું. ગુડા દ્વારા નવનિર્મિત બગીચાનુ લોકાર્પણ પણ કરાયું. આજે સવારથી સાંજ સુધી મત વિસ્તારમાં 1 હજાર કરોડથી વધુ વિકાસ કામોનું લોકાર્પણ અને ખાતમુહૂર્ત કર્યું.