Plane Crash: બેગ પેક જવાની તૈયારી હતી અને જાણો કેવી રીતે કુદરતે આ 4 લોકોને વિમાન દુર્ધટનાથી બચાવી લીઘા
12 જૂને અમદાવાદથી ઉડાન ભરેલી એર ઇન્ડિયાની 'ફ્લાઇટ 171 ' એક ભયંકર અકસ્માતનો ભોગ બની. આ ફ્લાઇટમાં સવાર થવાના હતા તેવા 4 મુસાફરોનો જીવ બચી ગયો. કેટલાક નાના કારણોસર, તેમની ટિકિટ રદ કરવામાં આવી હતી અથવા તેઓ એરપોર્ટ પહોંચવામાં મોડા પડ્યા હતા. આમાંથી કેટલાક મુસાફરોને તેમની માતાઓએ રોક્યા હતા, કેટલાક ટ્રાફિક જામમાં ફસાઈ ગયા હતા
Plane Crash: એર ઇન્ડિયાની ફ્લાઇટ 171 અમદાવાદથી ઉડાન ભરવાની તૈયારીમાં હતી. પછી કંઈક એવું બન્યું જેનાથી 7 મુસાફરોના જીવ બચી ગયા. કેટલાક મુસાફરોને તેમની માતાઓએ રોકી દીધા. કેટલાક ટ્રાફિક જામમાં ફસાઈ ગયા. કેટલાક પાસે સંપૂર્ણ દસ્તાવેજો નહોતા. કેટલાકે છેલ્લી ઘડીએ પોતાનો વિચાર બદલી નાખ્યો.
12 જૂને અમદાવાદથી ઉડાન ભરેલી એર ઇન્ડિયાની 'ફ્લાઇટ 171 ' એક ભયંકર અકસ્માતનો ભોગ બની. આ ફ્લાઇટમાં સવાર થવાના હતા તેવા 4 મુસાફરોનો જીવ બચી ગયો. કેટલાક નાના કારણોસર, તેમની ટિકિટ રદ કરવામાં આવી હતી અથવા તેઓ એરપોર્ટ પહોંચવામાં મોડા પડ્યા હતા. આમાંથી કેટલાક મુસાફરોને તેમની માતાઓએ રોક્યા હતા, કેટલાક ટ્રાફિક જામમાં ફસાઈ ગયા હતા, કેટલાક પાસે સંપૂર્ણ દસ્તાવેજો નહોતા, અને કેટલાકે છેલ્લી ઘડીએ પોતાનો વિચાર બદલી નાખ્યો હતો. આ બધી ઘટનાઓએ આ મુસાફરોના જીવ બચાવ્યા.
એર ઇન્ડિયાની ફ્લાઇટ 171માં નસીબે 4 લોકોનો સાથ આપ્યો. આ બધા લોકો 12 જૂને અમદાવાદથી ઉડાન ભરનાર બોઇંગ ડ્રીમલાઇનરમાં ચઢવાના હતા, પરંતુ કેટલીક એવી ઘટનાઓ બની કે તેઓ ફ્લાઇટમાં ચઢી શક્યા નહીં અને આ રીતે તેમનો જીવ બચી ગયો.
માતાના પ્રેમે તેને બચાવ્યો
યમન વ્યાસ ઇંગ્લેન્ડમાં એક વેરહાઉસમાં કામ કરે છે. તે બે વર્ષ પછી વડોદરામાં તેના ઘરે આવ્યો હતો. તેને લંડન પાછા જવાનું હતું. તેની બધી તૈયારીઓ થઈ ગઈ હતી. પાસપોર્ટ અને બેગ બધું તૈયાર હતું. તે ફક્ત તેના માતાપિતાના આશીર્વાદ લેવા ગયો હતો. જ્યારે તે તેની માતાના પગ સ્પર્શવા લાગ્યો ત્યારે તેની માતા રડવા લાગી. તેણીએ કહ્યું, 'દીકરા, થોડા દિવસ પછી જાવ,' વ્યાસે કોઈ પ્રશ્ન પૂછ્યો નહીં અને તરત જ તેની ટિકિટ રદ કરી. વ્યાસે કહ્યું કે પાછળથી તેને ફ્લાઇટ ક્રેશના સમાચાર મળ્યા. પછી તેને સમજાયું કે તેની માતાની વાત સાંભળીને તેનો જીવ બચી ગયો. તેણે કહ્યું કે તેની માતાના પ્રેમે તેને બચાવ્યો.
એર ઇન્ડિયાના સ્ટાફની સખ્તીએ બચાવ્યો જીવ
29 વર્ષીય જૈમિન પટેલ અને 25 વર્ષીય પ્રિયા પટેલ, બંને અમદાવાદના રહેવાસીઓ, પણ લંડન ફરવા જવાના હતા. તેમના મિત્ર રોહિત યાદવે તેમને લંડન આવવાનું આમંત્રણ આપ્યું હતું. તેમની પાસે ટુરિસ્ટ વિઝા હતો અને તેમણે બધું બુક કરાવ્યું હતું. તેઓ ખુશીથી એરપોર્ટ પહોંચ્યા, પરંતુ ત્યાંના અધિકારીઓને તેમના કાગળોમાં કેટલીક ખામીઓ જણાઈ. જૈમિનએ કહ્યું કે તેણે અધિકારીઓને ઘણી વિનંતી કરી. તેણે કહ્યું કે આટલા ઓછા સમયમાં કાગળો સુધારવા શક્ય નથી, પરંતુ અધિકારીઓએ તેની વાત સાંભળી નહીં. તેમને બોર્ડિંગ કરવાનો ઇનકાર કરવામાં આવ્યો. તેઓ નિરાશ થઈને ઘરે પાછા ફર્યા. થોડી વાર પછી, તેમના એક મિત્રએ ફોન કર્યો. તેણે કહ્યું, 'તાત્કાલિક ટીવી ઓન કરો!'
જૈમિને કહ્યું કે તે આ સમાચાર સાંભળીને સ્તબ્ધ થઈ ગયો. તેણે કહ્યું કે તે ભગવાનનો ખૂબ આભારી છે, તેણે એર ઈન્ડિયાના સ્ટાફનો પણ આભાર માન્યો જેમણે કડકાઇ દાખવી, તેણે કહ્યું કે એર ઈન્ડિયાના સ્ટાફના કારણે તેનો જીવ બચી ગયો.
એક અજીબ બેચેની હતી તો ટિકિટ કેન્સલ કરાવી
સુરતના રહેવાસી સવજી ટીમ્બાડિયા સીટ 1A પર હતા. તેઓ તેમના પુત્રને મળવા લંડન જઈ રહ્યા હતા. તેમણે પોતાના સામાન પણ પેક કરી દીધા હતા. પરંતુ ફ્લાઇટના થોડા કલાકો પહેલા તેમણે તેમના પુત્રને ફોન કર્યો. તેમણે કહ્યું, 'મેં મારા પુત્રને કહ્યું હતું કે મને આવવાનું હાલ મન નથી થતું અને હું સોમવાર સુધી તેને મુલતવી રાખીશ.' તેમણે કોઈ કારણ આપ્યું નહીં. તેઓ ફક્ત અંદર એક વિચિત્ર બેચેની અનુભવી રહ્યા હતા. થોડા કલાકો પછી, તેમના એક મિત્રએ તેમને સમાચાર જોવા કહ્યું. ટીમ્બાડિયાએ કહ્યું, 'મને બેચેની શું હતી તેનો જવાબ મને મળી ગયો, ભગવાન સ્વામિનારાયણે મારો જીવ બચાવ્યો.'
ટ્રાફિક જામના કારણે ચૂકી ગઇ ફ્લાઇટસ
ભરૂચની રહેવાસી ભૂમિ ચૌહાણ વેકેશન પછી લંડન પરત ફરી રહી હતી. તેનો પતિ ત્યાં રહે છે, તેનો દીકરો તેના પરિવાર સાથે ભારતમાં જ રોકાયો હતો. જ્યારે તે એરપોર્ટ જવાનો પ્રયાસ કરી રહી હતી, ત્યારે અમદાવાદમાં ઘણો ટ્રાફિક હતો, ડાયવર્ઝન, જામ હતો અને તે ઘણી વખત રસ્તો ભૂલી ગઈ હતી. તે 10 મિનિટ મોડી ટર્મિનલ પહોંચી. બપોરે 12.10 વાગ્યે દરવાજા બંધ થઈ ગયા. તેણીએ કહ્યું, 'મેં સ્ટાફને ઘણી વિનંતી કરી કે મને જવા દો, પરંતુ તેઓએ મારી વાત સાંભળી નહીં.' તે ગુસ્સામાં ભરૂચ પાછી ફરી. પછી તેમને રસ્તામાં જ ફ્લાઇટ ક્રેશના સમાચાર મળ્યા. તેમણે ગણેશ ભગવાનાનો આભાર માન્યો.
ટોપ સ્ટોરી
ટ્રેન્ડિંગ સમાચાર
