Kheda : ઝાડ પર લટકતી હાલતમાં યુવતીની લાશ મળી આવતાં ખળભળાટ, અનેક તર્ક-વિતર્ક

ઠાસરાના કાંથરાઈ ગામના સીમ વિસ્તારમાં ઝાડ પરથી લટકતી હાલતમાં યુવતીનો મૃતદેહ મળી આવ્યો છે. કંથરાઇની બાજુના ગામ ભગવાનજીના મુવાડામાં  યુવતી રહેતી હોવાની વાત સામે આવી છે. 

તસવીરઃ યુવતીની લાશ મળી આવતાં ડાકોર પોલીસે તપાસ હાથ ધરી.

ખેડાઃ ડાકોર નજીક આવેલા કાંથરાઈ ગામે યુવતીની ઝાડ પર લટકતી હાલતમાં લાશ મળી આવતાં ખળભળાટ મચી ગયો છે. ઠાસરાના કાંથરાઈ ગામના સીમ વિસ્તારમાં ઝાડ પરથી લટકતી હાલતમાં યુવતીનો મૃતદેહ મળી આવ્યો છે. કંથરાઇની બાજુના ગામ ભગવાનજીના મુવાડામાં  યુવતી રહેતી હોવાની વાત સામે આવી છે. 

યુવતી રાતે 8 વાગે ઘરે થી નીકળી હતી. આજે સવારનાં અરસામાં ઝાડ ઉપર લટકતી હાલતમાં મૃતદેહ મળી આવ્યો હતો. કાંથરાઈ ગ્રામજનોને સવારે જાણ થતાં ડાકોર પોલીસને જાણ કરાઇ. ડાકોર પોલીસ ઘટના સ્થળે પહોંચી મૃતદેહનો કબ્જો મેળવી ડાકોર રેફરલ હોસ્પિટલમાં પોસ્ટમોર્ટમ માટે મોકલી અપાયો.  ભગવાનજીનાં મુવાડાથી રાત્રે નીકળી કંઠરાઈ સીમ વિસ્તારમાં યુવતી કેવી રીતે પહોંચી તે અંગે ડાકોર પોલીસે તપાસનો ધમધમાટ શરૂ કર્યો.

અમરેલીઃ ધારીના ચલાલા ગામે હરિધામ સોસાયટીમાં ગઈ કાલે બપોરે માતાએ બે દીકરીઓ સાથે કેરોસીન છાંટીને આત્મહત્યા કરી લીધી. આ બનાવને લઇને નાનકડા ચલાલા ગામ અને સમગ્ર પંથકમાં અરેરાટી ફેલાઈ ગઈ.

ધારી નજીક ચલાલા ગામે હરિધામ સોસાયટીમાં રહેતા દેવમુરારી પરિવારના સોનલબેન ભરતભાઇ દેવમુરારી ઉંમર-40 વર્ષ તેમજ દીકરી હિતાલી ભરતભાઇ દેવમુરારી ઉંમર-14 વર્ષ અને 3 માસની દીકરી ખુશી ભરતભાઇ દેવમુરારીનું મોત નીપજ્યું છે. ચલાલા મુકામે રહીને ભરતભાઈ વેવસાઈ દળવાની ઘંટી ચલાવતા હતા બંને દીકરીઓની માતા સોનલબેન જાતે અને બન્ને દીકરીઓ ઉપર કેરોસીન છાંટીને આત્મહત્યા કરી લીધી હતી.

 ઘટનાની જાણ આસપાસ લોકોને થતા તેઓએ તુરત જ સોનલબેનના પતિ ભરતભાઇ દેવમુરારીને જાણ કરી હતી, પરંતુ ભરતભાઇ ઘરે પહોંચે તે પહેલાં જ માતા અને બંને દીકરીઓ બળીને ભડથું થઈ ગયા હતા. આ ઘટનાની જાણ થતાં સાવરકુંડલાના ડીવાયએસપી કે.જે.ચૌધરી તેમજ ચલાલા પોલીસ ધારીના મામલતદાર અને ચલાલા નગરપાલિકા ઘટના સ્થળે પહોંચી ગયા હતા. પોલીસના જણાવ્યા અનુસાર પતિ અને પત્નીને ઘણા સમયથી ગૃહ કંકાસ ચાલી રહ્યો હતો, જેને લઈને આજે માતાએ બંને પુત્રીઓ ઉપર કેરોસીન છાંટીને આત્મહત્યા કરી હતી. આ સમગ્ર વિગત સાવરકુંડલા ડીવાયએસપી એ જણાવી હતી.

હરિધામ સોસાયટીના રહેણાંક વિસ્તારમાં આગ લાગી તેવી જાણ નગરપાલિકાને થતાં નગરપાલિકાની ફાયર ટીમ ઘટનાસ્થળે પહોંચી આસપાસના રહીશો દ્વારા આગને બુજવવામાં આવી હતી. બંને દીકરી અને માતાને સિવિલ હોસ્પિટલ ખાતે ખસેડવામાં આવ્યા હતા. એક જ ઘરના ત્રણ વ્યક્તિ આત્મહત્યા કરી મોતને ભેટ્યા હતા. ત્રણે મૃતકને પી.એમ.અર્થે ચલાલા સિવિલ હોસ્પિટલ ખાતે લાવવામાં આવેલ હતા. આ ઘટનાની જાણ થતાં આ વિસ્તારના ધારાસભ્ય જે.વી.કાકડીયા સહિતના લોકો હોસ્પિટલે દોડી આવ્યા હતા.