Bhavnagar: શ્રમિકોને લઇ જતી જીપનું ટાયર ફાટતાં ઓવરબ્રિજની દિવાલ સાથે અથડાઈ, 20 ઘાયલ
Accidnet: તમામ ઈજાગ્રસ્તોને સારવાર માટે ભાવનગર હોસ્પિટલમાં ખસેડવામાં આવ્યા હતા.
Bhavnagar News: ભાવનગર ધોલેરા વચ્ચે સાંઢેડા ગામ પાસે તુફાન જીપનો અકસ્માત થયો છે. શ્રમિકો ભરીને જઇ રહેલી જીપનું ટાયર ફાટતાં ઓવરબ્રિજની દિવાલ સાથે ધડાકાભેર અથડાઇ હતી. છોટાઉદેપુર બાજુ શ્રમિકો ભરીને જતી વખતે અકસ્માત સર્જાયો હતો. તુફાન જીપમાં 10 બાળકો સહિત કુલ 32 જેટલા વ્યક્તિઓ સવાર હતા. જેમાં 10 જેટલા શ્રમિકો તૂફાન જીપની છત ઉપર બેઠેલા હતા. અકસ્માતમાં 20 જેટલા શ્રમિકો ઇજાગ્રસ્ત થયા, જેમાં પાંચ શ્રમિકો ગંભીર રીતે ઘવાયા હતા. ઘટનાની જાણ થતાં ધંધુકા, ધોલેરા, ફેદરા, વટામણ, બરવાળા એમ પાંચ જેટલી 108 એમ્બ્યુલન્સ ઘટના સ્થળે પહોંચી હતી. તમામ ઈજાગ્રસ્તોને સારવાર માટે ભાવનગર હોસ્પિટલમાં ખસેડવામાં આવ્યા હતા.
ભરૂચમાં નર્સરીમાં કામ કરતાં વ્યક્તિ પર ફાયરિંગથી ચકચાર
ભરૂચના મક્તમપુર વિસ્તારમાં ફાયરિંગની ઘટના બની છે. નર્સરીમાં કામ કરતા વ્યક્તિ ઉપર અજાણ્યા શખ્સે 4 રાઉન્ડ ફાયરિંગ કર્યું છે. 55 વર્ષીય રામ ઈશ્વર શાહ ઉપર અજાણ્યા શખ્સોએ ફાયરિંગ કર્યું છે, સવારે 6.45 વાગે ઘટના બની હતી. ગાયત્રી ફ્લેટ સામે દરગાહ નજીક ગોળીબાર કરવામાં આવ્યો હતો. રામ ઈશ્વર શાહને છાતી અને માથા ભાગે ઈજાઓ પહોંચી હતી. ઇજાગ્રસ્તને સિવિલ હોસ્પિટલ ખસેડાયા હતા. પોલીસને ઘટના સ્થળથી 4 બુલેટ મળી આવી હતી.
અમરેકિાના લુઇસવિલે બેંકના કર્મચારીએ સોમવારે સવારે રાઇફલથી સજ્જ તેના કાર્યસ્થળ પર ગોળીબાર કર્યો. ઇન્સ્ટાગ્રામ પર હુમલાનું લાઇવ સ્ટ્રીમિંગ કરતી વખતે - કેન્ટુકીના ગવર્નરના નજીકના મિત્ર સહિત - પાંચ લોકો માર્યા ગયા હોવાનું અધિકારીઓએ જણાવ્યું હતું. લુઇસવિલે મેટ્રો પોલીસ વિભાગના વડા જેક્વેલિન ગ્વિન-વિલારોએલે જણાવ્યું હતું કે, ઓલ્ડ નેશનલ બેંકની અંદર હજુ પણ ગોળી ચલાવવામાં આવી રહી હતી અને ગોળીબારના વિનિમયમાં શૂટરને મારી નાખવામાં આવ્યો ત્યારે પોલીસ આવી પહોંચી હતી. શહેરના મેયર ક્રેગ ગ્રીનબર્ગે આ હુમલાને “લક્ષિત હિંસાનું દુષ્ટ કૃત્ય ગણાવ્યું છે. ગોળીબાર, આ વર્ષે દેશમાં 15મી સામૂહિક હત્યા છે, દક્ષિણમાં લગભગ 160 માઇલ (260 કિલોમીટર) દૂર, નેશવિલ, ટેનેસીમાં એક ખ્રિસ્તી પ્રાથમિક શાળામાં ભૂતપૂર્વ વિદ્યાર્થીએ ત્રણ બાળકો અને ત્રણ પુખ્ત વયના લોકોની હત્યા કર્યાના માત્ર બે અઠવાડિયા પછી આવી છે. તે ગોળીબારમાં તે રાજ્યના ગવર્નર અને તેની પત્નીના મિત્રો પણ માર્યા ગયા હતા. લુઇસવિલેમાં, મુખ્યએ શૂટરને 25 વર્ષીય કોનર સ્ટર્જન તરીકે ઓળખાવ્યો, હુમલા દરમિયાન તે લાઇવ સ્ટ્રીમિંગ કરી રહ્યો હતો.
ટોપ સ્ટોરી
ટ્રેન્ડિંગ સમાચાર
