![ABP Premium](https://cdn.abplive.com/imagebank/Premium-ad-Icon.png)
Hurun Global 500: વિશ્વની 500 સૌથી મૂલ્યવાન કંપનીઓમાં 12 ભારતની, રિલાયન્સ સૌથી ઉપર, ITC થઈ બહાર
ખાસ વાત એ છે કે કોરોનાકાળમાં વિશ્વની ચાર સૌથી મોટી કંપનીઓ એપલ, માઈક્રોસોફ્ટ, એમેઝોન અને આલ્ફાબેટનું મૂલ્ય બમણું થઈ ગયું છે.
![Hurun Global 500: વિશ્વની 500 સૌથી મૂલ્યવાન કંપનીઓમાં 12 ભારતની, રિલાયન્સ સૌથી ઉપર, ITC થઈ બહાર 12 Indian firms in Hurun Global 500 list, apple world most valuable company, Wipro, Asian Paints, HCL new entrants Hurun Global 500: વિશ્વની 500 સૌથી મૂલ્યવાન કંપનીઓમાં 12 ભારતની, રિલાયન્સ સૌથી ઉપર, ITC થઈ બહાર](https://feeds.abplive.com/onecms/images/uploaded-images/2021/08/02/041c2a96192ff9d1d8320ab80ee04b2a_original.jpg?impolicy=abp_cdn&imwidth=1200&height=675)
Hurun Global 500: ભારતની 12 કંપનીઓને વિશ્વની 500 સૌથી મૂલ્યવાન ખાનગી કંપનીઓમાં સામેલ કરવામાં આવી છે. હુરુન રિસર્ચ ઇન્સ્ટિટ્યૂટે Hurun Global 500માં વિશ્વની 500 સૌથી વધુ મૂડી ધરાવતી ખાનગી કંપનીઓનો સમાવેશ કર્યો છે. આમાં એવી કંપનીઓનો પણ સમાવેશ થાય છે જે બજારમાં લિસ્ટેડ નથી. શુક્રવાર, 20 ઓગસ્ટના રોજ જાહેર થયેલી આ યાદી અનુસાર, ભારતીય કંપનીઓમાં રિલાયન્સ ટોચ પર છે, ત્યારબાદ TCS (ટાટા કન્સલ્ટન્સી સર્વિસીસ) અને HDFC બેન્ક આવે છે. એપલ વિશ્વની સૌથી મૂલ્યવાન કંપની છે.
યાદી અનુસાર, ખાસ વાત એ છે કે કોરોનાકાળમાં વિશ્વની ચાર સૌથી મોટી કંપનીઓ એપલ, માઈક્રોસોફ્ટ, એમેઝોન અને આલ્ફાબેટનું મૂલ્ય બમણું થઈ ગયું છે. આ ચાર કંપનીઓનું કુલ મૂલ્ય કોરોના કાળમાં $ 4 લાખ કરોડ (297.61 લાખ કરોડ રૂપિયા)થી વધીને $ 8 લાખ કરોડ (595.22 લાખ કરોડ રૂપિયા) થઈ ગયું છે. હુરુનની ટોચની 500 કંપનીઓમાં આ ચાર કંપનીઓનો 14 ટકા હિસ્સો છે. આ યાદીમાં અમેરિકાની 243, ચીનની 47, જાપાનની 30 કંપનીઓનો સમાવેશ થાય છે. આ યાદીમાં સમાવવા માટે, US $ 3660 મિલિયન (રૂ. 2.72 લાખ કરોડ)ની મૂડીનો કટ ઓફ રાખવામાં આવ્યો હતો.
ભારતીય કંપનીઓમાં રિલાયન્સ ટોચ પર છે
ભારતની હુરુનની ટોચની 500 કંપનીઓની યાદીમાં રિલાયન્સ ઇન્ડસ્ટ્રીઝ ટોચ પર છે. રિલાયન્સ અને TCS ટોપ 100 માં છે. રિલાયન્સનું મૂલ્ય આ વર્ષે 11 ટકા વધ્યું છે અને $ 18.8 હજાર કરોડ (13.98 લાખ કરોડ રૂપિયા) ની મૂડી સાથે 57 મા સ્થાને છે. TCS ની મૂડી એક વર્ષમાં 18 ટકા વધીને $ 16.4 હજાર કરોડ (રૂ. 12.2 લાખ કરોડ) થઈ છે. HDFC બેંકની મૂડી અંદાજિત $ 11.3 હજાર કરોડ (રૂ. 8.40 લાખ કરોડ) છે. આ વખતે 48 કંપનીઓ ટોચની 500 મૂલ્યવાન કંપનીઓની યાદીમાંથી બહાર થઈ ગઈ છે, જેમાં ITC નો સમાવેશ થાય છે. ગયા વર્ષે 2020 ની યાદીમાં ITC 480 માં ક્રમે હતું. એપલનું મૂલ્ય $ 2.44 ટ્રિલિયન, માઇક્રોસોફ્ટનું $ 2.11 ટ્રિલિયન, એમેઝોનનું $ 1.8 ટ્રિલિયન અને આલ્ફાબેટનું $ 1.7 ટ્રિલિયન છે.
આ યાદીમાં ભારત તરફથી વિપ્ર, એશિયન પેઇન્ટ્સ અને એચસીએલની ટોપ 500માં એન્ટ્રી થઈ છે જે અનુક્રમે 457માં, 477માં અને 498માં ક્રમે છે.
દેશ મુજબ, ભારત યાદીમાં એક ડઝન કંપનીઓ સાથે નવમા સ્થાને પહોંચી ગયું છે. આઠ શહેર આધારિત કંપનીઓ સાથે મુંબઈનું સૌથી વધુ પ્રતિનિધિત્વ છે, ત્યારબાદ બેંગલુરુમાંથી બે અને નોઈડા અને નવી દિલ્હીમાંથી એક એક કંપની છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)