Aadhar Card Update After Marriage: લગ્ન બાદ આધાર કાર્ડમાં સરનેમ અને એડ્રેસ કેવી રીતે બદલશો ? આ રહી પ્રોસેસ
ઘણી વખત સ્ત્રીઓ લગ્ન પછી તેમની અટક બદલી નાખે છે. આવી સ્થિતિમાં આધાર કાર્ડમાં પણ આ ફેરફાર કરવો જરૂરી બની જાય છે.
Aadhar card update after marriage : આધાર કાર્ડ આપણા જરૂરી દસ્તાવેજોમાંથી એક છે. બેંકથી લઈને ટ્રેન સુધી દરેક જગ્યાએ આધાર કાર્ડ જરૂરી છે. જો કે આધાર કાર્ડમાં ફેરફારની જરૂર ઓછી છે પરંતુ લગ્ન બાદ આધાર કાર્ડ અપડેટ કરાવવું પડશે. ઘણી વખત સ્ત્રીઓ લગ્ન પછી તેમની અટક બદલી નાખે છે. આવી સ્થિતિમાં આધાર કાર્ડમાં પણ આ ફેરફાર કરવો જરૂરી બની જાય છે. જો આધાર કાર્ડમાં ફેરફાર કરવામાં ન આવે તો ક્યારેક તમારું કોઈપણ મહત્વપૂર્ણ કામ અટકી શકે છે. તો ચાલો અમે તમને આધાર કાર્ડમાં સરનેમ બદલવાની સંપૂર્ણ પ્રક્રિયા જણાવીએ.
તમે આધાર કાર્ડમાં સરનેમ અને સરનામું સરળતાથી ઓનલાઈન અને ઓફલાઈન બદલી શકો છો જે મહિલાઓ લગ્ન કરી રહી છે અથવા પહેલાથી જ પરિણીત છે તેઓ સામાન્ય રીતે આધાર કાર્ડ પર નામ બદલવાનો વિકલ્પ પસંદ કરે છે, જેથી એ સુનિશ્ચિત કરવામાં આવે કે દંપતીને કોઈ મુશ્કેલીનો સામનો ન કરવો પડે.
સૌથી પહેલા તમારા નજીકના આધાર એનરોલમેન્ટ સેન્ટર પર જાઓ. પછી તમારે તમારા સહાયક દસ્તાવેજોની અસલ નકલો કેન્દ્ર પર લઈ જવાની રહેશે. આ પછી, તમારે નામ અને સરનામું બદલવાની પ્રક્રિયા માટે નિર્ધારિત ઑફલાઇન ચાર્જ ચૂકવવો પડશે. બાદમાં તમારું નામ અને સરનામું અપડેટ કરવામાં આવશે.
- આધાર કાર્ડમાં નામ અને સરનામું બદલવા માટે, તમારે UIDAIના સત્તાવાર પોર્ટલ https://ask.uidai.gov.in/ પર જવું પડશે.
- આ પછી હવે તમારે તમારા રજીસ્ટર્ડ મોબાઈલ નંબર અને કેપ્ચાની મદદથી લોગઈન કરવું પડશે.
- આ પછી, તમારી પાસેથી જે પણ વિગતો પૂછવામાં આવે છે, તેને ક્રમિક રીતે ભરતા રહો.
- પછી તમારું નામ અને અટક દાખલ કરો.
- આ પછી સત્તાવાર પોર્ટલ પર સ્કેન કરેલા સ્વ-વેરિફાઈડ સહાયક દસ્તાવેજો અપલોડ કરો.
- તમારા રજિસ્ટર્ડ મોબાઈલ નંબર પર એક OTP આવશે. તેને આપેલ બોક્સમાં ભરો.
જો કોઈ વ્યક્તિ લગ્ન પછી આધાર કાર્ડમાં નામ બદલવા માટે અરજી કરી રહી હોય, તો તેણે/તેણીએ સહાયક દસ્તાવેજ શેર કરવો પડશે, જે સત્તાવાર સરકારી એજન્સી દ્વારા જારી કરાયેલ લગ્ન પ્રમાણપત્ર છે. પ્રમાણપત્રમાં યુગલનું સરનામું હોવું ફરજિયાત છે. આ દસ્તાવેજની મદદથી તમારા આધાર કાર્ડમાં નામ સરળતાથી બદલી શકાય છે. આ સિવાય એડ્રેસ માટે તમારા પતિના આધાર કાર્ડની કોપી એડ્રેસ પ્રૂફ તરીકે જોડવી પડશે.
ટોપ સ્ટોરી
ટ્રેન્ડિંગ સમાચાર
