8th Pay Commission: 8માં પગાર પંચ પર મોટું અપડેટ, આ રાજ્યમાં થશે સૌથી પહેલા લાગુ, પગારમાં ધરખમ વધારો થશે 

નવા વર્ષ નિમિત્તે આસામના સરકારી કર્મચારીઓ અને પેન્શનરોને મહત્વપૂર્ણ ખુશખબર સામે આવી છે.

પ્રતિકાત્મક તસવીર

Source : તસવીર સોશિયલ મીડિયા

8th Pay Commission Update: નવા વર્ષ નિમિત્તે આસામના સરકારી કર્મચારીઓ અને પેન્શનરોને મહત્વપૂર્ણ ખુશખબર સામે આવી છે. મુખ્યમંત્રી હિમંતા બિસ્વા શર્માએ એક મહત્વપૂર્ણ જાહેરાત કરતા આસામને દેશનું પ્રથમ એવું રાજ્ય બનાવી દિધુ છે, જેમણે 8મું પગાર પંચ(8th State Pay Commission)ની સ્થાપના કરવાનો નિર્ણય લીધો છે. 

દેશમાં સૌથી આગળ નિકળ્યું આસામ

કેન્દ્ર સરકારના 8મા પગાર પંચ અંગે દેશભરમાં ચર્ચાઓ ચાલી રહી છે, ત્યારે આસામ સરકારે રાજ્ય સ્તરીય પેનલની રચનાની જાહેરાત કરીને આગેવાની લીધી છે. મુખ્યમંત્રી શર્માએ જણાવ્યું હતું કે આ પગલું કર્મચારીઓના કલ્યાણ માટે એક ઐતિહાસિક નિર્ણય છે.

નોંધપાત્ર પગાર અને પેન્શનમાં વધારો

આ કમિશનની રચનાથી લાખો રાજ્ય સરકારી કર્મચારીઓના પગારમાં નોંધપાત્ર વધારો થવાની અપેક્ષા છે અને નિવૃત્ત કર્મચારીઓ માટે પેન્શનમાં પણ વધારો થવાની ધારણા છે. સામાન્ય રીતે, દર 10 વર્ષે એકવાર પગાર પંચની રચના કરવામાં આવે છે. પાછલું પગાર પંચ (7મું) 2016 માં લાગુ કરવામાં આવ્યું હતું, અને ત્યારથી, કર્મચારીઓ 2026 થી નવા પગાર ધોરણોની અપેક્ષા રાખી રહ્યા છે.

કેન્દ્રની તૈયારી શું છે ?

એ નોંધવું જોઈએ કે કેન્દ્ર સરકારે 3 નવેમ્બર, 2025 ના રોજ ન્યાયાધીશ (નિવૃત્ત) રંજના દેસાઈના અધ્યક્ષપદ હેઠળ 8મા કેન્દ્રીય પગાર પંચની રચના કરી હતી. આ પેનલને તેનો અહેવાલ રજૂ કરવા માટે 18 મહિનાનો સમય આપવામાં આવ્યો છે.

કર્મચારીઓને શું મળશે ?

ફિટમેન્ટ ફેક્ટરમાં સુધારાથી મૂળ પગારમાં વધારો થશે

કર્મચારી સંગઠનોને આશા છે કે સુધારેલ પગાર જાન્યુઆરી 2026 થી અમલમાં આવશે.

આસામ સરકારના આ પગલાથી અન્ય રાજ્યોના સરકારી કર્મચારીઓમાં આશા જાગી છે કે તેમના રાજ્યો પણ ટૂંક સમયમાં આ દિશામાં પગલાં લેશે.

ફિટમેન્ટ ફેક્ટર શું છે ?

ફિટમેન્ટ ફેક્ટર પગાર અને પેન્શન વધારા માટેનો સૌથી મહત્વપૂર્ણ આધાર છે. તે એક ગુણક છે જે નવો પગાર નક્કી કરવા માટે હાલના મૂળભૂત પગાર અથવા પેન્શનમાં વધારો કરે છે. ફિટમેન્ટ ફેક્ટર કેન્દ્રીય મંત્રીમંડળ દ્વારા કમિશનની ભલામણોને મંજૂરી આપ્યા પછી જ નક્કી થાય છે.  મીડિયા અહેવાલો અનુસાર, 8મા પગાર પંચમાં ફિટમેન્ટ ફેક્ટર 1.86 અને 2.57 ની વચ્ચે હોઈ શકે છે. કર્મચારીઓના પગાર વધારામાં ફિટમેન્ટ ફેક્ટર સૌથી મહત્વનો ભાગ ભજવે છે.