Job Insurance: નોકરી જવા પર નહી રહે ખર્ચની વધુ ચિંતા, છટણીના આ સમયમાં લો Job Insurance

કમરતોડ મોંઘવારી અને વધતા વ્યાજ દરોને કારણે સમગ્ર વિશ્વના આર્થિક વિકાસની ગતિ ધીમી પડી ગઈ છે.

Job Insurance

Job Insurance: કમરતોડ મોંઘવારી અને વધતા વ્યાજ દરોને કારણે સમગ્ર વિશ્વના આર્થિક વિકાસની ગતિ ધીમી પડી ગઈ છે. માંગમાં ઘટાડો થવાને કારણે કંપનીઓના વિકાસ પર ખરાબ અસર પડી છે તેથી એક પછી એક ટેક કંપનીઓ તેમના કર્મચારીઓની છટણી કરી રહી છે. આવી સ્થિતિમાં અનિશ્ચિતતાનું વાતાવરણ સર્જાયું છે. લોકોની નોકરીઓ જોખમમાં છે. પશ્ચિમ અને યુરોપના દેશોમાં આંશિક મંદીની વાત છે. જો કે ભારત આનાથી અસ્પૃશ્ય છે, પરંતુ જ્યારે આગ લાગે છે ત્યારે તેની સાથે ઘણા લોકો ધુમાડાની લપેટમાં આવી જાય છે. તેથી વહેલા કે મોડા તેની અસર ભારત પર પણ નજીવી હોઈ શકે છે. આવી સ્થિતિમાં લોકોને નોકરીની સુરક્ષાની ચિંતા થવા લાગી છે. જ્યારે નોકરીની સુરક્ષાને લઈને તમારા મનમાં આશંકા ઉદ્દભવે છે, ત્યારે તમારા માટે જોબ લોસ ઇન્શ્યોરન્સ કવર લેવો સૌથી મહત્વપૂર્ણ બની જાય છે.

કેવી રીતે મળે છે જૉબ લૉસ કવર

ભારતમાં જૉબ લૉસ કવર વીમા ઇન્ડસ્ટીઝની નવી પ્રોડક્ટ છે. જો કે કોઈપણ વીમા કંપની દ્વારા માત્ર જોબ લોસ કવર અલગથી ઓફર કરવામાં આવતું નથી, પરંતુ ગંભીર બીમારી અથવા હોમ લોન પ્રોટેક્શન પ્લાન માટે વીમા કવરની સાથે, એડ-ઓન પ્લાન હેઠળ જોબ લોસ ઈન્સ્યોરન્સ કવર પ્લાન ઉપલબ્ધ છે. આ પ્લાન માત્ર પગાર મેળવનાર વ્યક્તિ માટે છે. જ્યારે કોઈ વ્યક્તિ તેની નોકરી ગુમાવે છે ત્યારે વીમાધારક વ્યક્તિને નોકરીના વીમા દ્વારા નાણાકીય સહાય મળે છે.

જોબ લોસ કવરનો લાભ ત્યારે મળે છે જ્યારે તમારી પાસે બાકી લોન હોય, તમે પહેલેથી જ EMI ચૂકવી રહ્યાં હોવ અને EMI ચૂકવવા માટે આવકનો અન્ય કોઈ સ્ત્રોત ન હોય. વીમા કંપની ત્રણ મહિના માટે EMI ચૂકવે છે. આ સમયગાળા દરમિયાન પોલિસીધારકે નવી નોકરી શોધવી પડે છે.

જૉબ લૉસ ઇન્શ્યોરન્સ કવરની વિશેષતાઓ શું છે

જૉબ લૉસ ઇન્શ્યોરન્સ કવરનો લાભ નોકરી ગુમાવવાના કારણના આધારે નક્કી કરવામાં આવે છે. નોકરી ગુમાવવાના વીમા કવર માટે પ્રીમિયમની રકમ નોકરી ગુમાવવાની શક્યતાઓના આધારે નક્કી કરવામાં આવે છે. કુલ કવરેજ યોજનાની રકમના 3 થી 5 ટકા તમારા જૉબ લૉસ ઇન્શ્યોરન્સ કવર  માટે પ્રીમિયમ ચૂકવવા તરફ જાય છે. જે મુખ્ય પોલિસીના પ્રીમિયમથી અલગ છે. જો હોમ લોન પ્રોટેક્શન પ્લાન સાથે જોબ લોસ ઈન્સ્યોરન્સ કવર લેવામાં આવે તો પોલિસીની કુલ મુદત માત્ર 5 વર્ષ જ રહે છે. વીમાનો લાભ હોમ લોનના સમગ્ર સમયગાળા માટે ઉપલબ્ધ નથી.

આવી રીતે નથી મળતો કોઈ ફાયદો નથી!

જૉબ લૉસ ઇન્શ્યોરન્સ કવરમાં ખૂબ જ મર્યાદિત રીતે લાભ છે. ઘણી કંપનીઓ ચોખ્ખી આવકના 50 ટકા આપે છે. જ્યારે પણ કોઈ વ્યક્તિને કંપનીમાં અથવા પ્રોબેશન સમયગાળા દરમિયાન ખરાબ પ્રદર્શનને કારણે કાઢી મૂકવામાં આવે છે, ત્યારે નોકરી ગુમાવવાનું વીમા કવચ ઉપલબ્ધ નથી. આ સંજોગોમાં જૉબ લૉસ ઇન્શ્યોરન્સ કવર ઉપલબ્ધ નથી.

1. સ્વ-રોજગાર અથવા બેરોજગાર હોવા પર
2. પ્રોબેશન સમયગાળા દરમિયાન બેરોજગાર થવા પર
3. વહેલા નિવૃત્તિ લેવા પર અથવા પોતાની જાતે રાજીનામું આપવા પર
4. હાલની બીમારીને કારણે નોકરી ગુમાવવી

5 સસ્પેન્ડ, છટણી અને પછી અંડરપરફોર્મ અથવા ફ્રોડ કરવાના કારણે કાઢી મુકવા પર

આ કંપનીઓ જોબ લોસ કવર આપી રહી છે

ભારતીય વીમા બજારમાં કોઈપણ વીમા કંપની દ્વારા સ્ટેન્ડ અલોન જૉબ લૉસ વિમા કવર ઓફર કરવામાં આવતું નથી. તે એડ-ઓન અથવા પર્સનલ એક્સિડન્ટ પોલિસી અથવા ગંભીર બીમારી યોજના સાથે ઉપલબ્ધ છે. આમાંની કેટલીક યોજનાઓ સાથે નોકરી ગુમાવવાનું કવર પણ ઉપલબ્ધ છે.