![ABP Premium](https://cdn.abplive.com/imagebank/Premium-ad-Icon.png)
અન્ય કોઈ IPO માટે ન લેવાયો હોય તેવો નિર્ણય LIC IPO માટે કરાયો, રોકાણકારો શનિવારે પણ.....
કંપનીના શેર IPO બંધ થયાના એક સપ્તાહ પછી 17 મેના રોજ સ્ટોક એક્સચેન્જમાં લિસ્ટ થશે.
![અન્ય કોઈ IPO માટે ન લેવાયો હોય તેવો નિર્ણય LIC IPO માટે કરાયો, રોકાણકારો શનિવારે પણ..... Big decision for LIC IPO, investors will be able to bid on Saturday too અન્ય કોઈ IPO માટે ન લેવાયો હોય તેવો નિર્ણય LIC IPO માટે કરાયો, રોકાણકારો શનિવારે પણ.....](https://feeds.abplive.com/onecms/images/uploaded-images/2022/05/03/9fa665cc31fb884e0a85aeb1e6ca3415_original.jpg?impolicy=abp_cdn&imwidth=1200&height=675)
નવી દિલ્હી: LICનો IPO ખુલી ગયો છે અને આજથી રિટેલ એટલે કે નાના રોકાણકારો તેમની બિડ મૂકી શકશે. આ બિડ માટે 9 મે સુધીનો સમય આપવામાં આવ્યો છે. પરંતુ રોકાણકારો માટે આવો નિર્ણય લેવામાં આવ્યો છે, જે અન્ય કોઈ IPO માટે નથી થતો. નિર્ણય એ છે કે જો તમે ઇચ્છો તો શનિવારે પણ IPO માટે અરજી કરી શકશો.
આ પહેલા ભાગ્યે જ કોઈ અન્ય IPO માટે આવો નિર્ણય લેવામાં આવ્યો હોય. LICનો IPO ભારતનો સૌથી મોટો IPO હશે, તેથી દરેક રસ ધરાવતા રોકાણકારને તેના માટે બિડ કરવાની સંપૂર્ણ તક આપવામાં આવી રહી છે.
આ માટેની બિડિંગ આજે બુધવારથી શરૂ થઈ છે અને 9મી સુધી ચાલુ રહેશે. આ દિવસોમાં શનિવારનો એક વધારાનો દિવસ પણ ઉમેરવામાં આવ્યો છે. લાઈવ મિન્ટે નેશનલ સ્ટોક એક્સચેન્જની સૂચનાને ટાંકીને આ માહિતી પ્રકાશિત કરી છે.
LIC IPO માટે રોકાણકારોમાં જબરદસ્ત પ્રતિસાદ
LIC IPO માટે રોકાણકારોમાં જબરદસ્ત પ્રતિસાદ છે. દેશનો અત્યાર સુધીનો સૌથી મોટો IPO સવારે 10 વાગ્યે સબ્સ્ક્રિપ્શન માટે ખુલ્યો અને 1 કલાકની અંદર તે 12% સબસ્ક્રાઇબ થઈ ગયો. જેમાં 16,20,78,067 શેર વેચાણ માટે મુકવામાં આવ્યા છે અને અત્યાર સુધીમાં 2 કરોડથી વધુ શેર માટે બિડ મળી ચુકી છે. કર્મચારીઓ માટે અનામત શેરના 27%, પોલિસીધારકોના 24% અને છૂટક રોકાણકારોના 18% સબસ્ક્રાઇબ થયા છે. આમાં 9 મે સુધી પૈસા રોકાણ કરવાની તક મળશે.
કંપનીના શેર IPO બંધ થયાના એક સપ્તાહ પછી 17 મેના રોજ સ્ટોક એક્સચેન્જમાં લિસ્ટ થશે. કેન્દ્ર સરકારને LICના IPOમાંથી રૂ. 21,000 કરોડ એકત્ર કરવાની અપેક્ષા છે. IPO હેઠળ, સરકાર કંપનીમાં તેના 22.13 કરોડ શેરનું વેચાણ કરી રહી છે અને તેની કિંમત પ્રતિ શેર રૂ. 902 થી 949 નક્કી કરવામાં આવી છે.
IPOમાં રોકાણ કરવા માટે ડીમેટ ખાતું હોવું જરૂરી છે
સેબીના નિયમો મુજબ, કોઈપણ કંપનીના ઇક્વિટી શેર માત્ર ડીમેટ સ્વરૂપે જ જારી કરવામાં આવે છે. આથી કોઈ પણ વ્યક્તિ, તે પોલિસી ધારકો હોય કે છૂટક રોકાણકારો હોય, તેની પાસે ડીમેટ ખાતું હોવું જરૂરી છે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)