મોંઘવારીના મોરચે સામાન્ય લોકો માટે રાહતના સમાચાર,  રિટેલ મોંઘવારી 6 વર્ષના નીચલા સ્તરે 

એપ્રિલ 2025 માં ભારતનો છૂટક ફુગાવાનો દર ઘટીને 6 વર્ષના નીચલા સ્તરે પહોંચી ગયો. ફુગાવાના મોરચે દેશના કરોડો સામાન્ય લોકો માટે આ રાહતના મોટા સમાચાર છે.

પ્રતિકાત્મક તસવીર

Source : PTI

Retail Inflation Rate April 2025: એપ્રિલ 2025 માં ભારતનો છૂટક ફુગાવાનો દર ઘટીને 6 વર્ષના નીચલા સ્તરે પહોંચી ગયો. ફુગાવાના મોરચે દેશના કરોડો સામાન્ય લોકો માટે આ રાહતના મોટા સમાચાર છે. શાકભાજી, ફળો અને અન્ય પ્રોટીનયુક્ત ઉત્પાદનોના ભાવમાં ઘટાડો થવાને કારણે એપ્રિલમાં છૂટક ફુગાવો ઘટીને 3.16 ટકાના લગભગ છ વર્ષના તળિયે પહોંચી ગયો. મંગળવારે જાહેર કરાયેલા સત્તાવાર આંકડા અનુસાર, એપ્રિલમાં ગ્રાહક ભાવ સૂચકાંક (CPI) પર આધારિત ફુગાવાનો દર 3.16 ટકા હતો, જે જુલાઈ 2019 પછીનો સૌથી નીચો સ્તર છે.

India's CPI inflation remains in comfortable range, eases further to 3.16% in April

Read @ANI Story | https://t.co/hSA1oVDyI0#India #RetailInflation #CPI #Inflation pic.twitter.com/X6YezavkYq

— ANI Digital (@ani_digital) May 13, 2025

જુલાઈ 2019 માં છૂટક ફુગાવો 3.15 ટકા હતો

જુલાઈ 2019 માં, તે 3.15 ટકા હતો. માર્ચ, 2025માં છૂટક ફુગાવો 3.34 ટકા અને એપ્રિલ,2024 માં 4.83  ટકા હતો. ગયા મહિને ખાદ્ય ફુગાવાનો દર 1.78 ટકા હતો, જે એક વર્ષ પહેલાના સમાન મહિનામાં 8.7  ટકા હતો. માર્ચમાં ખાદ્ય ફુગાવો 2.69 ટકા હતો. હવે છૂટક ફુગાવો ભારતીય રિઝર્વ બેંક (RBI) ની સંતોષકારક શ્રેણીમાં રહે છે. સરકારે RBI ને 2 ટકાના તફાવત સાથે ફુગાવાને 4 ટકા પર જાળવવાની જવાબદારી સોંપી છે.

2 મહિનામાં રેપો રેટમાં 0.50 ટકાનો ઘટાડો થયો છે 

કિંમતની સ્થિતિમાં સુધારો થયા પછી, RBI એ બે વખત મુખ્ય વ્યાજ દરો (રેપો રેટ) માં કુલ 0.50 ટકાનો ઘટાડો કર્યો છે. ભારતીય રિઝર્વ બેંકે આ વર્ષે ફેબ્રુઆરીમાં રેપો રેટમાં 0.25 ટકાનો ઘટાડો કર્યો હતો, ત્યારબાદ એપ્રિલમાં પણ રેપો રેટમાં 0.25 ટકાનો ઘટાડો કરવામાં આવ્યો હતો. આ રીતે, 2 મહિનાની અંદર રેપો રેટમાં 0.50 ટકાનો ઘટાડો કરવામાં આવ્યો છે, જે પછી તે 6.50 ટકાથી ઘટીને 6.00 ટકા થઈ ગયો છે.

નાણાકીય વર્ષ 2025-26 માટે છૂટક ફુગાવો 4 ટકા રહેવાનો અંદાજ

કેન્દ્રીય બેંકે નાણાકીય વર્ષ 2025-26 માટે છૂટક ફુગાવાનો દર 4 ટકા રહેવાનો અંદાજ મૂક્યો છે. રિઝર્વ બેંક ઓફ ઈન્ડિયા અનુસાર, છૂટક ફુગાવાનો દર પ્રથમ ક્વાર્ટરમાં 36 ટકા, બીજા ક્વાર્ટરમાં 3.9 ટકા, ત્રીજા ક્વાર્ટરમાં 3.8 ટકા અને ચોથા ક્વાર્ટરમાં  4.4  ટકા રહેવાની ધારણા છે.

એપ્રિલમાં ખાદ્ય ચીજોમાં મોંઘવારી 1.78 ટકા નોંધાઈ છે. જે માર્ચમાં 2.69 ટકાની તુલનાએ 91 બેઝિસ પોઈન્ટ ઘટી છે. આ સાથે ખાદ્ય ચીજોના ભાવ ઓક્ટોબર, 2021 બાદથી સૌથી નીચા નોંધાયા છે.