Aadhar Cardમાં અપડેટ કરવુ થયુ એકદમ આસાન, બસ ઘરે બેસીને આ રીતે થશે કામ, જાણો પ્રૉસેસ

તમે ઘરે બેઠાં બેઠાં આધાર સેવા કેન્દ્ર માટે ઓનલાઇન માધ્યમથી અપૉઇન્ટમેન્ટ બુક કરી શકો છો. વ્યક્તિ UIDAI થી ઓનલાઇન અપૉઇન્ટમેન્ટ બુક કરી શકે છે. તમે તમારુ નજીકનુ સેવા કેન્દ્ર પસંદ કરી શકો છો

(પ્રતિકાત્મક તસવીર)

નવી દિલ્હીઃ આધાર કાર્ડ હાલના સમયમાં એક ખાસ અગત્યનુ ડૉક્યૂમેન્ટ બની ગયુ છે. ભલે પછી તે સિમ લેવાનુ હોય કે બેન્ક સાથે જોડાયેલુ કોઇપણ કામ કરવાનુ હોય. આધાર કાર્ડ વિના હાલના સમયમાં કોઇ કામ પુરુ કરવુ અશક્ય બની ગયુ છે. ઘણીવાર આધાર કાર્ડમાં કોઇ અપડેટ બાકી હોય તો આધાર સેન્ટરોના ધક્કા ખાવા પડતા હોય છે, આ કારણે પરેશાની વધી જાય છે અને સમય બહુ બગડે છે. આ બધી વાતોને ધ્યાનમાં રાખતા યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) લોકોને રાહત આપવા માટે ખાસ નિર્ણય કર્યો છે. હવે તમે ઘરે બેઠાં બેઠાં ઓનલાઇન માધ્યમથી આધારમાં અપડેટ કરી શકો છો, જોકે કેટલીક સુવિધાઓ માટે આધાર સેન્ટર જવુ પડશે. જાણો ખાસ પ્રૉસેસ...... તમે ઘરે બેઠાં બેઠાં આધાર સેવા કેન્દ્ર માટે ઓનલાઇન માધ્યમથી અપૉઇન્ટમેન્ટ બુક કરી શકો છો. વ્યક્તિ UIDAI થી ઓનલાઇન અપૉઇન્ટમેન્ટ બુક કરી શકે છે. તમે તમારુ નજીકનુ સેવા કેન્દ્ર પસંદ કરી શકો છો. પછી ભલે આધાર કાર્ડ માટે અરજી કરવાની હોય કે હાલના આધાર કાર્ડમાં ફેરફાર કરવાનો હોય. તમારે લાઇનોમાં ઉભા રહેવાનુ જરૂર નહીં પડે. આધાર સેવા કેન્દ્ર માટે અપૉઇન્ટમેન્ટ બુક કઇ રીતે કરશો? અપૉઇન્ટમેન્ટ બુક કરવા માટે www.uidai.gov.in પર જાઓ. "My Aadhaar" ડ્રૉપ-ડાઉન મેનૂ ઓપ્શન પર જાઓ અને ત્યાંથી "બુક અપૉઇન્ટમેન્ટ" પર ક્લિક કરો. ડ્રૉપ-ડાઉન મેનૂમાંથી શહેર અને સ્થળની તમારે પસંદગી કરવી પડશે પછી "Proceed to Book Appointment" પર ક્લિક કરી દો. પોતાનો મોબાઇલ નંબર નોંધો, અને એક OTP તમને વેરિફિકેશન માટે મોકલવામાં આવશે. આધાર વિવરણ અને વ્યક્તિગત જાણકારી જમા કરો. પોતાની પસંદગીની તારીખ અને સમય સિલેક્ટ કરો. તમને બુકિંગ નિયુક્તિનો નંબર આપવામાં આવશે. આધાર સેવા કેન્દ્ર પાસપોર્ટ સેવા કેન્દ્રના સમાન છે, એક ટૉકન સિસ્ટમ છે, જેમાં અરજીકર્તાએ પહેલા એક ટૉકન પ્રાપ્ત કરવાની આવશ્યકતા રહે છે.