શેરબજારમાં કોરોનાનો કહેર, માત્ર ત્રણ જ દિવસમાં રોકાણકારોના 9 લાખ કરોડ રૂપિયા થઈ ગયા સ્વાહા

છેલ્લા ત્રણ કારોબારી દિવસમાં સેન્સેક્સમાં 5000 પોઇન્ટનો કડાકો બોલી ચુક્યો છે, જ્યારે નિફ્ટીમાં પણ 1500 પોઇન્ટનો ઘટાડો થયો છે.

મુંબઈઃ સમગ્ર વિશ્વમાં કોરોના વાયરસના કહેર વધી રહ્યો છે. જેની અસર ભારત સહિત વિશ્વભરના શેરબજાર પર જોવા મળી રહી છે. છેલ્લા ત્રણ કારોબારી દિવસમાં સેન્સેક્સમાં 5000 પોઇન્ટનો કડાકો બોલી ચુક્યો છે, જ્યારે નિફ્ટીમાં પણ 1500 પોઇન્ટનો ઘટાડો થયો છે. સેન્સેક્સ 29,000થી નીચે પહોંચ્યો બુધવારે ભારતીય શેરબજારની શરૂઆત વધારા સાથે થઈ હતી. પરંતુ માર્કેટ બંધ થવાની થોડી મિનિટો પહેલા તીવ્ર કડકો બોલ્યો હતો. કારોબારના છેલ્લા કલાકમાં સેન્સેક્સ 1900 પોઇન્ટના ગાબડા સાથે 29,000થી નીચે આવી ગયો હતો, જ્યારે નિફ્ટી પણ 460 પોઇન્ટ ઘટીને 8500 પોઇન્ટ પર પહોંચી ગયો છે. 18 માર્ચ, 2020 બુધવારે સેન્સેક્સ 1709.58 પોઇન્ટ (-5.59%)ના ઘટાડા સાથે 28,869.51 પર બંધ રહ્યો હતો. જ્યારે નિફ્ટી 498.25 પોઇન્ટ (-5.56%) ઘટીને 8468.80 પર બંધ રહી હતી. ચાલુ સપ્તાહના ત્રણ કારોબારી દિવસમાં રોકાણકારોના કેટલા ડૂબ્યા ચાલુ સપ્તાહના શરૂઆતના ત્રણ કારોબારી દિવસમાં રોકાણકારોના આશરે નવ લાખ કરોડ રૂપિયા ડૂબી ગયા છે. બીએસઈ ઈન્ડેક્સ પર માર્કેટ કેપ સોમવારે 1,21,63,952.59 કરોડ રૂપિયા હતી પરંતુ બુધવારે બજાર થયા બાદ ઘટીને 1,13,64,118.31 કરોડ રૂપિયા થઈ હતી. બીએસઈ ઈન્ડેક્સના માર્કેટ કેપના આધારે જ રોકાણકારોની મૂડીમાં ઘટાડાની ગણતરી થાય છે. સેન્સેક્સમાં બોલેલા સૌથી મોટા કડાકા

તારીખ	કડાકો
12  માર્ચ, 2020	2919
16 માર્ચ, 2020	2713
9 માર્ચ, 2020	1942
18 માર્ચ, 2020	1709
24 ઓગસ્ટ, 2015	1624
28 ફેબ્રુઆરી, 2020	1448
21 જાન્યુઆરી, 2008	1408
24 ઓક્ટોબર, 2008	1070
2 ફેબ્રુઆરી, 2020	987
17 માર્ચ, 2008	951
3 માર્ચ, 2008	900
17 માર્ચ, 2020	810.98