કેન્દ્ર સરકાર પર દેવાનો બોજ વધ્યો, બીજા ક્વાર્ટરમાં કુલ દેવું 1 ટકા વધીને 147.19 લાખ કરોડ થઈ

આ વર્ષના સપ્ટેમ્બરના અંતે જાહેર દેવું કુલ જવાબદારીના 89.1 ટકા હતું જે 30 જૂનના રોજ પૂરા થયેલા ક્વાર્ટરમાં 88.3 ટકા હતું.

પ્રતિકાત્મક તસવીર

Government Debt: કેન્દ્ર સરકાર પર દેવાનો બોજ વધ્યો છે. નાણા મંત્રાલયના રિપોર્ટ અનુસાર સપ્ટેમ્બરના અંતમાં સરકારની કુલ જવાબદારી વધીને 147.19 લાખ કરોડ રૂપિયા થઈ ગઈ છે. અગાઉ જૂન ક્વાર્ટરમાં તે રૂ. 145.72 કરોડ હતો. જાહેર દેવાના તાજેતરના ડેટા અનુસાર, ટકાવારીની દ્રષ્ટિએ ત્રિમાસિક ધોરણે ચાલુ નાણાકીય વર્ષ 2022-23 ના બીજા ક્વાર્ટરમાં તેમાં એક ટકાનો વધારો થયો છે.

નાણા મંત્રાલય દ્વારા મંગળવારે જાહેર કરવામાં આવેલા પબ્લિક ડેટ મેનેજમેન્ટ પરના ત્રિમાસિક અહેવાલ મુજબ, આ વર્ષના સપ્ટેમ્બરના અંતે જાહેર દેવું કુલ જવાબદારીના 89.1 ટકા હતું જે 30 જૂનના રોજ પૂરા થયેલા ક્વાર્ટરમાં 88.3 ટકા હતું.

કેન્દ્રએ સિક્યોરિટીઝ દ્વારા રૂ. 4,06,000 કરોડ ઊભા કર્યા હતા

તેમાં કહેવામાં આવ્યું છે કે લગભગ 29.6 ટકા સરકારી સિક્યોરિટીઝ (ફિક્સ્ડ અથવા વેરિયેબલ ઈન્ટરેસ્ટ સિક્યોરિટીઝ) પાંચ વર્ષથી ઓછા સમયમાં પરિપક્વ થવાની છે. રિપોર્ટ અનુસાર, બીજા ક્વાર્ટર દરમિયાન કેન્દ્ર સરકારે સિક્યોરિટીઝ દ્વારા 4,06,000 કરોડ રૂપિયા એકત્ર કર્યા છે. જ્યારે ઉધાર કાર્યક્રમ હેઠળ સૂચિત રકમ 4,22,000 કરોડ રૂપિયા હતી. જ્યારે રૂ. 92,371.15 કરોડ પરત આવ્યા હતા.

વર્તમાન નાણાકીય વર્ષ 2022-23 ના બીજા ક્વાર્ટરમાં વેઇટેડ એવરેજ યીલ્ડ પ્રથમ ક્વાર્ટરમાં 7.23 ટકાથી વધીને 7.33 ટકા થઈ. Q2 માં નવી જારી કરાયેલી સિક્યોરિટીઝની પરિપક્વતાની વેઇટેડ એવરેજ અવધિ Q1 માં 15.69 વર્ષની સામે 15.62 વર્ષ હતી.

વિદેશી મુદ્રા ભંડારમાં ઘટાડો

સરકારે જુલાઈ-સપ્ટેમ્બર ક્વાર્ટરમાં રોકડ વ્યવસ્થાપન માટે ટૂંકા ગાળાની સિક્યોરિટીઝ દ્વારા કોઈ રકમ એકત્ર કરી નથી. આ સમયગાળા દરમિયાન, ભારતીય રિઝર્વ બેંકે સરકારી સિક્યોરિટીઝ માટે કોઈ ઓપન માર્કેટ પ્રવૃત્તિઓ હાથ ધરી ન હતી.

વિદેશી મુદ્રા ભંડારના સંદર્ભમાં, અહેવાલમાં કહેવામાં આવ્યું છે કે તે 30 સપ્ટેમ્બર, 2022 ના રોજ $ 532.66 બિલિયન હતું, જે 24 સપ્ટેમ્બર, 2021 ના ​​રોજ $ 638.64 બિલિયન હતું. 1 જુલાઈ, 2022 થી 30 સપ્ટેમ્બર, 2022 દરમિયાન, ડોલર સામે રૂપિયો 3.11 ટકા નીચે આવ્યો છે.

આ પણ વાંચોઃ