રોકાણકારોની તિજોરી છલકાવી રહ્યો છે આ ડીફેન્સ સ્ટોક,માત્ર 5 મહિનામાં જ કરી દીધા માલામાલ
Defence Stock: 22 એપ્રિલના રોજ પહેલગામ હુમલા અને પછી ઓપરેશન સિંદૂર પછી, શેરોમાં 38 ટકાનો ઉછાળો આવ્યો છે. છેલ્લા પાંચ મહિનામાં, નિફ્ટી ઇન્ડિયા ડિફેન્સ ઇન્ડેક્સમાં લગભગ 40 ટકાનો વધારો થયો છે.
Defence Stock: નિફ્ટી ઇન્ડિયા ડિફેન્સ ઇન્ડેક્સ આ વર્ષે અત્યાર સુધી શ્રેષ્ઠ પ્રદર્શન કરનાર ક્ષેત્ર તરીકે ઉભરી આવ્યો છે, જેમાં માત્ર પાંચ મહિનામાં લગભગ 40 ટકાનો તીવ્ર વધારો થયો છે. તેની સરખામણીમાં, નિફ્ટી 50 માં અત્યાર સુધીમાં ફક્ત 5 ટકાનો વધારો થયો છે. ETMarkets ના અહેવાલ મુજબ, નિફ્ટી ડિફેન્સ ઇન્ડેક્સમાં સમાવિષ્ટ સાત ડિફેન્સ સંબંધિત શેરોના ભાવમાં વર્ષની શરૂઆતથી 50-100 ટકાનો વધારો થયો છે.
ગાર્ડન રીચ શિપબિલ્ડર્સ એન્ડ એન્જિનિયર્સ
શિપબિલ્ડિંગ કંપની ગાર્ડન રીચના શેરે આ વર્ષે અત્યાર સુધીમાં 111 ટકા સુધીનું વળતર આપ્યું છે. આને કારણે, તેના શેરનો ભાવ 1616 રૂપિયા વધીને 3406 રૂપિયા થયો છે. જોકે શુક્રવારે કંપનીના શેર 4.69 ટકાના ઘટાડા સાથે 3246.90 રૂપિયા પર બંધ થયા હતા, તેમ છતાં કંપનીના શેર એક મહિનામાં 77.22 ટકા વધ્યા છે.
ભારત ડાયનેમિક્સ
ભારત ડાયનેમિક્સનો શેર 2025 માં અત્યાર સુધીમાં 75% વધ્યો છે, શેરની કિંમત 1123 રૂપિયાથી વધીને 1969 રૂપિયા થઈ ગઈ છે. સંરક્ષણ ક્ષેત્રની આ સરકારી કંપની, જે દારૂગોળો અને મિસાઇલ સિસ્ટમનું ઉત્પાદન કરે છે, તેણે છેલ્લા પાંચ વર્ષમાં 1613% નું શાનદાર વળતર આપ્યું છે. 22 એપ્રિલના રોજ પહેલગામ હુમલા અને ત્યારબાદ ઓપરેશન સિંદૂર પછી શેરમાં 38% સુધીનો વધારો થયો છે.
સોલર ઇન્ડસ્ટ્રીઝ ઇન્ડિયા
સોલર ઇન્ડસ્ટ્રીઝ ઇન્ડિયાનો શેર આ વર્ષે અત્યાર સુધીમાં 74% વધીને 9783 રૂપિયાથી વધીને 17023 રૂપિયા થયો છે. શુક્રવારે, તે 2.94% ના ઘટાડા સાથે 16,523 રૂપિયા પર બંધ થયો.
એસ્ટ્રા માઇક્રોવેવ પ્રોડક્ટ્સ
એસ્ટ્રા માઇક્રોવેવ પ્રોડક્ટ્સના શેરમાં પણ વર્ષ 2025માં અત્યાર સુધીમાં 54% સુધીનો વધારો જોવા મળ્યો છે. આ કારણે, શેરનો ભાવ રૂ. 768 થી સીધો રૂ. 1179 પર પહોંચી ગયો છે. શુક્રવાર, 6 જૂને, કંપનીના શેર 4.12 ટકા ઘટીને રૂ. 1,130 પર બંધ થયા.
કોચીન શિપયાર્ડ
કોચીન શિપયાર્ડના શેરમાં પણ જબરદસ્ત વૃદ્ધિ જોવા મળી રહી છે. આ વર્ષે તેના શેર અત્યાર સુધીમાં 53 ટકા વધીને રૂ. 1539 થી રૂ. 2351 પર પહોંચી ગયા છે. સંરક્ષણ ક્ષેત્રની આ મોટી કંપનીના શેરમાં શુક્રવારે પણ 8 ટકાનો વધારો થયો છે. છેલ્લા 15 ટ્રેડિંગ સત્રોમાંથી 10માં કોચીન શિપયાર્ડના શેરમાં વધારો જોવા મળ્યો છે.
પારસ ડિફેન્સ એન્ડ સ્પેસ ટેક્નોલોજીસ
વર્ષ 2025માં જાન્યુઆરીથી મે સુધીમાં, પારસ ડિફેન્સ એન્ડ સ્પેસ ટેક્નોલોજીના શેરમાં પણ 71 ટકાનો ઉછાળો જોવા મળ્યો છે અને શેરની કિંમત રૂ. 1,008 થી રૂ. 1,725 પર પહોંચી ગઈ છે.
મઝગોન ડોક શિપબિલ્ડર્સ
આ વર્ષે અત્યાર સુધીમાં મઝગોન ડોક શિપબિલ્ડર્સનો શેર 54 ટકા વધ્યો છે અને શેરની કિંમત 2228 રૂપિયાથી વધીને 3430 રૂપિયા થઈ ગઈ છે. શુક્રવારે, તેના શેર 3383.50 રૂપિયા પર બંધ થયા હતા, જે ગયા શુક્રવારના બંધ ભાવ કરતા 2.8 78 ટકા ઓછા છે.
Disclaimer: (અહીં આપેલી માહિતી ફક્ત જાણકારી માટે આપવામાં આવી રહી છે. અહીં એ ઉલ્લેખ કરવો મહત્વપૂર્ણ છે કે બજારમાં રોકાણ બજારના જોખમોને આધીન છે. રોકાણકાર તરીકે પૈસા રોકાણ કરતા પહેલા હંમેશા નિષ્ણાતની સલાહ લો. ABPLive.com ક્યારેય કોઈને અહીં પૈસા રોકાણ કરવાની સલાહ આપતું નથી.)
ટોપ સ્ટોરી
ટ્રેન્ડિંગ સમાચાર
