ગૌતમ અદાણીએ રચ્યો ઇતિહાસ, 2026 માં દરરોજ એટલી કમાણી કરી કે આંકડો જાણીને હોંશ ઉડી જશે

Ambani vs Adani: આ વર્ષના જાન્યુઆરીથી 4 જૂન દરમિયાન ગૌતમ અદાણીની સંપત્તિમાં આશરે 30.7 અરબ ડોલરનો વધારો થયો છે, જ્યારે મુકેશ અંબાણીને તે જ સમયગાળા દરમિયાન 21.9 અરબ ડોલરનું નુકસાન થયું છે.

ગૌતમ અદાણી

Source : ABPLive

Show Quick Read

Key points generated by AI, verified by newsroom

• અદાણીએ દરરોજ ₹1897 કરોડ કમાયા, અંબાણીએ ₹1352 કરોડ ગુમાવ્યા.
• અદાણી ફરી એશિયાના સૌથી ધનિક બન્યા, વૈશ્વિક સ્તરે ૧૯મા.
• ઇન્ફ્રાસ્ટ્રક્ચર, ગ્રીન એનર્જી રોકાણથી અદાણી સમૂહની કમાણી વધી.
• મધ્ય પૂર્વ તણાવે અંબાણીના તેલ વ્યવસાયને અસર કરી.

Ambani vs Adani: વર્ષ 2026 અગ્રણી ઉદ્યોગપતિ ગૌતમ અદાણી માટે ખૂબ જ નફાકારક રહ્યું છે, જ્યારે મુકેશ અંબાણી માટે નુકસાનકારક રહ્યું છે. બ્લૂમબર્ગ બિલિયોનેર્સ ઇન્ડેક્સના એક તાજા અહેવાલમાં ખુલાસો થયો છે કે આ વર્ષે ગૌતમ અદાણીએ દરરોજ સરેરાશ 1897 કરોડ રૂપિયાની કમાણી કરી છે. બીજી તરફ, મુકેશ અંબાણીએ રોજ સરેરાશ 1352 કરોડ રૂપિયા ગુમાવ્યા છે.

 

અદાણી બન્યા એશિયાના સૌથી અમીર વ્યક્તિ

દરેક દિવસે આટલી જબરદસ્ત મોટી રકમની કમાણીના જોરે ગૌતમ અદાણી એકવાર ફરી મુકેશ અંબાણીને પછાડીને એશિયાના સૌથી અમીર વ્યક્તિ બની ગયા છે. બ્લૂમબર્ગ ઇન્ડેક્સમાં દુનિયાના સૌથી અમીર વ્યક્તિઓની યાદીમાં તેઓ અત્યારે 19માં નંબર પર છે, જ્યારે મુકેશ અંબાણી તેમનાથી એક સ્થાન નીચે સરકીને 20માં નંબર પર આવી ગયા છે.

કમાણીનું સાધન શું રહ્યું?

તાજેતરમાં જ જૂન 2026 ના અહેવાલ મુજબ, Adani Portfolio નો EBITDA (ઓપરેટિંગ પ્રોફિટ) ઓલ-ટાઇમ હાઈ 94834 કરોડ રૂપિયા પર પહોંચી ગયો છે. અદાણી ગ્રુપે ઇન્ફ્રાસ્ટ્રક્ચર અને ગ્રીન એનર્જી સેક્ટર પર ફોકસ કર્યું છે. આમાં અદાણી સમૂહનું વાર્ષિક રોકાણ 1.53 લાખ કરોડ રૂપિયા રહ્યું છે, જે કોઈ પણ ભારતીય કંપનીની સરખામણીએ સૌથી વધુ છે. આના કારણે રોકાણકારોનો ભરોસો તેમના શેરો પર સતત જળવાયેલો છે અને માર્કેટ કેપમાં ઝડપથી વધારો થઈ રહ્યો છે.

અંબાણીને કેમ નુકસાન થયું?

મુકેશ અંબાણીની કમાણીનો એક મોટો હિસ્સો રિલાયન્સ ઇન્ડસ્ટ્રીઝમાંથી આવે છે, જે દુનિયાના સૌથી મોટા ઓઇલ રિફાઇનિંગ કોમ્પ્લેક્સનું સંચાલન કરે છે. મિડલ ઈસ્ટ (મધ્ય પૂર્વ) માં વધતા તણાવના કારણે અંબાણી સમૂહના આ બિઝનેસને અસર પહોંચી છે. આ જ કારણે વિદેશી રોકાણકારો પણ રિલાયન્સ જેવી મોટી અને નિફ્ટી-વેટેજ ધરાવતી કંપનીમાંથી પૈસા નિકાળીને બીજા શેરબજારો તરફ વળી રહ્યા છે, જેથી શેરોમાં ભારે કડાકો આવી રહ્યો છે.

જો કોઈ ક્વાર્ટરમાં (ત્રિમાસિક ગાળામાં) રિલાયન્સના પેટ્રોકેમિકલ્સ, તેલ કે રિટેલ સેક્ટરનું પ્રદર્શન બજારની અપેક્ષા મુજબ ન રહે, તો શેરની કિંમતમાં એક જ દિવસમાં 2-3% સુધીનો ઘટાડો આવી જાય છે. રિલાયન્સનું માર્કેટ કેપ ઘણું મોટું હોવાના કારણે, માત્ર 2% નો ઘટાડો પણ અંબાણીની નેટવર્થમાં હજારો કરોડ રૂપિયાનો ઘટાડો કરી દે છે.

આ પણ વાંચો

Gold Silver Price Today 5 June: ચાંદી 5,600 રૂપિયા થયું સસ્તુ, સોનાની ચમક પણ ઘટી, જાણો લેટેસ્ટ પ્રાઇસ

RBI Repo Rate: રિઝર્વ બેંકે રેપો રેટ કર્યો જાહેર, જાણો તમારી કાર કે હોમ લોન પર શું થશે અસર?