Gold and Silver Price: સોનાની કિંમતમાં ફરી ઘટાડો, 1500 રુપિયા મોંધી થઈ ચાંદી, ચેક કરો લેટેસ્ટ રેટ
ઓલ ઈન્ડિયા સરાફા એસોસિએશનના જણાવ્યા અનુસાર, દિલ્હી બુલિયન માર્કેટમાં 99.9 ટકા શુદ્ધ સોનાનો ભાવ સોમવારે 300 રૂપિયા ઘટીને 1,32,600 રૂપિયા પ્રતિ 10 ગ્રામ થયો.
Gold and Silver Rate: માંગમાં ઘટાડો થવાને કારણે સોમવારે સોનાના ભાવમાં થોડો ઘટાડો જોવા મળ્યો હતો. ઓલ ઈન્ડિયા સરાફા એસોસિએશનના જણાવ્યા અનુસાર, દિલ્હી બુલિયન માર્કેટમાં 99.9 ટકા શુદ્ધ સોનાનો ભાવ સોમવારે 300 રૂપિયા ઘટીને 1,32,600 રૂપિયા પ્રતિ 10 ગ્રામ થયો હતો, જે ગયા સપ્તાહે શુક્રવારે 1,32,900 રૂપિયા પ્રતિ 10 ગ્રામ હતો. જોકે, આજે ચાંદીના ભાવમાં પણ તીવ્ર વધારો નોંધાયો છે. સોમવારે દિલ્હીમાં ચાંદીના ભાવ 1,500 રૂપિયા વધીને 1,85,000 રૂપિયા પ્રતિ કિલોગ્રામ થયા છે.
ચાંદીના ભાવ સતત બીજા દિવસે વધ્યા
આજે સતત બીજા દિવસે ચાંદીના ભાવ વધ્યા છે. ગયા શુક્રવારે ચાંદીના ભાવ 1,83,500 રૂપિયા પ્રતિ કિલોગ્રામ બંધ થયા. વૈશ્વિક સ્તરે, હાજર સોનાના ભાવ 0.18 ટકા વધીને $4205.26 પ્રતિ ઔંસ થયા હતા. મીરા એસેટ શેરખાનના કોમોડિટી હેડ પ્રવીણ સિંહે જણાવ્યું હતું કે, "ફેડરલ રિઝર્વની 10 ડિસેમ્બરે નાણાકીય નીતિ બેઠક પહેલા સ્પોટ ગોલ્ડમાં ઊંચી અસ્થિરતા જોવા મળી હતી અને તે લગભગ 0.20 ટકા વધીને $4210 પ્રતિ ઔંસ પર ટ્રેડ થઈ રહ્યો હતો."
ડિજિટલ ગોલ્ડમાં રોકાણ સતત વધી રહ્યું છે
પીએલ વેલ્થ મેનેજમેન્ટના CEO ઈન્દરબીર સિંહ જોલીએ જણાવ્યું હતું કે, "વૈશ્વિક બજારની અનિશ્ચિતતા વચ્ચે સોનું એક આવશ્યક એસેટ ક્લાસ તરીકે તેની સ્થિતિ મજબૂત કરી રહ્યું છે." તેમણે કહ્યું કે કેન્દ્રીય બેંકો સોનું જમા કરવાનું ચાલુ રાખતી હોવાથી અને રોકાણકારો ફુગાવા સામે લડવાનો પ્રયાસ કરી રહ્યા હોવાથીસોનું ઈંસ્ટીટ્યૂશનલ અને રિટેલ બંને પોર્ટફોલિયોમાં સોનું એક મુખ્ય ડાયવર્સિફાયર બન્યું છે. "અમે ડિજિટલ ગોલ્ડ રોકાણોમાં સતત વધારો પણ જોઈ રહ્યા છીએ, જે વ્યૂહાત્મક લાંબા ગાળાની સંપત્તિ તરીકે સોનાની ભૂમિકાની વધતી જતી માન્યતાને પ્રતિબિંબિત કરે છે. "
સ્પોટ સિલ્વરમાં થોડો વધારો
આ દરમિયાન, સ્પોટ સિલ્વરમાં થોડો વધારો $58.41 પ્રતિ ઔંસ પર ટ્રેડ થઈ રહ્યો હતો. શુક્રવારે, તે $2.2 અથવા 3.84 ટકા વધીને $59.33 પ્રતિ ઔંસના ઓલટાઈમ હાઈ લેવલે પહોંચ્યો હતો અને $58.39 પ્રતિ ઔંસ પર બંધ થયો હતો.
20 વર્ષમાં 1,500 % રિટર્ન
સોનાને સલામત રોકાણ તરીકે જોવામાં આવે છે. ભાવમાં આ વધારો કંઈ નવો નથી. છેલ્લા 20 વર્ષોમાં, સોનાએ રોકાણકારોને પ્રભાવશાળી વળતર આપ્યું છે. 2005માં, તેની કિંમત 10 ગ્રામ દીઠ ₹7,638 હતી. આ વર્ષના સપ્ટેમ્બરમાં, સોનાએ ₹130,000 ના આંકને વટાવી દીધો. આનો અર્થ એ થયો કે છેલ્લા બે દાયકામાં રોકાણકારોએ લગભગ 1,500% નો આશ્ચર્યજનક વધારો જોયો છે. સૌથી નોંધપાત્ર વાત એ છે કે, આ 20 વર્ષોમાંથી 16 વર્ષમાં સોનાએ સકારાત્મક રિટર્ન આપ્યું છે.
ટોપ સ્ટોરી
ટ્રેન્ડિંગ સમાચાર
