Gold Rate Today: આજે ફરી સોના-ચાંદીના ભાવમાં ઉછાળો, જાણો આજના લેટેસ્ટ ભાવ

વૈશ્વિક બજારમાં સોનાની કિંમતમાં ઉછાળો આવ્યો છે. હાજર સોનું 0.5 ટકા વધ્યું છે અને તે 1848.30 ડોલર પ્રતિ ઔંસ પર પહોંચી ગયું છે.

વૈશ્વિક બજારનાં ટ્રેન્ડ અનુસાર ઘરઆંગણે બજારમાં સોના અને ચાંદીની કિંમતાં ઉછાળો જોવા મળ્યો છે. અમેરિકાની અર્થવ્યવસ્થામાં રાહત પેકેજ મળવાની આશા વધવાથી સોના અને ચાંદીની કિંમતમાં ઉછાળો આવ્યો છે. રાહત પેકેજને કારણે મોંઘવારી વધી શકે છે. માટે રોકાણકારો સોનામાં રોકાણ કરીને મોંઘવારીને હેજિંગ કરી રહ્યા છે. માટે સોનાની કિંમતમાં ઉછાળો આવ્યો છે. વિતેલા સપ્તાહે ડોલર ઇન્ડેક્સ ચાર સપ્તાહની ઉચ્ચ સપાટીથી નીચે ગબડ્યો હતો. તેનાથી પણ સોનામાં ખરીદી વધી અને ભાવમાં ઉછાળો આવ્યો. એમસીએક્સમાં સોના અને ચાંદીની ચમક વધી બીજી બાજુ લોકલ માર્કેટમાં એમસીએક્સમાં સોનું અને ચાંદીની કિંમતમાં ઉછાળો આવ્યો છે. બુધવારે એમસીએક્સ પર સોનું 0.27 ટકા વધીને 4115 રૂપિયા પ્રતિ દસ ગ્રામ પર પહોંચી ગયું. જ્યારે ચાંદી 0.3 ટકા વધીને 66234 રૂપિયા પ્રતિ કિલો પર પહોંચી ગઈ. વિતેલા સેશનમાં સોના અને ચાંદીની કિંમતમાં ક્રમશઃ 0.2 અને 0.9 ટકા વધ્યો. વૈશ્વિક બજારમાં ગોલ્ડ ડોલર સસ્તો થવાને કારણે વધ્યું છે. આઈબીજેએ અનુસાર મંગળવારે સોનું 49,007 રૂપિયા પ્રતિ દસ ગ્રામ રહ્યું. જ્યારે ચાંદીની કિંમત 65801 રૂપિયા પ્રતિ કિલો રહી. વૈશ્વિક બજારમાં સોનામાં તેજી વૈશ્વિક બજારમાં સોનાની કિંમતમાં ઉછાળો આવ્યો છે. હાજર સોનું 0.5 ટકા વધ્યું છે અને તે 1848.30 ડોલર પ્રતિ ઔંસ પર પહોંચી ગયું છે જ્યારે ડોલર ઇન્ડેક્સમાં 0.14 ટકાનો ઘટાડો નોંધાયો છે. જ્યારે ચાંદીની કિંમતમાં 0.9 ટકાનો ઉછાળો આવ્યો છે અને તે 25.42 ડોલર પ્રતિ ઔંસ પર બોલાઈ રહી છે. વર્લ્ડ ગોલ્ડ કાઉન્સિલનું કહેવું છે કે, આવનારા દિવસોમાં સોનાની કિંમતમાં ઉછાળો આવશે કારણ કે આર્થિક રિકવરીને કારણે તેની માગમાં ઉછાળો આવી શકે છે.