Home Loan: આ ફેસ્ટિવલ સીઝનમાં ઘર લેવા માગો છો તો આ બેંક આપી રહી છે સસ્તી હોમ લોન

જો તમે 75 લાખ રૂપિયાથી વધુની હોમ લોન લો છો, તો વ્યાજ દર 6.75 ટકા છે. બેંકના મતે, 10 વર્ષમાં આ સૌથી નીચો વ્યાજ દર છે.

પ્રતિકાત્મક તસવીર

Home Loan Offers by Different Banks: તહેવારોની સિઝનની શરૂઆત સાથે, બેંકો હોમ લોનના વ્યાજ દર ઘટાડવા માટે સ્પર્ધા કરી રહી છે. જેમાં તમામ સરકારી અને ખાનગી બેંકોનો સમાવેશ થાય છે. આમાં હોમ લોન ફાઇનાન્સ કંપનીઓ પણ પાછળ નથી. પરંતુ હજુ પણ ઘણા ગ્રાહકો માત્ર બેંકો પાસેથી લોન લેવાનું પસંદ કરે છે. દેશની સૌથી મોટી જાહેર ક્ષેત્રની બેન્કો સ્ટેટ બેન્ક ઓફ ઇન્ડિયા (SBI), પંજાબ નેશનલ બેન્ક (PNB), બેન્ક ઓફ બરોડા (BOB), ICICI બેન્ક, કોટક મહિન્દ્રા બેન્ક (Kotak Mahindra Bank) અને યસ બેન્ક જેવ  મોટી બેંક ગ્રાહકોને આકર્ષક ઓફર આપી રહી છે.

SBI હોમ લોન

તમને જણાવી દઈએ કે સ્ટેટ બેન્ક ઓફ ઈન્ડિયા (SBI) એ પ્રથમ વખત ક્રેડિટ સ્કોર લિંક્ડ હોમ લોનની જાહેરાત કરી છે, જેના વ્યાજ દર 6.70% રાખવામાં આવ્યા છે. તમે કેટલી રકમની લોન લેવા માંગો છો તે મહત્વનું નથી, તમારે માત્ર 6.70% વ્યાજ ચૂકવવું પડશે. તમને જણાવી દઈએ કે અગાઉ સ્ટેટ બેંકમાં 75 લાખથી વધુ લોન લેવા માટે તમારે 7.15% વ્યાજ ચૂકવવું પડતું હતું, જે હવે ઘટીને 6.70% થઈ ગયું છે.

PNB હોમ લોન

તમને જણાવી દઈએ કે બીજી સૌથી મોટી સરકારી બેંક પંજાબ નેશનલ બેંક (PNB) એ પણ ગ્રાહકોને આકર્ષવા માટે ઘણી આકર્ષક ઓફર આપી છે. બેંકે 50 લાખથી વધુની લોન લેવા માટે વ્યાજદરમાં 50 બેસિસ પોઇન્ટ એટલે કે અડધા ટકાનો ઘટાડો કર્યો છે. આ સાથે, બેલેન્સ ટ્રાન્સફરના કિસ્સામાં પણ નવા વ્યાજ દરો લાગુ પડશે.

BOB હોમ લોન

તમને જણાવી દઈએ કે બેંક ઓફ બરોડા 8.10% વ્યાજ દરે લોન આપી રહી છે. તમે આ લોનનો ઉપયોગ ઘર ખરીદવા તેમજ તેને સુધારવા માટે કરી શકો છો. તે જ સમયે, બેંકે લોનની રકમના 0.50% - 0.25% થી ન્યૂનતમ પ્રોસેસિંગ ફી રાખી છે. જો તમે આ બેંકમાંથી 30 વર્ષ માટે 40 લાખની લોન લો છો, તો તમારે 29,630 રૂપિયાની EMI ચૂકવવો પડશે. બીજી બાજુ, 60 લાખની લોન માટે 44,445 રૂપિયા ચૂકવવા પડશે.

બીજી બાજુ, ખાનગી બેંક કોટક મહિન્દ્રા બેન્કે તેની હોમ લોનના વ્યાજ દરમાં 0.15 ટકાનો ઘટાડો કરીને હવે 6.50% કરી દીધો છે. તે જ સમયે, યસ બેંક તેના ગ્રાહકોને 6.45% વ્યાજ દરે હોમ લોન આપી રહી છે. બીજી બાજુ, ICICI બેંકે 75 લાખ રૂપિયા સુધીની હોમ લોન માટે વ્યાજ દર ઘટાડીને 6.70%કર્યો છે. જો તમે 75 લાખ રૂપિયાથી વધુની હોમ લોન લો છો, તો વ્યાજ દર 6.75 ટકા છે. બેંકના મતે, 10 વર્ષમાં આ સૌથી નીચો વ્યાજ દર છે.