આજે ખૂલી રહ્યો છે આ મોટો IPO, જાણો ભરવો જોઈએ કે નહીં ? વળતરના કેટલા છે ચાન્સ ?

પોલિસીબજારે IPO પહેલા 155 એન્કર રોકાણકારો પાસેથી રૂ. 2,569 કરોડ એકત્ર કર્યા હતા. કંપનીને એન્કર સ્લોટમાં લગભગ 40 ગણી બિડ મળી છે.

પ્રતિકાત્મક તસવીર

દિવાળી પહેલા રોકાણકારો પાસે બમ્પર કમાણી કરવાની મોટી તક છે. 4 કંપનીઓના IPO આજે સબસ્ક્રિપ્શન માટે ખુલી રહ્યા છે. તેમાં PB Fintech Ltd, ઓનલાઈન ઈન્સ્યોરન્સ એગ્રીગેટર પોલિસીબઝારની પેરેન્ટ કંપની, સુયોગ ગુરબક્સાની ફ્યુનિક્યુલર રોપવેઝ લિમિટેડ, SJS એન્ટરપ્રાઈઝ લિમિટેડ અને સિગાચી ઈન્ડસ્ટ્રીઝનો સમાવેશ થાય છે. આ IPO 3જી નવેમ્બરે બંધ થશે.

પોલિસીબજાર અને પૈસાબજારના ઓપરેટર પીબી ફિનટેક લિમિટેડનો રૂ. 5,700 કરોડનો IPO આજે ખુલી રહ્યો છે. આમાં, રૂ. 3,750 કરોડના નવા શેર જારી કરવામાં આવશે જ્યારે રૂ. 1,960 કરોડના શેરનું વેચાણ ઓફર ફોર સેલ દ્વારા કરવામાં આવશે. આ માટે પ્રાઈસ બેન્ડ 940-980 રૂપિયા પ્રતિ શેર રાખવામાં આવી છે. ઓછામાં ઓછા 15 ઇક્વિટી શેરની બિડ કરી શકાય છે. એટલે કે, રિટેલ રોકાણકારોએ લોટ માટે ઓછામાં ઓછી 14,700 રૂપિયાની બિડ કરવી પડશે. વધુમાં વધુ 13 લોટ માટે બિડિંગ કરી શકાય છે. 10% ઇશ્યૂ રિટેલ રોકાણકારો માટે છે.પીબી ફિનટેક લિમિટેડના શેરની પ્રાઈસ ગ્રે માર્કેટમાં 150 રૂપિયના પ્રીમિયમે બોલાઈ રહી છે.

એન્કર રોકાણકારો પાસેથી 2,569 કરોડ એકત્ર કર્યા

પોલિસીબજારે IPO પહેલા 155 એન્કર રોકાણકારો પાસેથી રૂ. 2,569 કરોડ એકત્ર કર્યા હતા. કંપનીને એન્કર સ્લોટમાં લગભગ 40 ગણી બિડ મળી છે. તેમાં HDFC લાઇફ, ICICI પ્રુડેન્શિયલ, બજાજ એલિયાન્ઝ લાઇફ, SBI જનરલ ઇન્શ્યોરન્સ અને મેક્સ લાઇફ ઇન્શ્યોરન્સ જેવી જાણીતી વીમા કંપનીઓનો સમાવેશ થાય છે. આ ઉપરાંત ફિડેલિટી, બેલી ગીફોર્ડ, ડ્રેગનિયર ગ્રુપ, બ્લેકરોક અને અન્ય કંપનીઓએ પણ ભાગ લીધો હતો. પીબી ફિનટેકના હાલના રોકાણકારો સ્ટેડવ્યુ કેપિટલ, ટાઈગર ગ્લોબલ અને ફાલ્કન એજ એ એન્કર ઈન્વેસ્ટમેન્ટ દ્વારા કંપનીમાં તેમનું રોકાણ બમણું કર્યું છે.

કંપની આ IPOમાંથી મળેલી આવકનો ઉપયોગ વ્યૂહાત્મક રોકાણો અને એક્વિઝિશન માટે નાણાં પૂરાં કરવા, ભારતની બહાર તેની હાજરીને વિસ્તારવા અને સામાન્ય કોર્પોરેટ હેતુઓ માટે કરશે.

કોટક મહિન્દ્રા કેપિટલ કંપની, મોર્ગન સ્ટેનલી ઈન્ડિયા કંપની, સિટીગ્રુપ ગ્લોબલ માર્કેટ્સ ઈન્ડિયા, આઈસીઆઈસીઆઈ સિક્યોરિટીઝ, એચડીએફસી બેંક લિ., આઈઆઈએફએલ સિક્યોરિટીઝ અને જેફરીઝ ઈન્ડિયા આ ઈશ્યુના બુક રનિંગ લીડ મેનેજર છે.