Fake News Alert: શું બે બેન્ક એકાઉન્ટ છે તો આપવો પડશે દંડ? જાણો વાયરલ મેસેજ પાછળનું સત્ય
Fake News Alert: ભારતમાં એવા ઘણા લોકો છે જેમની પાસે એક કરતા વધુ બેન્ક ખાતા છે
Fake News Alert: ભારતમાં એવા ઘણા લોકો છે જેમની પાસે એક કરતા વધુ બેન્ક ખાતા છે. આવી સ્થિતિમાં જો તમારી પાસે એકથી વધુ બેન્ક ખાતા છે, તો તમારે દંડ ભરવો પડશે, એવા સમાચાર લોકોને પરેશાન કરી શકે છે. ખાસ કરીને તે લોકો જે ખાનગી કંપનીઓમાં કામ કરે છે. વાસ્તવમાં ખાનગી કંપનીઓમાં કામ કરતા મોટાભાગના લોકો પાસે એકથી વધુ બેન્ક ખાતા હોય છે.
⚠️ Fake News Alert
— PIB Fact Check (@PIBFactCheck) December 8, 2024
कुछ आर्टिकल में यह भ्रम फैलाया जा रहा है कि भारतीय रिजर्व बैंक की नई गाइडलाइंस के अनुसार, अब एक से अधिक बैंक में खाता रखने पर जुर्माना लगाया जाएगा।#PIBFactCheck
▶️ @RBI ने ऐसी कोई गाइडलाइन जारी नहीं की है।
▶️ ऐसे फर्जी खबरों से सावधान रहें! pic.twitter.com/2xUVZoe3lI
આ એટલા માટે છે કારણ કે જેવી તમે કંપનીઓ સ્વિચ કરો છો અને બીજી કંપનીમાં જાઓ છો તે કંપની તમારી ટાઈ-અપ બેન્કમાં તમારું સેલરી એકાઉન્ટ ખોલે છે. આમ કરીને કેટલાક લોકો બે-ચાર-પાંચ બેન્કોમાં ખાતા ખોલાવે છે. ચાલો હવે જાણીએ કે આ દાવાની સત્યતા શું છે.
પહેલા જાણો શું છે દાવો
હાલમાં જ સોશિયલ મીડિયા પર એક પોસ્ટ વાયરલ થઈ રહી છે, જેમાં દાવો કરવામાં આવ્યો છે કે જો તમારી પાસે એકથી વધુ બેન્ક એકાઉન્ટ છે તો તમને દંડ થઈ શકે છે. આ દાવામાં આરબીઆઈના પૂર્વ ગવર્નર શક્તિકાંત દાસનો ઉલ્લેખ કરીને કહેવામાં આવ્યું છે કે આરબીઆઈએ એક નવી ગાઈડલાઈન બહાર પાડી છે, જે અંતર્ગત જો કોઈ વ્યક્તિના બે બેન્ક ખાતા હશે તો તેને સખત દંડ ફટકારવામાં આવશે. ચાલો હવે જાણીએ દાવાની સત્યતા.
શું છે દાવા પાછળનું સત્ય
આ દાવા પર પીઆઈબીનું ફેક્ટ ચેક છે. પ્રેસ ઇન્ફોર્મેશન બ્યુરોએ રવિવારે આ દાવાને ખોટો ગણાવ્યો હતો. પીઆઈબીએ લખ્યું છે કે કેટલાક લેખો એવી ગેરસમજ ફેલાવી રહ્યા છે કે જો તમારી પાસે બે બેન્ક એકાઉન્ટ છે તો તમને દંડ કરવામાં આવશે. જ્યારે આરબીઆઈએ આવી કોઈ માર્ગદર્શિકા બહાર પાડી નથી. એટલે કે આ દાવો સંપૂર્ણપણે ખોટો છે. પીઆઈબીએ કહ્યું કે તમારે આવા સમાચાર અને અફવાઓથી દૂર રહેવું જોઈએ.
એક વ્યક્તિ કેટલા બેન્ક એકાઉન્ટ્સ રાખી શકે છે.
ભારતમાં એક વ્યક્તિ કેટલા બેન્ક એકાઉન્ટ્સ રાખી શકે છે તેની સંખ્યા નિશ્ચિત નથી. એટલે કે ભારતમાં વ્યક્તિ કેટલા બેન્ક ખાતા ખોલી શકે તેની કોઈ મર્યાદા નથી. તમે તમારી ઈચ્છા અને જરૂરિયાત મુજબ ગમે તેટલા બેન્ક એકાઉન્ટ ઓપન કરાવી શકો છો. આરબીઆઈએ આ માટે કોઈ મર્યાદા નક્કી કરી નથી. જો કે, તમે જેટલા વધુ બેન્ક ખાતા ખોલો છો, તમારે તેમની વધુ કાળજી લેવી પડશે. એટલે કે તેમાં એક નિશ્ચિત રકમ રાખવી પડશે. જો તમે આમ ન કરો તો તે તમારા CIBIL સ્કોરને અસર કરી શકે છે.
7th Pay Commission: નવા વર્ષે વધશે પગાર, કર્મચારીઓ અને પેન્શનરોને મળશે DAમાં વધારાનો ફાયદો
ટ્રેન્ડિંગ સમાચાર
ટોપ સ્ટોરી
