PNG કનેક્શન લેનારા માટે સરકારની શાનદાર ઓફર: મળશે ₹500 નો મફત ગેસ, સિક્યોરિટી ફી પણ કરાઈ માફ

31 માર્ચ સુધી નવું કનેક્શન લેનાર ગ્રાહકોને ₹500 સુધીનો ગેસ બિલકુલ મફત વાપરવા મળશે. નવું કનેક્શન લેતી વખતે જમા કરાવવી પડતી સિક્યોરિટી ડિપોઝિટ પણ સંપૂર્ણપણે માફ કરવામાં આવી.

new png connection free gas bill security fee waived government scheme

Source : IANS

Show Quick Read

Key points generated by AI, verified by newsroom

• નવા PNG કનેક્શન પર ₹500 સુધીનો ગેસ મફત.
• સિક્યોરિટી ડિપોઝિટ અને રોડ રિસ્ટોરેશન ફી માફ.
• 31 માર્ચ સુધી ઓફર, શહેરોમાં વિસ્તરણ વેગવંતુ.
• 24 કલાક કામગીરી, અરજી પ્રક્રિયા સરળ બનાવાઈ.

મધ્ય પૂર્વ (મિડલ ઈસ્ટ) માં ચાલી રહેલા યુદ્ધ અને તેના કારણે સર્જાયેલી LPG ગેસની કટોકટી વચ્ચે કેન્દ્ર સરકારે સામાન્ય જનતાને એક બહુ મોટી રાહત આપી છે. દેશમાં પાઇપ નેચરલ ગેસ (PNG) ના વપરાશને ઝડપથી વધારવા અને લોકોની મુશ્કેલી ઓછી કરવા માટે સરકારે એક નવી સ્કીમ શરૂ કરી છે. આ સ્કીમ હેઠળ, જો તમે નવું PNG કનેક્શન લો છો, તો તમને ₹500 સુધીનો ગેસ બિલકુલ મફત આપવામાં આવશે અને કનેક્શન માટે લેવાતી સિક્યોરિટી ફી પણ સંપૂર્ણપણે માફ કરી દેવામાં આવી છે. આ શાનદાર ઓફરનો લાભ 31 માર્ચ સુધી નવું કનેક્શન લેનારા તમામ ગ્રાહકોને મળશે. સરકારના આ પગલાં અને ફાસ્ટ કામગીરીથી લાખો લોકો હવે સિલિન્ડર છોડીને સસ્તા અને સુરક્ષિત પાઇપ ગેસ તરફ વળી રહ્યા છે.

નવા કનેક્શન પર મોટું ડિસ્કાઉન્ટ

સરકાર અને ગેસ વિતરણ કંપનીઓ ભેગા મળીને નવા ગ્રાહકોને આકર્ષવા માટે આ ઓફર લાવી છે. જો તમે તમારા ઘરમાં નવું પાઇપલાઇન ગેસ કનેક્શન લો છો, તો તમને શરૂઆતમાં ₹500 સુધીના ગેસનું બિલ માફ કરી દેવામાં આવશે, એટલે કે એટલો ગેસ તમને મફત વાપરવા મળશે. આ ઉપરાંત, અગાઉ નવું કનેક્શન લેતી વખતે જે સિક્યોરિટી ફી (ડિપોઝિટ) ભરવી પડતી હતી, તે પણ હવે ગ્રાહકોએ આપવી નહીં પડે. જોકે, ખાસ ધ્યાનમાં રાખવા જેવી બાબત એ છે કે આ ડિસ્કાઉન્ટ અને ઓફરનો લાભ માત્ર એ જ લોકોને મળશે જેઓ 31 માર્ચ પહેલા નવું કનેક્શન ખરીદી લેશે.

કોને મળશે આ યોજનાનો સીધો લાભ?

આ યોજનાનો ફાયદો નવું PNG કનેક્શન લેવા માંગતા તમામ ગ્રાહકોને મળશે. ખાસ કરીને શહેરોમાં રહેતા લોકોને તેનો સૌથી વધુ ફાયદો થશે, કારણ કે ત્યાં પાઇપલાઇનનું નેટવર્ક ખૂબ જ ઝડપથી વિસ્તરી રહ્યું છે. આ ઉપરાંત, જો કોઈ મોટી સોસાયટી કે બિલ્ડિંગમાં રહેતા ઘણા બધા લોકો એકસાથે (બલ્કમાં) નવું PNG કનેક્શન લેવા માટે અરજી કરે છે, તો તેમને સરકાર અને કંપનીઓ તરફથી વધારાનું ડિસ્કાઉન્ટ પણ આપવામાં આવશે.

પ્રક્રિયા બની સરળ, 24 કલાક ચાલશે કામગીરી

વધુને વધુ ઘરોમાં ફટાફટ પાઇપ ગેસ પહોંચે તે માટે સરકારે કડક અને ઝડપી નિર્ણયો લીધા છે. PNG નેટવર્કના વિસ્તરણને વેગ આપવા દિલ્હી જેવા શહેરોમાં પાઇપલાઇન નાખવાનું કામ હવે 24 કલાક કરી શકાશે. એટલું જ નહીં, રસ્તો ખોદ્યા પછી તેને રિપેર કરવા માટે જે 'રોડ રિસ્ટોરેશન ફી' આપવી પડતી હતી, તે પણ માફ કરી દેવાઈ છે. આનાથી ગેસ કંપનીઓ માટે કામ કરવાનું એકદમ સરળ બની ગયું છે અને ગ્રાહકોને ફટાફટ કનેક્શન મળી રહ્યા છે. સરકારે અરજી કરવાની પ્રક્રિયાને અને તેની સમયમર્યાદાને પણ સુવ્યવસ્થિત કરી છે. આ જ કારણ છે કે તાજેતરમાં લાખો નવા કનેક્શન આપવામાં આવ્યા છે અને લોકો ખૂબ જ ઝડપથી LPG સિલિન્ડરને બાય-બાય કહીને PNG અપનાવી રહ્યા છે.

આ પણ વાંચો

શું દેશમાં પેટ્રોલ-ડીઝલનો સ્ટોક ખતમ થઈ રહ્યો છે? ઈરાન યુદ્ધ વચ્ચે ફેલાતી અફવાઓ પર ઓઇલ કંપનીઓએ આપ્યો મોટો જવાબ