PPF રોકાણ: દર વર્ષે ₹1,50,000 જમા કરાવવા પર 15 વર્ષ પછી કેટલા રૂપિયા મળશે? સમજો ગણતરી

PPF maturity calculator: ભારત સરકારની આ સ્કીમમાં અત્યારે 7.1% વ્યાજ મળે છે; જો તમે નિયમિત રીતે મહત્તમ રકમ જમા કરાવો છો, તો 15 વર્ષ બાદ ટેક્સ-ફ્રી ₹40 લાખથી વધુનું ફંડ તૈયાર થઈ જશે.

ppf calculation 150000 annual deposit maturity amount tax free returns

Source : Pixabay

Show Quick Read

Key points generated by AI, verified by newsroom

• PPF યોજનામાં 7.1% વ્યાજ દર, સુરક્ષિત રોકાણ વિકલ્પ.
• ₹1.5 લાખ વાર્ષિક રોકાણ પર 15 વર્ષે ₹40.68 લાખ મળશે.
• રોકાણ, વ્યાજ અને મેચ્યોરિટી પર EEE ટેક્સ છૂટ.
• 15 વર્ષ પછી 5-5 વર્ષના બ્લોકમાં મુદત વધારી શકાય.

PPF maturity calculator: પબ્લિક પ્રોવિડન્ટ ફંડ (PPF) એ લાંબા ગાળાના રોકાણ અને ટેક્સ બચાવવા માટે ભારતમાં સૌથી લોકપ્રિય અને સુરક્ષિત સ્કીમ માનવામાં આવે છે. જો તમે પણ કોઈ જોખમ વગર લાંબા ગાળે એક મોટું ફંડ ઊભું કરવા માંગો છો, તો PPF એક બેસ્ટ ઓપ્શન છે. અત્યારે સરકાર આ સ્કીમ પર 7.1% નું આકર્ષક વ્યાજ આપી રહી છે. જો કોઈ વ્યક્તિ દર વર્ષે આ સ્કીમમાં મહત્તમ લિમિટ એટલે કે ₹1,50,000 નું રોકાણ કરે છે, તો 15 વર્ષની પાકતી મુદત (મેચ્યોરિટી) પૂરી થયા પછી તેને કેટલા રૂપિયા મળશે? આ સવાલ ઘણા લોકોના મનમાં હોય છે. તો ચાલો, આજે આ રોકાણની પૂરેપૂરી ગણતરી અને તેના જબરદસ્ત ફાયદાઓને એકદમ સરળ ભાષામાં સમજીએ.

PPF એ ભારત સરકાર દ્વારા ચલાવવામાં આવતી સ્કીમ હોવાથી તેમાં તમારા પૈસા એકદમ સુરક્ષિત રહે છે. હાલમાં નાણા મંત્રાલય દ્વારા તેના પર 7.1% વ્યાજ દર નક્કી કરવામાં આવ્યો છે, અને સરકાર સમયાંતરે આ વ્યાજ દરોની સમીક્ષા પણ કરતી રહે છે. આ ખાતું તમે કોઈપણ સરકારી કે માન્ય ખાનગી બેંક અથવા પોસ્ટ ઓફિસમાં ખોલાવી શકો છો. ખાસ ધ્યાન રાખવું કે એક વ્યક્તિ માત્ર એક જ PPF એકાઉન્ટ ખોલાવી શકે છે. આ ખાતાની મૂળ મેચ્યોરિટી 15 વર્ષની હોય છે.

₹1,50,000 ના રોકાણ પર પાકતી મુદતે કેટલું ભંડોળ મળશે?

જો તમે વધારે વ્યાજ કમાવવા માંગતા હો, તો નાણાકીય વર્ષની શરૂઆતમાં એટલે કે એપ્રિલ મહિનામાં જ રકમ જમા કરાવી દેવી જોઈએ. નિષ્ણાતોની સલાહ મુજબ, મહિનાની 5 તારીખ પહેલાં પૈસા જમા કરાવવાથી તમને આખા મહિનાનું અને વર્ષનું પૂરું વ્યાજ મળે છે.

હવે ગણતરી સમજીએ:

જો તમે દર વર્ષે એપ્રિલમાં ₹1,50,000 જમા કરાવો છો, તો 15 વર્ષ સળંગ રોકાણ કરવાથી તમારી કુલ રોકાણ કરેલી રકમ ₹22,50,000 થશે. હવે આ રકમ પર 7.1% ના ચક્રવૃદ્ધિ દરે તમને ₹18,18,209 નું વ્યાજ મળશે. એટલે કે 15 વર્ષ પછી જ્યારે તમારું ખાતું પાકશે, ત્યારે તમારા હાથમાં કુલ ₹40,68,209 ની માતબર રકમ આવશે.

PPF વિશે આ 3 ખાસ વાતો તમારે જાણવી જ જોઈએ:

રોકાણની લિમિટ: ખાતું ચાલુ (એક્ટિવ) રાખવા માટે તમારે કોઈપણ નાણાકીય વર્ષમાં ઓછામાં ઓછા ₹500 જમા કરાવવા ફરજિયાત છે. તમે એક વર્ષમાં વધુમાં વધુ ₹1.5 લાખનું જ રોકાણ કરી શકો છો. જો તમે ભૂલથી પણ આનાથી વધારે રકમ જમા કરશો, તો વધારાની રકમ પર તમને કોઈ વ્યાજ કે ટેક્સ બેનિફિટ મળશે નહીં.

ટેક્સમાં પૂરેપૂરી છૂટ (EEE બેનિફિટ): PPF એ રોકાણના એવા જૂજ વિકલ્પોમાંથી એક છે જે 'EEE' (એક્ઝેમ્પ્ટ-એક્ઝેમ્પ્ટ-એક્ઝેમ્પ્ટ) કેટેગરીમાં આવે છે. આનો સીધો અર્થ એ છે કે તમે જે ₹1.5 લાખ રોકો છો તેના પર આવકવેરાની કલમ 80C હેઠળ ટેક્સ બચે છે, દર વર્ષે જમા થતા વ્યાજ પર કોઈ ટેક્સ લાગતો નથી, અને 15 વર્ષ પછી જે આખી મેચ્યોરિટી રકમ મળે છે તે પણ પૂરેપૂરી ટેક્સ ફ્રી હોય છે.

ખાતાની મુદત લંબાવવાની સુવિધા: PPF ની મૂળ મુદત 15 વર્ષની હોય છે, પણ જો 15 વર્ષ પછી તમારે પૈસાની જરૂર ન હોય અને ફંડને હજુ વધારે ગ્રો કરવું હોય, તો તમે પાકતી મુદત પછી તેને 5-5 વર્ષના બ્લોકમાં ગમે તેટલી વાર લંબાવી શકો છો.