Stock Market Closing: સતત બીજા દિવસે વધારા સાથે બંધ રહ્યું શેર માર્કેટ, જાણો ટોપ Losers

Closing Bell: ભારતીય શેરબજાર ચાલુ સપ્તાહે સતત બીજા દિવસે વધારા સાથે બંધ રહ્યું છે.

ફાઈલ તસવીર

Stock Market Closing, 14th December, 2022:  ભારતીય શેરબજાર ચાલુ સપ્તાહે સતત બીજા દિવસે વધારા સાથે બંધ રહ્યું છે. સેન્સેક્સ 144.61 પોઇન્ટના વધારા સાથે 62,677.91 પોઇન્ટ પર બંધ રહ્યો હતો. નિફ્ટી 52.3 પોઇન્ટના વધારા સાથે 18,660.30 પોઇન્ટ પર બંધ રહી. બેંક નિફ્ટી 102.55 અંકના વધારા સાથે 44,049.10 પર બંધ રહી.

 BSE ની સાઇટ મુજબ ટોપ ગેઈનર્સ

 BSE ની સાઇટ મુજબ ટોપ લૂઝર્સ

બજારમાં બેન્કિંગ શેરોમાં ઉછાળાને કારણે નિફ્ટી આઈટી 44000ની જીવનકાળની ઊંચી સપાટીને પાર કરવામાં સફળ રહી છે. નિફ્ટી આઈટી 0.23 ટકાના વધારા સાથે 44049 પોઈન્ટ પર બંધ રહ્યો હતો. નિફ્ટી આઈટી 1.15 ટકા, નિફ્ટી એનર્જી 0.63 ટકા, નિફ્ટી કન્ઝ્યુમર ડ્યુરેબલ્સ 0.90 ટકા વધ્યા હતા.  નિફ્ટી મિડકેપ 0.60 ટકા અને નિફ્ટી સ્મોલ કેપ 0.71 ટકાના વધારા સાથે બંધ થયા છે. સેન્સેક્સ શેરોમાં ટેક મહિન્દ્રા 1.58 ટકા, ટાટા સ્ટીલ 1.80 ટકા, એસબીઆઈ 1.34 ટકાના વધારા સાથે બંધ થયા છે. તો નેસ્લે, ભારતી એરટેલ, ICICI બેન્કે ઘટાડા સાથે બંધ થયા.

રોકાણકારોની સંપત્તિમાં વધારો

શેરબજારમાં આવેલી તેજીના કારણે રોકાણકારોની સંપત્તિમાં રૂ. 1 લાખ કરોડથી વધુનો ઉછાળો આવ્યો છે. BSE પર લિસ્ટેડ કંપનીઓનું માર્કેટ કેપ રૂ. 290 લાખ કરોડ વધીને રૂ. 291.07 લાખ કરોડ થયું છે.

સવારે વધારા સાથે ખૂલ્યું હતું બજાર

આજે બીએસઈનો સેન્સેક્સ ગઈકાલના 62533.3ની સામે 152.64 પોઈન્ટ વધીને 62685.94 પર ખુલ્યો હતો જ્યારે નિફ્ટી ગઈકાલના 18608ની સામે 63.25 પોઈન્ટ વધીને 18671.25 પર ખુલ્યો હતો.

ફુગાવાના ડેટાથી અમેરિકન બજાર પ્રભાવિત

અમેરિકામાં રિટેલ ફુગાવાના આંકડા જોતા રોકાણકારોનો ઉત્સાહ પણ વધી ગયો છે. અહીં રિટેલ ફુગાવો હવે 40 વર્ષના રેકોર્ડ સ્તરથી ઘણો નીચે આવી ગયો છે, જેના કારણે વોલ સ્ટ્રીટ પર તેજી જોવા મળી હતી. અગાઉના સત્રમાં, S&P 500 0.73 ટકા વધ્યો હતો, જ્યારે ડાઉ જોન્સ 0.30 ટકા વધ્યો હતો, જ્યારે NASDAQ 1.01 ટકા વધીને બંધ હતો.

યુરોપિયન બજાર પણ લીલા નિશાન પર

અમેરિકાની જેમ જ યુરોપના મોટાભાગના શેરબજારોમાં પણ છેલ્લા ટ્રેડિંગ સેશન દરમિયાન તેજી જોવા મળી હતી. યુરોપના મુખ્ય શેરબજારોમાં સમાવિષ્ટ જર્મનીનું સ્ટોક એક્સચેન્જ પાછલા સત્રમાં 1.34 ટકાના વધારા સાથે બંધ થયું હતું, જ્યારે ફ્રેન્ચ શેરબજારમાં 1.42 ટકાનો વધારો જોવા મળ્યો હતો. આ સિવાય લંડનના સ્ટોક એક્સચેન્જમાં પણ 0.76 ટકાનો વધારો થયો છે.