Stock Market Closing: ફેડનો ફફડાટ, જાણો કેટલા પોઈન્ટના ઘટાડા સાથે બંધ થયું શેરબજાર
Stock Market Update: ભારતીય શેરબજારમાં ગત બે દિવસમાં 878 પોઇન્ટનો ઉછાળો આવ્યો હતો.
Stock Market Closing, 21st September 2022: શેરબજારમાં બે દિવસથી આવેલી તેજી પર આજે બ્રેક લાગી છે. ભારતીય શેરબજારનો સેન્સેક્સ 262.59 પોઇન્ટના ઘટાડા સાથે 59 456.78 પોઇન્ટ પર બંધ થયું છે. જ્યારે નિફ્ટી પણ 97.91 પોઇન્ટ ઘટીને 17718.35 પોઇન્ટ પર બંધ રહી છે. નિફ્ટીએ 18 હજારની સપાટી ગુમાવી છે.
શેરબજારમાં કેમ થયો ઘટાડો
ફેડરલ રિઝર્વની બેઠકને ધ્યાનમાં રાખીને બુધવારના ટ્રેડિંગ સેશનમાં ભારતીય શેરબજારમાં ઘટાડો જોવા મળ્યો હતો. રોકાણકારોના પ્રોફિટ-બુકિંગને કારણે ભારતીય ઘટાડા સાથે બંધ થયું.
એફએમસીજી સિવાય તમામ સેકટરમાં વેચવાલી
આજના ટ્રેડિંગ સેશનમાં એફએમસીજી સેક્ટર સિવાય તમામ સેક્ટરમાં વેચવાલી જોવા મળી હતી. બેન્ક નિફ્ટી, નિફ્ટી ઓટો, નિફ્ટી આઈટી, ઓઈલ એન્ડ ગેસ સેક્ટર, કન્ઝ્યુમર ડ્યુરેબલ્સનો શેર પણ ઘટાડા સાથે બંધ થયો હતો. નિફ્ટીના 50 શેરોમાંથી માત્ર 13 શેર જ લીલા નિશાનમાં બંધ થયા હતા, બાકીના 37 શેરો ઘટ્યા હતા. તો સેન્સેક્સના 30 શેરોમાંથી માત્ર સાત શેર જ લીલા નિશાનમાં બંધ થયા હતા, જ્યારે બાકીના 23 શેર લાલ નિશાનમાં બંધ થયા હતા.
BSE પર કુલ 3587 શેરનું ટ્રેડિંગ થયું હતું, જેમાં 1290 શેર વધીને અને 2169 શેર લાલ નિશાનમાં બંધ થયા હતા. 128 શેરની કિંમતમાં કોઈ ફેરફાર થયો નથી. આજના ટ્રેડિંગ સેશનમાં 276 શેરમાં ઉપલી સર્કિટ હતી જ્યારે 208 શેર નીચલી સર્કિટ સાથે બંધ થયા હતા. શેરબજારની માર્કેટ મૂડી ઘટીને રૂ. 281.18 લાખ કરોડ થઈ ગઈ છે.
દિવસની થઈ હતી ફ્લેટ શરૂઆત
આજે શેરબજાર ફરી ઘટાડા સાથે ખુલ્યું હતું છે. બેન્ક નિફ્ટીમાં અડધા ટકાનું દબાણ જોવા મળ્યું હતું અને પ્રિ-ઓપનમાં માર્કેટમાં ઘટાડો ઓપનિંગમાં પણ ચાલુ રહ્યો હતો. બેન્ક શેરોમાં નબળાઈએ બજારને નીચે ખેંચ્યું હતું. અમેરિકી બજારોમાં જોવા મળેલા 1 ટકાના ઘટાડાથી વૈશ્વિક બજારો લપસી ગયા છે અને ભારતીય બજારો પણ નીચે આવ્યા છે.
ગત બે દિવસમાં આવ્યો હતો 878 પોઇન્ટનો ઉછાળો
ભારતીય શેરબજારમાં ગત બે દિવસમાં 878 પોઇન્ટનો ઉછાળો આવ્યો હતો. મંગળવારે સેન્સેક્સમાં 578.51 પોઇન્ટનો અને સોમવારે 300.14 પોઇન્ટનો વધારો થયો હતો.
આ પણ વાંચોઃ
Bank Holidays in October 2022: ઓક્ટોબરમાં તહેવારના મહિનામાં 11 દિવસ બેંક રહેશે બંધ, જરૂરી કામ પહેલા જ પતાવી લેવા
RBI: 40 મહિનામાં પ્રથમ વખત બેંકિંગ સિસ્ટમમાં રોકડની તંગી! આરબીઆઈએ આ પગલું ભરવું પડ્યું
ટોપ સ્ટોરી
ટ્રેન્ડિંગ સમાચાર
