Stock Market Closing: સતત 5માં કારોબારી દિવસે ઘટાડા સાથે બંધ રહ્યું શેરબજાર, જાણો આજની સ્થિતિ

Closing Bell: પાંચ દિવસમાં સેન્સેક્સ 1600 પોઇન્ટથી વધૂ તૂટ્યો છે

ફાઈલ તસવીર

Stock Market Closing, 23^rd February, 2023: ગુરુવારના કારોબારી દિવસે પણ ભારતીય શેરબજાર ઘટડા સાથે બંધ થયું છે. સતત પાંચમા કારોબારી દિવસે ભારતીય શેરબજાર ઘટાડા સાથે બંધ થયું છે. આ પાંચ દિવસમાં સેન્સેક્સ 1700 પોઇન્ટ તૂટ્યો છે, જેનાથી રોકાણકારોના 4 લાખ કરોડથી વધુ રૂપિયા ડૂબી ગયા છે.

આજે કેટલો થયો ઘટાડો

ગુરુવારે સેન્સેક્સ 139.18 પોઇન્ટના ઘટાડા સાથે 59,605.80 પોઇન્ટ, નિફ્ટી 36.68 પોઇન્ટના ઘટાડા સાથે 18,418.72 પોઇન્ટ પર બંધ રહ્યો. આજના ઘટાડા બાદ રોકાણકારોની સંપત્તિ 260.88 લાખ કરોડ થઈ છે. બુધવારે ભારતીય શેરબજારનો સૂચકાંક સેન્સેક્સ 927.78 પોઇન્ટના કડાકા સાથે 59,744.98 પર બંધ રહ્યો, જ્યારે નિફ્ટી 289.58ના ઘટાડા સાથે 18,455 પર બંધ રહી. મંગળવારે સેન્સેક્સ 18.82 પોઇન્ટના ઘટાડા સાથે 60,672.75 પોઇન્ટ પર બંધ રહ્યો. નિફ્ટી 17.90 પોઇન્ટના ઘટાડા સાથે 17,826.70 પર બંધ રહી હતી. સોમવારે સેન્સેક્સ 311.03 પોઇન્ટના ઘટાડા સાથે 60,691.54પોઇન્ટ પર, નિફ્ટી 103.22 પોઇન્ટના ઘટાડા સાથે 18760.90 પોઇન્ટ પર બંધ રહ્યા હતા. ગત સપ્તાહે શુક્રવારે પણ સેન્સેક્સ 300થી વધુ પોઇન્ટના ઘટાડા સાથે બંધ રહ્યું હતું. છેલ્લા પાંચ દિવસમાં સેન્સેક્સમાં આશરે 1600 પોઇન્ટનો ઘટાડો થયો છે.

શેરબજારમાં કેમ થઈ રહ્યો છે ઘટાડો

ભારતીય શેરબજારમાં ઘટાડાનો દોર અટકવાનું નામ નથી લઈ રહ્યો. અદાણી ગ્રૂપના હિંડનબર્ગ રિસર્ચ રિપોર્ટ આવ્યા બાદ બજારના બગડતા મૂડને કારણે બજારમાં સતત પ્રોફિટ-બુકિંગ જોવા મળી રહ્યું છે, જેમાં આ સપ્તાહે ચોથા સત્રમાં બજાર ઘટાડા સાથે બંધ થયું છે.

સેક્ટર અપડેટ

આજના ટ્રેડિંગ સેશનમાં બેન્કિંગ, એફએમસીજી, મેટલ્સ જેવા સેક્ટરના શેરમાં ઉછાળો જોવા મળ્યો હતો. જ્યારે ઓટો, આઈટી, ફાર્મા, રિયલ એસ્ટેટ, મીડિયા, એનર્જી, ઈન્ફ્રા, કન્ઝ્યુમર ડ્યુરેબલ્સ, ઓઈલ અને ગેસ સેક્ટરના શેરમાં ઘટાડો થઈ રહ્યો છે. મિડ-કેપ અને સ્મોલ-કેપ શેરોમાં પ્રોફિટ-બુકિંગને કારણે નિફ્ટી બંને સૂચકાંકો નુકસાન સાથે બંધ થયા હતા. નિફ્ટીના 50 શેરોમાંથી 21 શેર ઉછાળા સાથે બંધ થયા જ્યારે 29 શેર નુકસાન સાથે બંધ થયા. તો સેન્સેક્સના 30 શેરોમાંથી 13 શેર લીલા નિશાનમાં અને 17 લાલ નિશાનમાં બંધ થયા હતા.

વધેલા-ઘટેલા શેર્સ

આજના સેશનમાં ટાટા સ્ટીલ 0.67 ટકા, સન ફાર્મા 0.52 ટકા, મારુતિ સુઝુકી 0.42 ટકા, TCS 0.40 ટકા, HCL ટેક 0.38 ટકા, કોટક મહિન્દ્રા 0.38 ટકા, ટેક મહિન્દ્રા 0.24 ટકા, ICICI બેન્ક 0.21 ટકા વધીને બંધ થયા. જ્યારે એશિયન પેઇન્ટ્સ 3.20 ટકા, લાર્સન 1.40 ટકા, ટાઇટન 1.34 ટકા, ઇન્ડ, ઇન્ડ બેન્ક 1.30 ટકા, બજાજ ફિનસર્વ 1.01 ટકા, ભારતી એરટેલ 0.98 ટકાના ઘટાડા સાથે બંધ થયા હતા.

રોકાણકારોને નુકસાન

આજના ટ્રેડિંગ સેશનમાં રોકાણકારોને પણ નુકસાન થયું છે. BSE પર લિસ્ટેડ કંપનીઓનું માર્કેટ કેપ બુધવારે રૂ. 261.34 લાખ કરોડની સરખામણીએ ઘટીને રૂ. 260.88 લાખ કરોડ થયું છે. એટલે કે આજના સત્રમાં રોકાણકારોને કુલ રૂ.46,000 કરોડનું નુકસાન થયું છે.

આજે સવારે કેવી થઈ હતી શરૂઆત

આજે બીએસઈનો સેન્સેક્સ ગઈકાલના 59744.98ની સામે 32.66 પોઈન્ટ વધીને 59777.64 પર ખુલ્યો હતો જ્યારે નિફ્ટી ગઈકાલના 17554.3ની સામે 20.35 પોઈન્ટ વધીને 17574.65 પર ખુલ્યો હતો. બેંક નિફ્ટીની વાત કરીએ તો તે ગઈકાલના 39995.9ની સામે 12.20 પોઈન્ટ ઘટીને 39983.7 પર ખુલ્યો હતો.

BSE Sensex	59,615.82	59,960.04	59,406.31	-0.22%
BSE SmallCap	27,632.31	27,716.17	27,417.92	0.08%
India VIX	15.08	16.01	14.52	-3.29%
NIFTY Midcap 100	30,165.65	30,257.60	29,883.50	-0.15%
NIFTY Smallcap 100	9,237.65	9,276.80	9,158.35	-0.08%
NIfty smallcap 50	4,186.45	4,194.30	4,137.90	0.40%
Nifty 100	17,286.30	17,386.30	17,224.20	-0.28%
Nifty 200	9,058.70	9,106.00	9,019.40	-0.26%
Nifty 50	17,511.25	17,620.05	17,455.40	-0.25%