Stock Market Closing: સંવત 2079ના પ્રથમ ટ્રેડિંગ સત્રમાં જોવા મળ્યું profit booking, ઘટાડા સાથે બંધ થયું બજાર

Closing Bell: સેન્સેક્સ 287 પોઈન્ટ ઘટીને 59,543 પર અને નેશનલ સ્ટોક એક્સચેન્જનો નિફ્ટી 74 પોઈન્ટ ઘટીને 17,656 પોઈન્ટ પર બંધ થયો હતો.

ફાઈલ તસવીર

Stock Market Closing On 25th October 2022: ભારતીય શેરબજાર અને તેના રોકાણકારો માટે સંવત 2079નું પ્રથમ ટ્રેડિંગ સત્ર નિરાશાજનક રહ્યું છે. શેરબજારમાં પ્રોફિટ-બુકિંગને કારણે બંને મુખ્ય સૂચકાંકો ઘટાડા સાથે બંધ થયા હતા. મુંબઈ સ્ટોક એક્સચેન્જનો ઈન્ડેક્સ સેન્સેક્સ 287 પોઈન્ટ ઘટીને 59,543 પર અને નેશનલ સ્ટોક એક્સચેન્જનો નિફ્ટી 74 પોઈન્ટ ઘટીને 17,656 પોઈન્ટ પર બંધ થયો હતો. બુધવારે શેરબજારમાં રજા છે અને તેના કારણે કારોબાર થશે નહીં.

સેક્ટરની સ્થિતિ

આજના ટ્રેડિંગ સેશનમાં આઈટી, ઓટો, પબ્લિક સેક્ટર બેન્ક્સ, ફાર્મા, મેટલ્સ, ઓઈલ એન્ડ ગેસ જેવા સેક્ટરના શેરો વધ્યા હતા, જ્યારે બેન્કિંગ, કન્ઝ્યુમર ડ્યુરેબલ્સ, એનર્જી, મીડિયા જેવા સેક્ટરના શેરમાં ઘટાડો નોંધાયો હતો. સ્મોલ કેપ શેરોમાં ઘટાડો જોવા મળ્યો હતો, જ્યારે મિડકેપ શેરોમાં ઉછાળો જોવા મળ્યો હતો. નિફ્ટીના 50 શેરોમાંથી 21 શેર લીલા નિશાનમાં બંધ થયા છે, જ્યારે 29 શેર ઘટાડા સાથે બંધ થયા છે. સેન્સેક્સના 30 શેરોમાંથી 10 શેર ઉછાળા સાથે બંધ થયા છે, જ્યારે 20 શેર ઘટ્યા છે.

આજે આ શેરના વધ્યા ભાવ

આજના ટ્રેડિંગના અંતે જે શેરો વધ્યા તેના પર નજર કરીએ તો ટેક મહિન્દ્રા 3.39 ટકા, મારુતિ સુઝુકી 2.78 ટકા, લાર્સન 1.98 ટકા, ડૉ. રેડ્ડી 1.52 ટકા, એસબીઆઈ 1.37 ટકા, એનટીપીસી 1.14 ટકા, મહિન્દ્રા 0.81 ટકા, ઇન્ફોએસએસ 5.7 ટકા. ટકા, અલ્ટ્રાટેક સિમેન્ટ 0.42 ટકાના વધારા સાથે બંધ રહ્યા.

આજે આ શેરના ઘટ્યા ભાવ

ઘટેલા શેરો પર નજર કરીએ તો નેસ્લે 2.83 ટકા, એચયુએલ 2.71 ટકા, બજાજ ફિનસર્વ 2.55 ટકા, કોટક મહિન્દ્રા 2.52 ટકા, એચડીએફસી 1.59 ટકા, રિલાયન્સ 1.53 ટકા, બજાજ ફાઇનાન્સ 1.44 ટકા, એશિયન પેઇન્ટ્સ 1.18 ટકા, બેન્કમાં 1.18 ટકા ઘટીને બંધ થયા છે. 

કેટલું રહ્યું માર્કેટ કેપ

આજના ટ્રેડિંગ સેશનમાં BSE પર લિસ્ટેડ કંપનીઓનું માર્કેટ કેપ રૂ. 275.62 લાખ કરોડ રહ્યું છે.

લિસ્ટિંગ થયા પછી પ્રથમ વખત IPO કિંમતથી નીચે આવ્યો Nykaa સ્ટોકનો ભાવ

બ્યુટી અને વેલનેસ કંપની નાયકાના IPOમાં રોકાણ કરનારા રોકાણકારોને જબરદસ્ત આંચકો લાગ્યો છે. Nykaa નો સ્ટોક સ્ટોક એક્સચેન્જમાં લિસ્ટિંગ થયા પછી પ્રથમ વખત IPO પ્રાઇસ લેવલથી નીચે સરકી ગયો છે. Nykaa ના સ્ટોક માટે ખરાબ સમાચાર આવ્યા હતા, જેણે સંવત 2078 માં સ્ટોક એક્સચેન્જમાં તેના બમ્પર લિસ્ટિંગ સાથે તહેલકો મચાવનાર Nykaa ના સ્ટોક માટે સંવત 2079 ની શરૂઆત સાથે ખબાર સમાચાર સામે આવ્યા છે. મંગળવારના ટ્રેડિંગ સેશનમાં, Nykaa નો સ્ટોક તેની IPO કિંમત રૂ. 1125 થી નીચે ગયો હતો. રૂ. 1117ના સ્તરે પહોંચી ગયો છે.