Stock Market Closing: બેન્કિંગ FMCG શેરોમાં ખરીદીને કારણે ભારતીય શેરબજાર મજબૂત તેજી સાથે બંધ થયું

સપ્તાહનો પ્રથમ ટ્રેડિંગ દિવસ ભારતીય શેરબજાર માટે શાનદાર રહ્યો છે. ગત સપ્તાહના છેલ્લા બે દિવસમાં વળાંક જોયા બાદ આ સપ્તાહના પ્રથમ ટ્રેડિંગ સેશનમાં રોકાણકારોની ખરીદીના કારણે બજારમાં જોરદાર તેજી જોવા મળી છે.

પ્રતિકાત્મક તસવીર

Stock Market Closing On 19th December: સપ્તાહનો પ્રથમ ટ્રેડિંગ દિવસ ભારતીય શેરબજાર માટે શાનદાર રહ્યો છે. ગત સપ્તાહના છેલ્લા બે દિવસમાં વળાંક જોયા બાદ આ સપ્તાહના પ્રથમ ટ્રેડિંગ સેશનમાં રોકાણકારોની ખરીદીના કારણે બજારમાં જોરદાર તેજી જોવા મળી છે. અને આજે ટ્રેડિંગના અંતે BSE સેન્સેક્સ 468 પોઈન્ટ એટલે કે 0.76 ટકાના વધારા સાથે 61,835 પર બંધ થયો હતો, જ્યારે NSE નિફ્ટી 151 પોઈન્ટ એટલે કે 0.83 ટકાના વધારા સાથે 18,420 પોઈન્ટ પર બંધ થયો હતો.

ઇન્ડેક્સનું નામ	બંધ સ્તર	હાઈ	લો	કેટલા ટકા ફેરફાર
BSE Sensex	61,806.19	61,844.92	61,265.31	0.0076
BSE SmallCap	29,602.03	29,656.71	29,482.65	0.0029
India VIX	13.55	14.49	13.5	-3.68%
NIFTY Midcap 100	32,186.85	32,207.95	31,843.25	0.0055
NIFTY Smallcap 100	10,064.00	10,097.10	10,009.75	0.0046
NIfty smallcap 50	4,475.15	4,498.40	4,455.40	0.0036
Nifty 100	18,604.50	18,616.45	18,419.45	0.0086
Nifty 200	9,738.45	9,744.30	9,641.85	0.0082
Nifty 50	18,420.45	18,431.65	18,244.55	0.0083

મિડકેપ અને સ્મોલકેપ ઈન્ડેક્સ પણ તેજી સાથે બંધ

બજારમાં આજે આઈટી અને સરકારી બેંકોને બાદ કરતા તમામ સેક્ટરના શેરમાં ઉછાળો જોવા મળ્યો હતો. બેન્ક નિફ્ટી 0.45 ટકા, નિફ્ટી ઓટો 1.59 ટકા, નિફ્ટી ફાર્મા 0.08 ટકા, નિફ્ટી એફએમસીજી 1.46 ટકાના વધારા સાથે બંધ થયા છે. આ સિવાય ઓઈલ એન્ડ ગેસ, ઈન્ફ્રા, મેટલ્સ, એનર્જી, મીડિયા અને રિયલ એસ્ટેટ સેક્ટરના શેરમાં પણ તેજી જોવા મળી હતી. મિડકેપ અને સ્મોલકેપ ઈન્ડેક્સ પણ તેજી સાથે બંધ થયા છે.

શેરમાં મુવમેન્ટ

શેરની મુવમેન્ટ પર નજર કરીએ તો સૌથી વધુ ફાયદો મહિન્દ્રા એન્ડ મહિન્દ્રામાં જોવા મળ્યો છે. M&M 2.97 ટકા, પાવર ગ્રીડ 2.65 ટકા, ભારતી એરટેલ 2.31 ટકાના વધારા સાથે બંધ રહ્યો હતો.

 

Sensex jumps 468.38 pts to end at 61,806.19; Nifty advances 151.45 points to 18,420.45

— Press Trust of India (@PTI_News) December 19, 2022

માર્કેટ કેપમાં ઉછાળો

શેરબજારમાં આવેલી તેજીના કારણે રોકાણકારોની સંપત્તિમાં જબરદસ્ત ઉછાળો આવ્યો છે. BSE પર લિસ્ટેડ કંપનીઓનું માર્કેટ કેપ રૂ. 287.89 લાખ કરોડ છે, જે અગાઉના બંધમાં રૂ. 285.66 લાખ કરોડ હતું. એટલે કે રોકાણકારોની સંપત્તિમાં રૂ. 2.23 લાખ કરોડનો ઉછાળો આવ્યો છે.