Stock Market Crash: શેરબજારમાં હાહાકાર, સેન્સેક્સમાં 970 પોઇન્ટનો ઘટાડો, જાણો નિફ્ટીમાં કેટલો થયો ઘટાડો?

બોમ્બે સ્ટોક એક્સચેન્જના 30 શેરોવાળા સેન્સેક્સમાં 900 પોઈન્ટથી વધુનો ઘટાડો નોંધાયો હતો

પ્રતિકાત્મક તસવીર

ગયા અઠવાડિયે શેરબજારમાં (Stock Market)  જોરદાર ઉછાળો જોવા મળ્યો હતો અને સેન્સેક્સ-નિફ્ટી (Sensex-Nifty) એ લગભગ દરરોજ નવો રેકોર્ડ બનાવ્યો હતો, પરંતુ આ સપ્તાહના પહેલા દિવસે સોમવારે અચાનક જ બજારની ગતિમાં બ્રેક લાગી ગઈ હતી અને બંને ઈન્ડેક્સ ગબડ્યા હતા. બોમ્બે સ્ટોક એક્સચેન્જના 30 શેરોવાળા સેન્સેક્સમાં 900 પોઈન્ટથી વધુનો ઘટાડો નોંધાયો હતો તો બીજી તરફ નેશનલ સ્ટોક એક્સચેન્જના નિફ્ટીમાં પણ 140 પોઈન્ટનો ઘટાડો નોંધાયો હતો.

સેન્સેક્સ અને નિફ્ટી ખુલતાની સાથે જ તૂટ્યા હતા

સોમવારે સપ્તાહના પ્રથમ ટ્રેડિંગ દિવસે શેરબજારના બંન્ને ઇન્ડેક્સ સેન્સેક્સ અને નિફ્ટી ખુલતાની સાથે જ તૂટ્યા હતા. સેન્સેક્સે તેના પાછલા બંધ 85,571ની સરખામણીએ ઘટાડા સાથે 85,208ના સ્તરે ટ્રેડિંગ શરૂ કર્યું અને થોડીવારમાં તે 744.99 પોઈન્ટ ઘટીને 84,824.86ના સ્તરે આવી ગયો હતો. સેન્સેક્સની જેમ નિફ્ટી પણ ખરાબ રીતે ઘટીને 26,061 પર ખુલ્યો જે તેના અગાઉના 26,178.95ના બંધ સ્તરથી ઘટીને 211.75 પોઈન્ટ ઘટીને 25,967.20ના સ્તરે પહોંચ્યો હતો.

આ ઘટાડો બપોરે 12.20 કલાકે વધ્યો હતો. આ સમયગાળા દરમિયાન જ્યારે સેન્સેક્સ 972.22 પોઈન્ટ અથવા 1.14 ટકાના જંગી ઘટાડા સાથે 84,599.63 ના સ્તરે ટ્રેડ કરી રહ્યો હતો ત્યારે નિફ્ટી 276.70 પોઈન્ટ્સ અથવા 1.06 ટકાના ઘટાડા સાથે 25,902.25 પોઈન્ટ પર ટ્રેડ કરી રહ્યો હતો.

બીએસઈના 30માંથી 23 શેર ઘટ્યા હતા

શેરબજારમાં શરૂઆતના ટ્રેડિંગ દરમિયાન BSE પર લિસ્ટેડ ટોપ-30 લાર્જ-કેપ કંપનીઓમાંથી 23 કંપનીઓના શેર લાલ નિશાન પર ટ્રેડ થઈ રહ્યા હતા. ICICI બેન્કનો શેર સૌથી વધુ ઘટ્યો હતો અને તે 1.80 ટકાના ઘટાડા સાથે 1283 રૂપિયા પર પહોંચ્યો હતો. આ સિવાય એક્સિસ બેન્કનો શેર 1.63 ટકા ઘટીને 1251.40 રૂપિયા પર આવ્યો હતો. મુકેશ અંબાણીની કંપની રિલાયન્સનો શેર પણ 1.81 ટકા ઘટીને 2997 રૂપિયા પર ટ્રેડ થઈ રહ્યો હતો. જ્યારે ટાટા મોટર્સનો શેર 1.20 ટકા ઘટીને 980 રૂપિયા થયો હતો.

સ્મોલકેપ અને મિડકેપમાં પણ અરાજકતા

BSE મિડકેપ 146.85 પોઈન્ટ ઘટીને 49,343ના સ્તરે ટ્રેડ થઈ રહ્યો હતો. આ કેટેગરીમાં સૌથી વધુ ઘટેલા શેર વિશે વાત કરીએ તો ફોનિક્સ લિમિટેડનો શેર 5.93 ટકા ઘટીને 1773.05 રૂપિયા પર ટ્રેડ થઈ રહ્યો હતો. આ સિવાય ભારતી હેક્સાકોમનો શેર 3.46 ટકા ઘટીને  1449.95 રૂપિયા પર આવ્યો હતો. BHEL Share પણ ખરાબ રીતે ઘટ્યો અને 3.44 ટકા ઘટીને 277.75 રૂપિયા થયો જ્યારે મેક્સહેલ્થ સ્ટોક 2.48 ટકા ઘટીને 970.65 રૂપિયા પર ટ્રેડ કરી રહ્યો હતો.

બીજી તરફ જો આપણે સ્મોલકેપ કેટેગરીમાં જોઈએ તો KamoPaints શેરમાં સપ્તાહના પ્રથમ દિવસે સૌથી મોટો ઘટાડો જોવા મળ્યો હતો અને બજાર ખુલતાની સાથે જ તે 20 ટકા ઘટીને 37.32 રૂપિયા થઈ ગયો હતો. આ ઉપરાંત RELTD શેર પણ 4.99 ટકા ઘટીને 139.04 રૂપિયા પર ટ્રેડ થઈ રહ્યો હતો.