Stock Market Today: શેરબજારમાં ઘટાડા સાથે શરૂઆત, સેન્સેક્સ 58050 ની નીચે, નિફ્ટી 17300 ની ઉપર
જો આજના ટ્રેડિંગની શરૂઆત પર નજર કરીએ તો, BSE 30 શેરનો ઈન્ડેક્સ સેન્સેક્સ 66.48 પોઈન્ટ અથવા 0.11 ટકાના ઘટાડા સાથે 58,049 પર ખુલ્યો છે.
Stock Market Today: આજે ભારતીય શેરબજારને વૈશ્વિક બજારોમાંથી કોઈ ટેકો મળ્યો નથી અને એશિયન બજારો સહિત સ્થાનિક શેરબજાર પણ ડાઉન છે. હેંગસેંગ, નિક્કી, તાઇવાન, સ્ટ્રેટ્સ ટાઇમ્સ અને કોસ્પી તમામ એશિયન બજારોમાં ઘટાડા સાથે કારોબાર થઈ રહ્યો છે. યુએસ ડાઉ ફ્યુચર પણ સુસ્તી સાથે કારોબાર કરી રહ્યા છે.
કેવી રીતે ખુલ્યું બજાર
જો આજના ટ્રેડિંગની શરૂઆત પર નજર કરીએ તો, BSE 30 શેરનો ઈન્ડેક્સ સેન્સેક્સ 66.48 પોઈન્ટ અથવા 0.11 ટકાના ઘટાડા સાથે 58,049 પર ખુલ્યો છે. આ સિવાય NSEનો નિફ્ટી 29.90 પોઈન્ટ અથવા 0.17 ટકાના ઘટાડા સાથે 17,310.15 પર ખુલ્યો હતો. આ રીતે, તેણે ઓપનિંગમાં 17300 ના સ્તરને પકડી રાખ્યું છે.
શરૂઆતી કારોબારમાં સેન્સેક્સ 58 હજાર અને નિફ્ટી 17300 ની નીચે સરકી ગયો છે. રિલાયન્સ જેવા હેવીવેઇટ શેરો અને મેટલ શેરોમાં વેચવાલીથી બજાર દબાણ હેઠળ છે. સેન્સેક્સના મોટાભાગના શેરોમાં વેચવાલીનું વલણ છે. આજે અદાણી ગ્રીન, બેંક ઓફ ઈન્ડિયા, ગોદરેજ પ્રોપર્ટીઝ, ઈન્ડસ ટાવર, જેએમ ફાઈનાન્શિયલ, જુબિલન્ટ ફાર્મા, લેમન ટ્રી અને વોલ્ટાસ સહિત BSE પર લિસ્ટેડ ઘણી કંપનીઓના પરિણામો બહાર આવશે.
સેક્ટરલ ઇન્ડેક્સનું ચિત્ર કેવું છે
સેક્ટોરલ ઇન્ડેક્સની વાત કરીએ તો, માત્ર FMCG સેક્ટર જ વૃદ્ધિના લીલા નિશાનમાં દેખાઈ રહ્યું છે અને અન્ય તમામ સૂચકાંકો ઘટાડાના લાલ નિશાનમાં છે. 1.35 ટકાનો સૌથી મોટો ઘટાડો મેટલ શેરોમાં છે અને આઇટી શેરોમાં લગભગ 1 ટકાનો ઘટાડો છે. રિયલ્ટી શેર 0.63 ટકા ડાઉન છે અને ફાઇનાન્શિયલ સર્વિસ સેક્ટર 0.58 ટકાના ઘટાડા સાથે ટ્રેડ કરી રહ્યું છે.
આજના વધનારા સ્ટોક
જો આપણે આજના વધતા શેરો પર નજર કરીએ તો, આઈટીસી, બીપીસીએલ, એશિયન પેઈન્ટ્સ, ટાટા કન્ઝ્યુમર, બ્રિટાનિયા, એચયુએલ અને નેસ્લે ઈન્ડસ્ટ્રીઝ માર્કેટમાં ટોપ ગેનર્સમાં સામેલ છે.
આજે ઘટી રહેલા સ્ટોક
આજે નિફ્ટીના ઘટતા શેરોની વાત કરીએ તો, યુપીએલ, આઈશર મોટર્સ, હીરો મોટોકોર્પ, હિન્દાલ્કો અને ઓએનજીસીના શેરમાં નોંધપાત્ર ઘટાડો જોવા મળી રહ્યો છે. યુપીએલના શેર 3.66 ટકા અને આઇશર મોટર્સ 3.20 ટકા ઘટીને ટ્રેડ થઈ રહ્યા છે.
પ્રી-ઓપનિંગમાં શેરબજાર કેવું હતું
ઓપનિંગ પહેલા શેરબજારની મુવમેન્ટ પર નજર કરીએ તો NSE નો નિફ્ટી 30.70 પોઈન્ટના ઘટાડા સાથે 17309 ના સ્તર પર ટ્રેડ કરી રહ્યો હતો. તે જ સમયે, BSE સેન્સેક્સ 60.91 અંકોની નબળાઈ સાથે 58054 પર યથાવત છે.
ટ્રેન્ડિંગ સમાચાર
ટોપ સ્ટોરી
