ઇ-વૉલેટ્સ મારફતે ઉપયોગ કરી શકાશે પીએફ ક્લેમના રૂપિયા, જાણો ક્યારથી મળશે સુવિધા?

PF Claims E Wallets: ભારતમાં જેટલા પણ લોકો નોકરી કરે છે એ તમામના પીએફ એકાઉન્ટ છે.

પ્રતિકાત્મક તસવીર

Source : EPFO ​​and ESIC News

PF Claims E-Wallets: ભારતમાં જેટલા પણ લોકો નોકરી કરે છે એ તમામના પીએફ એકાઉન્ટ છે. કર્મચારીઓના પગારના 12 ટકા પીએફ ખાતામાં જમા થાય છે. તો એટલી જ રકમ એટલે કે 12 ટકા પણ કંપની એટલે કે એમ્પ્લોયર દ્વારા જમા કરવામાં આવે છે. તમને તમારા પીએફ ખાતામાં જમા રકમ પર વ્યાજ પણ આપવામાં આવે છે. અને જ્યારે પણ જરૂર પડે ત્યારે તમે તમારા પીએફ ખાતામાં રહેલી રકમ પણ ઉપાડી શકો છો.

EPFOની વેબસાઈટ પર જઈને PF ખાતામાંથી પૈસા ઉપાડવા માટે ક્લેમ કરી શકાય છે. 7 થી 10 દિવસમાં ક્લેમ તમારા લિંક એકાઉન્ટમાં જમા થઈ જશે. જોકે હવે EPFO ​​એટીએમ કાર્ડ દ્વારા પણ પીએફની રકમ ઉપાડવાની સુવિધા શરૂ કરવા જઈ રહ્યું છે. તો હવે બીજું અપડેટ આવ્યું છે જેમાં એવું કહેવામાં આવી રહ્યું છે કે પીએફ એકાઉન્ટમાંથી ક્લેમની રકમ હવે ઈ-વોલેટ દ્વારા પણ વાપરી શકાશે.

તમે ઈ-વોલેટ દ્વારા ક્લેમના નાણાનો ઉપયોગ કરી શકશો

હાલમાં જો કોઈ પીએફ ખાતાધારક તેના પીએફ ખાતામાંથી પૈસા ઉપાડવા માંગે છે તો તેણે તેનો ઓનલાઈન ક્લેમ કરવો પડશે. આ પછી 7 થી 10 દિવસમાં ક્લેમ સેટલ થાય છે. જે પછી પૈસા લિંક્ડ બેન્ક ખાતામાં પહોંચે છે, પરંતુ હવે પીએફ ખાતાધારકોને EPFO ​​તરફથી ઘણી સુવિધાઓ મળી શકે છે. કારણ કે હવે ક્લેમની પ્રક્રિયામાં ફેરફાર કરી શકાશે.

કર્મચારી ભવિષ્ય નિધિ સંગઠન એટલે કે EPFO ​​અને કર્મચારી રાજ્ય વીમા નિગમ એટલે કે ESIC ના સભ્યો હવે ક્લેમની રકમનો ઉપયોગ કરવા માટે ઈ-વોલેટનો ઉપયોગ કરી શકશે. ભારત સરકારના શ્રમ અને રોજગાર મંત્રાલયના સચિવ સુમિતા ડાવરાએ ગઈકાલે એટલે કે 18મી ડિસેમ્બરના રોજ આ માહિતી આપી હતી.

ATM મારફતે રૂપિયા ઉપાડી શકશે

આ અંગે વધુ વાત કરતા તેમણે કહ્યું કે હાલમાં પીએફ ક્લેમ બાદ ઓટો સેટલમેન્ટની રકમ પીએફ એકાઉન્ટમાંથી લિંક્ડ બેન્ક એકાઉન્ટમાં જાય છે. જેનો ઉપયોગ લોકો ATM કે બેન્કમાં ગયા પછી કરે છે. તો તેની સાથે આવતા વર્ષથી પીએફ ક્લેમની રકમ સીધી એટીએમમાંથી ઉપાડી લેવામાં આવશે. અને આ સાથે તેમણે કહ્યું કે હવે પીએફ ક્લેમની રકમ પણ ઈ-વોલેટ પર મોકલી શકાશે. આ માટે બેન્કર્સ સાથે વાતચીત શરૂ થઈ ગઈ છે. ટૂંક સમયમાં યોજના પણ બનાવવામાં આવશે.