લોકોને મળી શકે છે RBIની દિવાળી ભેટ, સસ્તી થઇ શકે છે ઘર-કારની લોન
RBI Repo Rate:આરબીઆઇથી આગામી મહિનાથી એટલે કે જૂનથી દિવાળી સુધી 0.50 ટકાના દર ઘટાડા પર વિચાર કરી રહી છે.
RBI Repo Rate Cut: આ સમાચાર સામાન્ય લોકો માટે ખૂબ જ રાહતદાયક હોઈ શકે છે. આર્થિક મોરચે તેને વેગ આપવા માટે નાણાકીય નીતિઓને હળવી કરી રહેલી આરબીઆઇથી આગામી મહિનાથી એટલે કે જૂનથી દિવાળી સુધી 0.50 ટકાના દર ઘટાડા પર વિચાર કરી રહી છે. અહેવાલો અનુસાર, RBI આગામી મહિને 4 થી 6 જૂન દરમિયાન સમીક્ષા બેઠકનું આયોજન કરી રહી છે. આમાં નાણાકીય નીતિ સમિતિ તરફથી મહત્વપૂર્ણ નિર્ણય લઈને લોકોને સારા સમાચાર આપી શકાય છે.
જો અહેવાલો પર વિશ્વાસ કરવામાં આવે તો RBI સમિતિની બેઠક પહેલા જ 0.25 ટકાના ઘટાડા પર સર્વસંમતિ થઈ ગઈ છે. ઓગસ્ટના પહેલા અઠવાડિયામાં અથવા સપ્ટેમ્બરના છેલ્લા અઠવાડિયામાં યોજાનારી બેઠકમાં RBI દ્વારા રેપો રેટમાં બીજો ઘટાડો શક્ય છે. દિવાળી પણ 20 ઓક્ટોબરે છે. આવી સ્થિતિમાં RBI ની દિવાળી ભેટ જનતાને છૂટના રૂપમાં મળી શકે છે
તમને દિવાળીની ભેટ મળી શકે છે
RBI એ ફેબ્રુઆરી મહિનામાં રેપો રેટમાં 25 બેસિસ પોઈન્ટનો ઘટાડો કર્યો હતો, જ્યારે એપ્રિલ મહિનામાં યોજાયેલી બેઠક બાદ લોકોને ફરીથી રેપો રેટમાં 25 બેસિસ પોઈન્ટનો ઘટાડો કરીને મોટી રાહત આપવામાં આવી હતી. SBI એ તેના અહેવાલમાં અગાઉ પણ કહ્યું હતું કે નાણાકીય વર્ષ 2025-26 દરમિયાન RBI દ્વારા 125 બેસિસ પોઈન્ટ સુધીનો મોટો ઘટાડો કરવામાં આવી શકે છે.
આ મહિનાના પહેલા અઠવાડિયામાં SBIના અહેવાલમાં કહેવામાં આવ્યું છે કે જૂન અને ઓગસ્ટ મહિનામાં યોજાનારી બેઠકોમાં લગભગ 75 બેસિસ પોઈન્ટનો ઘટાડો થઈ શકે છે, જ્યારે નાણાકીય વર્ષ 2026ના બીજા ભાગમાં 50 બેસિસ પોઈન્ટનો ઘટાડો પણ શક્ય છે.
રેપો રેટ શું છે?
RBI દર બે મહિને એક બેઠક યોજે છે, જેમાં નીતિગત બાબતોની સમીક્ષા કરવામાં આવે છે. RBI નાણાકીય નીતિ સમિતિના છ સભ્યોમાંથી ત્રણ RBIના છે જ્યારે બાકીના કેન્દ્ર સરકાર દ્વારા નિયુક્ત કરવામાં આવે છે. નાણાકીય વર્ષ દરમિયાન છ બેઠકો હોય છે. આમાં બજારની પરિસ્થિતિને ધ્યાનમાં રાખીને રેપો રેટ નક્કી કરવામાં આવે છે જેથી ફુગાવો અને અર્થતંત્ર નિયંત્રણમાં રહે.
રેપો રેટ એ દર છે જેના પર RBI બેન્કોને લોન આપે છે. જો વ્યાજ દરમાં ઘટાડો થાય છે તો તેની સીધી અસર સામાન્ય લોકો પર પડશે, કારણ કે તે પછી બેન્કો દ્વારા આપવામાં આવતી બેન્ક લોન સસ્તી થઈ જાય છે. આ સાથે લોકોની લોન પર EMI પણ સસ્તી થાય છે. ઘર અને કાર લોન પણ સસ્તી થાય છે.
Before You Go
Mumbai | મુંબઈની ઈમારતમાં આગ લાગતા એકનું મોત, 10થી વધુ લોકોનું કરાયું રેસ્ક્યૂ
ટોપ સ્ટોરી
ટ્રેન્ડિંગ સમાચાર
