Twitter New CEO: આ મહિલા બન્યા ટ્વિટરના નવા CEO, એલન મસ્કે કરી જાહેરાત

ટ્વિટરના માલિક મસ્કે શુક્રવારે (12 મે) ના રોજ ટ્વિટ કર્યું હું ટ્વિટરના નવા સીઈઓ તરીકે લિંડા યાકારિનો (Linda Yaccarino)નું સ્વાગત કરવા માટે ઉત્સુક છું.

( Image Source : Twitter/@lindayacc )

Twitter New CEO Linda Yaccarino: અબજોપતિ એલન મસ્કે ટ્વિટરના નવા CEOના નામની જાહેરાત કરી છે. ટ્વિટરના માલિક મસ્કે શુક્રવારે (12 મે) ના રોજ ટ્વિટ કર્યું હું ટ્વિટરના નવા સીઈઓ તરીકે લિંડા યાકારિનો (Linda Yaccarino)નું સ્વાગત કરવા માટે ઉત્સુક છું. લિંડા મુખ્યત્વે બિઝનેસ સંચાલન પર ધ્યાન કેન્દ્રિત કરશે, જ્યારે હું પ્રોડક્ટ ડિઝાઇન અને નવી ટેકનોલોજી પર ધ્યાન કેન્દ્રિત કરીશ. પ્લેટફોર્મને તમામ બાબતોની એપ્લિકેશન 'એક્સ'માં પરિવર્તિત કરવા માટે લિંડા સાથે કામ કરવા માટે ઉત્સુક છું . 

I am excited to welcome Linda Yaccarino as the new CEO of Twitter!@LindaYacc will focus primarily on business operations, while I focus on product design & new technology.

Looking forward to working with Linda to transform this platform into X, the everything app. https://t.co/TiSJtTWuky

— Elon Musk (@elonmusk) May 12, 2023

મસ્કે બતાવ્યો  પોતાનો રોલ 

આ પહેલા મસ્કે અન્ય એક ટ્વિટમાં જાહેરાત કરી હતી કે તેણે એક્સ/Twitter માટે નવા CEOની નિમણૂક કરી છે. તેમણે કહ્યું કે નવા CEO 6 અઠવાડિયામાં કામ શરૂ કરશે. મસ્કના જણાવ્યા અનુસાર, તેમની ભૂમિકા કાર્યકારી અધ્ય્ક્ષ અને સીટીઓ તરીકેની રહેશે,  પ્રોડક્ટની દેખરેખ કરનારા, સોફ્ટવેર અને સિસ્ટમ ઓપરેટર્સના રુપમાં હશે. 

લિંડા યાકારિનો કોણ છે ?

લિંડા યાકારિનોનું નામ પહેલાથી જ ટ્વિટરના CEOની રેસમાં ચાલી રહ્યું હતું. તેના  LinkedIn પ્રોફાઇલ મુજબ, યાકારિનો 2011 થી એનબીસી યુનિવર્સલ સાથે કામ કરી રહી છે. તેની હાલમાં ભૂમિકા ગ્લોબલ એડવર્ટાઈઝિંગ અને પાર્ટનરશિપ્સમાં  ચેરપર્સનની છે.  આ પહેલા તેણે કંપનીના કેબલ એન્ટરટેઈનમેન્ટ અને ડિજિટલ એડવર્ટાઈઝિંગ સેલ્સ ડિવિઝન માટે કામ કર્યું હતું.

યાકારિનોએ ટર્નર કંપનીમાં 19 વર્ષ સુધી કામ પણ કર્યું. તેમણે 1981 થી 1985 દરમિયાન પેન સ્ટેટ યુનિવર્સિટીમાં અભ્યાસ કર્યો. તેમણે લિબરલ આર્ટસ અને ટેલિકોમ્યુનિકેશન વિષયોમાં અભ્યાસ કર્યો છે.