ભાગેડુ વિજય માલ્યાની PM મોદીને આજીજી, રૂપિયા આપવા માટે કહી આ મોટી વાત, જાણો વિગત

નવી દિલ્હીઃ દેશની બેંકોને 9000 કરોડ રૂપિયાનું ફૂલેકું ફેરવીને વિદેશ ભાગી ગયેલા શરાબ કારોબારીએ ગુરુવારે ટ્વિટ્સ કરીને પીએમ મોદીને ઘેરવાની કોશિશ કરી હતી.  પીએમ મોદીએ બુધવારે 16મી લોકસભામાં તેમના અંતિમ ભાષણમાં માલ્યાનું નામ લીધા વગર બેંકોના 9000 કરોડ રૂપિયા લઈને ભાગી જનારા એક વ્યક્તિની ચર્ચા કરી હતી. જેના જવાબમાં માલ્યાએ કહ્યું કે, હું રૂપિયા પરત કરવા તૈયાર છું પરંતુ પીએમ મોદી બેંકોને તે લેવાનું કેમ નથી કહેતા ?

Following on from my earlier tweet, I respectfully ask why the Prime Minister is not instructing his Banks to take the money I have put on the table so he can at least claim credit for full recovery of public funds lent to Kingfisher.

— Vijay Mallya (@TheVijayMallya) February 14, 2019

માલ્યાએ ટ્વિટમાં કહ્યું કે, હું સન્માન સાથે પૂછવા માંગુ છું કે વડાપ્રધાન તમે બેંકોને એવો આદેશ કેમ નથી આપતાં કે કિંગફિશરને મળનારું પબ્લિક ફંડ ચુકવવા માટે હું તૈયાર છું, તમે તે લઈ લો. માલ્યાએ અન્ય ટ્વિટમાં એમ લખ્યું કે, પીએમ મોદી સારા વક્તા છે અને મીડિયા જે પ્રકારની સ્ટોરી બતાવી રહ્યું છે તેના પરથી હું એમ માની લઉં છું કે તેઓ મારા વિશે જ વાત કરતા હતા.

The Prime Ministers last speech in Parliament was brought to my attention. He certainly is a very eloquent speaker. I noticed that he referred to an unnamed person who “ran away” with 9000 crores. Given the media narrative I can only infer that reference is to me.

— Vijay Mallya (@TheVijayMallya) February 14, 2019

માલ્યાએ તેનો બચાવ કરતાં અન્ય એક ટ્વિટમાં લખ્યું કે, મેં મારી સંપત્તિ છુપાવી હોવાના ઈડીના દાવા અંગે મીડિયામાં આવેલા સમાચારથી આશ્ચર્યચકિત છું. લોકોને ગેરમાર્ગે દોરવાની એક શરમજનક બાબત છે. જોકે, આ બહુ નવાઈની વાત નથી. જો કોઈ સંપત્તિ છુપાવી હોત તો હું કોર્ટ સમક્ષ આશરે 14,000 કરોડ રૂપિયાની સંપત્તિનો ખુલાસો કેમ કરી શકત ?

Am appalled to say the least at the media reports on the Enforcement Directorate claims that I hid my wealth ! If there was hidden wealth how could I put approximately 14,000 crores worth of assets openly in front of Court ? Shameful misleading of public opinion but unsurprising.

— Vijay Mallya (@TheVijayMallya) February 14, 2019

નવેમ્બર 2016માં મુંબઈની એક સ્પેશિયલ પીએમએલએ કોર્ટ શરાબ કારોબારી વિજય માલ્યાને ભાગેડુ જાહેર કર્યો હતો. તેની સાથે જ કોર્ટે માલ્યાની તમામ ઘરેલુ સંપત્તિ, શેર અને ડિબેન્ચર જપ્ત કરવાનો આદેશ આપ્યો હતો. તે વિવિધ બેંકોના આશરે 9000 કરોડ રૂપિયા લઈ ફરાર થઈ ગયો છે. તેના પર ટેક્સ ચોરી અને મની લોન્ડ્રિંગના અલગથી કેસ ચાલી રહ્યા છે.