શું 30 સપ્ટેમ્બર બાદ ATM માંથી 500 રુપિયાની નોટ નહીં નિકળે? સરકારે આપ્યો આ જવાબ
ઘણા મીડિયા રિપોર્ટ્સમાં એવો દાવો કરવામાં આવ્યો હતો કે ATM માંથી 500 રૂપિયાની નોટો નિકળવાનું બંધ થઈ જશે.
Government On 500 Rupees Notes: ઘણા મીડિયા રિપોર્ટ્સમાં એવો દાવો કરવામાં આવ્યો હતો કે ATM માંથી 500 રૂપિયાની નોટો નિકળવાનું બંધ થઈ જશે. નાણા મંત્રાલયે આ અંગે સ્પષ્ટતા આપી છે. સરકાર વતી સંસદમાં કહેવામાં આવ્યું હતું કે જનતાની વ્યવહાર જરૂરિયાતોને ધ્યાનમાં રાખીને, RBI ખાતરી કરશે કે તમામ મૂલ્યોની નોટોની સંખ્યા સંતુલિત રીતે ઉપલબ્ધ રહે.
RBI દ્વારા બેંકોને સૂચનાઓ
લોકો માટે નાના મૂલ્યની નોટોની સરળ પહોંચ સુનિશ્ચિત કરવા માટે RBI એ બધી બેંકો અને વ્હાઇટ લેબલ ATM ઓપરેટરોને સૂચના આપી છે કે: 30 સપ્ટેમ્બર 2025 સુધીમાં 100 અને 200 રૂપિયાની નોટોની સંખ્યા 75 ટકા સુધી પહોંચાડે અને 31 માર્ચ 2026 સુધીમાં તેમની સંખ્યા 90 ટકા સુધી વધારી દે.
શું 500 રૂપિયાની નોટો બંધ કરવામાં આવી રહી છે ?
સરકારનો ઉદ્દેશ્ય 500 રૂપિયાની નોટો બંધ કરવાનો નથી, પરંતુ ઓછી કિંમતની નોટોની ઉપલબ્ધતા વધારવાનો છે. સંસદમાં એક પ્રશ્નના જવાબમાં, સરકારે સ્પષ્ટતા કરી કે 500 રૂપિયાની નોટો અને ATM માંથી તેમના ઉપાડ અંગે ચિંતા કરવાનો કોઈ આધાર નથી.
આ પગલું શા માટે લેવામાં આવ્યું ?
5 ઓગસ્ટ, 2025 ના રોજ રાજ્યસભાના સત્ર દરમિયાન, ઉપલા ગૃહના સભ્યો વાય. વેંકટ સુબ્બા રેડ્ડી અને મિલિંદ દેવરાએ આ પ્રશ્ન ઉઠાવ્યો હતો. નોંધનીય છે કે આ પહેલા પણ આરબીઆઈએ બેંકોને એટીએમમાં ઓછી કિંમતની નોટોની ઉપલબ્ધતા સુનિશ્ચિત કરવા સૂચના આપી હતી, જેથી સામાન્ય લોકોને રોજિંદા વ્યવહારોમાં કોઈ મુશ્કેલી ન પડે. જ્યારે પણ લોકોને નાણાકીય બાબતોમાં સમસ્યા આવે છે, ત્યારે આરબીઆઈ દ્વારા સમયાંતરે બેંકોને સૂચનાઓ આપવામાં આવી છે. પરંતુ, ઘણી વખત ખોટા અહેવાલોને કારણે લોકોને શંકા જાય છે કે સરકાર ઉચ્ચ મૂલ્યની નોટો પર પ્રતિબંધ નથી લગાવી રહી.
સોશિયલ મીડિયામાં ફેક મેસેજ વાયરલ
ગયા રવિવારે, એક ફેક વોટ્સએપ મેસેજ વાયરલ થયો હતો જેમાં દાવો કરવામાં આવ્યો હતો કે RBI એ બેંકોને ATM માંથી 500 રૂપિયાની નોટો ઉપાડવાનું બંધ કરવાનો આદેશ આપ્યો છે. મેસેજમાં એવું પણ કહેવામાં આવ્યું હતું કે લોકોએ તેમની 500 રૂપિયાની નોટો ખર્ચ કરી દેવી જોઈએ કારણ કે તે ટૂંક સમયમાં બંધ થવાની છે. પ્રેસ ઇન્ફોર્મેશન બ્યુરો (PIB) ના ફેક્ટ ચેક યુનિટે આ વાયરલ મેસેજને ખોટો જાહેર કર્યો છે અને લોકોને અપીલ કરી છે કે તેઓ આવા કોઈપણ અફવાથી ભરેલા મેસેજ પર વિશ્વાસ ન કરે. 500 રૂપિયાની નોટ સંપૂર્ણપણે માન્ય છે અને પહેલાની જેમ માન્ય રહેશે.
ટોપ સ્ટોરી
ટ્રેન્ડિંગ સમાચાર
