Gratuity Rules: 1 વર્ષની નોકરી બાદ કંપની ગ્રેચ્યુઈટી આપવાની ના પાડે તો શું કરવું? જાણો ફરિયાદ કરવાની સ્ટેપ-બાય-સ્ટેપ પ્રક્રિયા

નવા શ્રમ કાયદાનો પાવર: હવે 5 વર્ષની રાહ જોવાની જરૂર નથી, જો કંપની હક મારે તો આ રીતે મોકલો લીગલ નોટિસ.

દેશમાં અમલમાં આવેલા નવા શ્રમ કાયદાઓએ કર્મચારીઓના હિતમાં ઐતિહાસિક ફેરફારો કર્યા છે. સૌથી મોટો બદલાવ ગ્રેચ્યુઈટીના નિયમોમાં આવ્યો છે.

અગાઉ ગ્રેચ્યુઈટી મેળવવા માટે કોઈ એક કંપનીમાં સતત 5 વર્ષ કામ કરવું ફરજિયાત હતું, પરંતુ હવે માત્ર 1 વર્ષની સેવા પૂર્ણ કરનાર કર્મચારી પણ આ આર્થિક લાભ માટે પાત્ર ગણાય છે. જોકે, ઘણી કંપનીઓ હજુ પણ જૂના નિયમોનું બહાનું કાઢીને અથવા અન્ય કારણોસર ગ્રેચ્યુઈટી ચૂકવવાનો ઈનકાર કરતી હોય છે. જો તમારી સાથે આવું થાય, તો ગભરાવાની જરૂર નથી. તમે કાયદાકીય રાહે તમારો હક કેવી રીતે મેળવી શકો છો, તેની સંપૂર્ણ પ્રક્રિયા અહીં સમજાવવામાં આવી છે.

જો તમે 1 વર્ષનો કાર્યકાળ પૂર્ણ કર્યો હોય અને કંપની ગ્રેચ્યુઈટી આપતી ન હોય, તો આક્રમક થવાને બદલે સૌ પ્રથમ શાંતિથી વાતચીતનો માર્ગ અપનાવો. તમારા HR મેનેજર અથવા રિપોર્ટિંગ હેડનો સંપર્ક કરો. ઘણીવાર માત્ર ગેરસમજ (Miscommunication) અથવા અપડેટના અભાવે પેમેન્ટ અટક્યું હોય છે. તમારી પાસે રહેલા જોઈનિંગ લેટર અને સર્વિસના પુરાવા સાથે રજૂઆત કરો અને જણાવો કે નવા નિયમો મુજબ તમે ગ્રેચ્યુઈટીના હકદાર છો. મોટાભાગના કિસ્સાઓમાં મામલો અહીં જ ઉકેલાઈ જાય છે.