ISRO's Chandrayaan 3 Live Updates: ચંદ્રયાન-3 સફળતાપૂર્વક લોન્ચ, અંતરિક્ષમાં ભારતની ઉડાન
દેશના ત્રીજા ચંદ્ર મિશન ચંદ્રયાન-3ના પ્રક્ષેપણ માટે કાઉન્ટડાઉન શરૂ થઈ ગયું છે. ચંદ્રયાન 3 આજે શ્રીહરિકોટા સ્થિત કેન્દ્રથી લોન્ચ કરવામાં આવશે.
Background
ISRO's Chandrayaan 3 Live Updates: દેશના ત્રીજા ચંદ્ર મિશન ચંદ્રયાન-3ના પ્રક્ષેપણ માટે કાઉન્ટડાઉન શરૂ થઈ ગયું છે. ચંદ્રયાન 3 શુક્રવાર (14 જુલાઈ) ના રોજ શ્રીહરિકોટા સ્થિત કેન્દ્રથી લોન્ચ કરવામાં આવશે. આ ચંદ્ર મિશન વર્ષ 2019ના ચંદ્રયાન 2નું ફોલો-અપ મિશન છે. ભારતના આ ત્રીજા ચંદ્ર મિશનમાં વૈજ્ઞાનિકોએ ચંદ્રની સપાટી પર લેન્ડરનું 'સોફ્ટ લેન્ડિંગ' કરવાનું લક્ષ્ય રાખ્યું છે. 'ચંદ્રયાન-2' મિશન દરમિયાન, અંતિમ ક્ષણોમાં, લેન્ડર 'વિક્રમ' પાથના વિચલનને કારણે 'સોફ્ટ લેન્ડિંગ' કરી શક્યું ન હતું.
ISROનો મહત્વકાંક્ષી ચંદ્રયાન પ્રોજેક્ટ શુક્રવારે એટલે કે આજે LVM3M4 રોકેટ સાથે અવકાશમાં જશે. આ રોકેટને પહેલા GSLVMK3 કહેવામાં આવતું હતું. અવકાશ વિજ્ઞાનીઓ ભારે સાધનો વહન કરવાની ક્ષમતાને કારણે તેને 'ફેટ બોય' પણ કહે છે. ઓગસ્ટના અંતમાં 'ચંદ્રયાન-3'નું 'સોફ્ટ લેન્ડિંગ' કરવાનું આયોજન કરવામાં આવ્યું છે.
જો આ મિશન સફળ થશે તો ભારત અમેરિકા, ચીન અને ભૂતપૂર્વ સોવિયત સંઘ જેવા દેશોની ક્લબમાં સામેલ થઈ જશે જેમણે આવી સિદ્ધિ હાંસલ કરી છે. ISRO એ ગુરુવારે (13 જુલાઈ) એક સોશિયલ મીડિયા પોસ્ટમાં જણાવ્યું હતું કે, 'LVM3M4-ચંદ્રયાન-3 મિશન: શુક્રવાર-14 જુલાઈ 14.35 કલાકે (2:35 PM) ઉડાન ભરશે.
સ્પેસ એજન્સીએ કહ્યું કે 'ચંદ્રયાન-3' પ્રોગ્રામ હેઠળ, ISRO ચંદ્રની સપાટી પર 'સોફ્ટ-લેન્ડિંગ' અને તેના ચંદ્ર મોડ્યુલની મદદથી ચંદ્રની ભૂપ્રદેશ પર રોવરનું પરિભ્રમણ દર્શાવીને નવી સીમાઓ પાર કરવા જઈ રહ્યું છે.
ચંદ્રયાન-3 મિશન જેમાં સ્વદેશી પ્રોપલ્શન મોડ્યુલ, લેન્ડર મોડ્યુલ અને રોવરનો સમાવેશ થાય છે તેનો હેતુ આંતર-ગ્રહીય મિશન માટે જરૂરી નવી ટેકનોલોજી વિકસાવવા અને તેનું પ્રદર્શન કરવાનો છે. શુક્રવારનું મિશન એ LVM3 ની ચોથી ઓપરેશનલ ફ્લાઇટ છે જેનો ઉદ્દેશ્ય ચંદ્રયાન-3ને જીઓસિંક્રોનસ ભ્રમણકક્ષામાં લોન્ચ કરવાનો છે.
આ પહેલા, મંગળવાર (11 જુલાઈ) ના રોજ, શ્રીહરિકોટા ખાતે સમગ્ર પ્રક્ષેપણની તૈયારી અને પ્રક્રિયાને જોવા માટે 'લોન્ચ ડ્રીલ' યોજવામાં આવી હતી, જે 24 કલાકથી વધુ સમય સુધી ચાલી હતી. બીજા દિવસે, વૈજ્ઞાનિકોએ મિશનની તૈયારીની સમીક્ષા પૂર્ણ કરી.
ભારત સ્થિત ઓસ્ટ્રેલિયન હાઈ કમિશ્નરે પણ પાઠવ્યા અભિનંદન
ઓસ્ટ્રેલિયાના ભારત સ્થિત રાજદૂતે પણ ચંદ્રયાન-3ના સફળતાપૂર્વક લોન્ચિંગ માટે ઈસરોને અભિનંદન પાઠવ્યા છે. આ અંગે તેમણે ટ્વિટ કર્યુ છે.
"Congratulations India and ISRO on the successful launch of #Chandrayaan3! Proud the Canberra DSN in Australia is supporting communications as Chandrayaan-3 heads on its way to the Moon," tweets Australia’s High Commissioner to India pic.twitter.com/Nkp5JaZOvr
— ANI (@ANI) July 14, 2023
કિરણ મઝુમદાર શોએ શું કહ્યું
બાયોકોનના કિરણ મઝુમદાર શોએ કહ્યું, ચંદ્રયાન-3ના સફળતાપૂર્વક લોન્ચ માટે ઈસરોની ટીમને અભિનંદન. ભારતના સ્પેસ પ્રોગ્રામમાં વધુ એક માઈલસ્ટોન.
Congratulations to @isro on the successful launch of Chandrayaan-3! Another #remarkable #milestone, for India's #space program. The brilliance and dedication of the entire #ISRO team are truly commendable. Looking forward to the valuable insights and discoveries this mission will… https://t.co/3kA1a3Noxp
— Kiran Mazumdar-Shaw (@kiranshaw) July 14, 2023
ટોપ સ્ટોરી
ટ્રેન્ડિંગ સમાચાર
