Gandhinagar: એક તરફી પ્રેમમાં અંધ લંપટ શિક્ષકની કરતૂત, પ્રપોઝ રિઝેક્ટ થતાં સ્કૂલની દિવાલો પર શિક્ષિકના બિભત્સ પોસ્ટરો લગાવ્યા
મહુડી ગામમાં આવેલી હાઈસ્કૂલમાં ફરજ બજાવતા એક શિક્ષિકાને તેમની જ શાળાના શિક્ષક અશોકભાઈ આત્મારામ પ્રજાપતિ છેલ્લા પાંચ વર્ષથી ખરાબ નજરે જોતા હતા અને ખરાબ ઈશારા કરી ઘણી વખત પીછો પણ કરી હેરાન કરતા હતા.
ગાંધીનગર : એકતરફી પ્રેમમાં અંધ લંપટ શિક્ષકની કરતૂત સામે આવી છે. પ્રેમ પ્રપોઝ રિઝેક્ટ થતા સ્કૂલની દિવાલો પર શિક્ષિકાના બિભત્સ પોસ્ટરો લગાવ્યાં હતા. ઉપરાંત નાપાસ કરવાની ધમકી આપી વિદ્યાર્થીઓ પાસે પત્રિકાઓ લખાવી હતી.
શું છે મામલો
માણસા તાલુકામાં આવેલ સુપ્રસિદ્ધ તીર્થધામ મહુડીની સ્કૂલમાં ફરજ બજાવતા શિક્ષકે સહકર્મી શિક્ષિકાને પ્રેમ જાળમાં ફસાવવાની કોશિશ કરી હતી પરંતુ શિક્ષિકા તાબે ન થતા આ લંપટ શિક્ષકે શાળાની તમામ શિક્ષિકાઓને બદનામ કરવાના ઇરાદે ગામમાં તેમજ સ્કૂલમાં જાહેર જગ્યા પર તેમના બિભત્સ પત્રિકાઓ લગાવડાવી હતી. તો શિક્ષિકાઓને બદનામ કરવાની આ પ્રવૃત્તિ છેલ્લા પાંચ વર્ષથી ચાલતી હતી. જેથી ભોગ બનનાર શિક્ષિકાએ તપાસ કરતા શાળાના આ શિક્ષકે જ વિદ્યાર્થીઓ પાસે આ પત્રિકાઓ લગાવડાવી હતી. તેવું માલુમ પડતા શિક્ષિકાએ માણસા પોલીસ સ્ટેશને લંપટ શિક્ષક વિરુદ્ધ ફરિયાદ આપતા પોલીસે ગુનો નોંધી આરોપીની ધરપકડ કરી કાયદેસર કાર્યવાહી હાથ ધરી છે.
માણસા તાલુકાના મહુડી ખાતે શિક્ષણને જગતને લાંછન લગાવતી ઘટના બની છે શાળાના શિક્ષકે જ શિક્ષિકા બહેનોના બિભત્સ પોસ્ટરો ગામમાં ચોંટાડતા ખળભળાટ મચી જવા પામ્યો હતો બનાવની વિગત મુજબ મહુડી ગામમાં આવેલી હાઈસ્કૂલમાં ફરજ બજાવતા એક શિક્ષિકાને તેમની જ શાળાના શિક્ષક અશોકભાઈ આત્મારામ પ્રજાપતિ છેલ્લા પાંચ વર્ષથી ખરાબ નજરે જોતા હતા અને ખરાબ ઈશારા કરી ઘણી વખત પીછો પણ કરી હેરાન કરતા હતા અને પોતાની સાથે પ્રેમ સંબંધ બાંધવા માટે માગણી કરી દબાણ કરતો હતો. પરંતુ શિક્ષિકા તેના તાબે ન થતા તેની અદાવત રાખી આ લંપટ શિક્ષકે આ શિક્ષિકા અને શાળાની અન્ય શિક્ષિકાઓને બદનામ કરતી પત્રિકાઓ છપાવી શાળાએથી જવાના રસ્તા પર નંખાવી હતી. એક મહિના અગાઉ શિક્ષકે શાળામાં અભ્યાસ કરતા વિદ્યાર્થીઓને નાપાસ કરવાનો ડર બતાવી અભ્યાસમાં આગળ મદદ કરવાની લાલચ આપી ગામની દિવાલો પર શિક્ષિકાઓના નામ અને બિભત્સ ફોટા લગાવી બદનામ કરવાનો પ્રયાસ કર્યો હતો. શાળામાં ફરજ બજાવતી અન્ય શિક્ષિકાઓના નામ પણ અન્ય લોકો સાથે જોડી પેમ્ફલેટો, બિભત્સ ફોટા શાળાની તેમજ જાહેર દિવાલો પર લગાવ્યા હતા અને ગ્રામ પંચાયત તથા દૂધ મંડળીમાં તથા શિક્ષિકાઓના ઘરે ટપાલ દ્વારા મોકલાવ્યા હતા. આ સિવાય જાહેર જગ્યાએ દીવાલો પર સ્પ્રે વડે શાળાની શિક્ષિકાઓને બદનામ કરતાં બીભત્સ લખાણો પણ લખવામાં આવ્યા હતા. જેથી આ બાબતે શાળાના કર્મચારીઓએ તપાસ કરતા માલુમ પડયું હતું કે શાળાનો શિક્ષક અશોક પ્રજાપતિ સ્કૂલના જ વિદ્યાર્થીઓને નાપાસ કરવાનો ડર બતાવી આ પત્રિકા લગાવવાનું અને સ્પ્રે વડે દીવાલો પર લખવાનું કામ કરાવતો હતો જેથી ભોગ બનનાર શિક્ષિકાએ આ લંપટ શિક્ષક વિરુદ્ધ માણસા પોલીસ સ્ટેશને ફરિયાદ આપતા પોલીસે ગુનો નોંધી આરોપીની ધરપકડ કરી હતી.
ટ્રેન્ડિંગ સમાચાર
ટોપ સ્ટોરી
