![ABP Premium](https://cdn.abplive.com/imagebank/Premium-ad-Icon.png)
યુવરાજસિંહે પોલીસ પર કાર ચડાવીને ભાગવાનો પ્રયાસ કર્યો તે અયોગ્યઃ અભય ચુડાસમા
યુવરાજસિંહ જાડેજાની ધરપકડ મુદ્દે આજે રેન્જ આઈજી અભય ચુડાસમાએ પ્રેસ કોન્ફરન્સ સંબોધી હતી. જેમાં તેમણે કહ્યું હતું કે, વિધાર્થીઓના પ્રશ્ન માટે આંદોલન કરનારા યુવરાજસિંહ ની ગઈ કાલે ધરપકડ કરવામાં આવી છે.
![યુવરાજસિંહે પોલીસ પર કાર ચડાવીને ભાગવાનો પ્રયાસ કર્યો તે અયોગ્યઃ અભય ચુડાસમા Gandhinagar police arrested Yuvrajsinh Jadeja, declare video યુવરાજસિંહે પોલીસ પર કાર ચડાવીને ભાગવાનો પ્રયાસ કર્યો તે અયોગ્યઃ અભય ચુડાસમા](https://feeds.abplive.com/onecms/images/uploaded-images/2022/04/06/57abd3c7995f5e6a7137ea0a6c15db30_original.png?impolicy=abp_cdn&imwidth=1200&height=675)
ગાંધીનગરઃ યુવા નેતા યુવરાજસિંહ જાડેજાની ધરપકડ મુદ્દે આજે રેન્જ આઈજી અભય ચુડાસમાએ પ્રેસ કોન્ફરન્સ સંબોધી હતી. જેમાં તેમણે કહ્યું હતું કે, વિધાર્થીઓના પ્રશ્ન માટે આંદોલન કરનારા યુવરાજસિંહ ની ગઈ કાલે ધરપકડ કરવામાં આવી છે. વિદ્યાસહાયકો સાથે યુવરાજસિંહ પોલીસ હેડકવારમતર આવ્યા હતા. યુવરાજસિંહ ગાડી ચડાવી ને ભાગવાનો પ્રયાસ કર્યો. આ પ્રકાર ની હરકત બદલ 307 નો ગુનો નોંધ્યો છે. પોલીસે યુવરાજસિંહ ને સ્પોર્ટ કર્યો છે. પરંતુ પોલીસ પર કાર ચડાવી ને ભાગવાનો પ્રયાસ કર્યો તે અયોગ્ય. યુવરાજસિંહ પોતાની કારમાં કેમેરા લગાવે છે જેનું રેકોર્ડીંગ કરવામાં આવે છે.
યુવરાજસિંહના પોતાના કાર ના કેમેરામાં જ પોલીસ પર કાર ચડાવીનું રેકોર્ડીંગ થયેલ છે. ગઈ કાલે થોડા વિદ્યાર્થીઓએ ધમાલ કરવાનો પ્રયાસ કર્યો હતો. પેપર ફૂટવાની ઘટનામાં સખત કાર્યવાહી કરી જ છે. વિડિઓ રેકોર્ડીંગ એફએસલમાં મોકલવામા આવશે. પોલીસ કાર્યવાહી બાદ યુવરાજસિંહને કોર્ટમાં રજૂ કરવામાં આવશે. યુવરાજસિંહને છોડવા સોશિયલ મીડિયા પર ટ્રેન્ડ ચાલે છે પણ જ્યારે વિડિયો લોકો જોશે તો સત્ય જાણશે.
ગાંધીનગરના એસપી મયુર ચાવડાએ કહ્યું હતું કે, સચિવાલય ગેટ પર વિધ્યાસહાયક ઉમેદવારો વિરોધ કરતા હતા. તેમને સમજાવી ડિટેઈન કરી એસપી કચેરી લવાયા. યુવરાજસિંહ અને દિપક ઝાલા બંને તેમની સાથે સચિવાલયથી એસપી કચેરી આવ્યા હતા. પોલીસ સાથે ઘર્ષણ કરી ધક્કા મારી નિકળવાનો પ્રયત્ન કર્યો હતો. યુવરાજ ભાગવા જાય છે અને તે ગાડી લઈને નિકળવાનો પ્રયાસ કરે છે. પોલીસને ઘશડી તે ગાડી લઇ જાય છે. એના કારણે તેના પર ફરીયાદ કરાઈ છે. જ્યારે પણ યુવરાજ અહિયા આવ્યો ત્યારે તેનિ વાત સાંભળી તેની વાતનુ નિરાકરણ લાવ્યા છીએ. આ વખતે તેણે પોલીસ પર હુમલો કર્યો છે. 322 અને 307 ની કલમ આધારે ગુનો નોધાશે.
વિધ્યાસહાયકના ઉમેદવારો આજે પકડાયા છે તેમની સામે કાર્યવાહી થશે. 55 લોકો વિરુદ્ધ 188 અંતર્ગત ગુનો દાખલ થશે.
ટ્રેન્ડિંગ સમાચાર
ટોપ સ્ટોરી
![ABP Premium](https://cdn.abplive.com/imagebank/metaverse-mid.png)