સુરતથી ગુજરાતના કયા શહેરમાં જવા કેટલું ભાડું ચુકવવું પડશે? રૂપાણી સરકારની મોટી જાહેરાત

સુરતથી વતન જવા માંગતા લોકો પાસેથી માત્ર એક તરફનું ભાડું વસૂલી મુસાફરી કરાવાશે. સુરત અલગ અલગ શહેરના ભાડાનું લિસ્ટ પણ જાહેર કરવામાં આવ્યું છે.

ગાંધીનગરઃ સુરતમાં ફસાયેલા સૌરાષ્ટ્રના લોકોને તેમના વતન પહોંચડવા માટે આજે મુખ્યમંત્રી વિજય રૂપાણી અને નાયબ મુખ્યમંત્રી નીતિન પટેલની અધ્યક્ષતામાં બેઠક મળી હતી. જેમાં સુરતથી સૌરાષ્ટ્રના લોકોને વતન પહોંચાડવા માટે શરૂઆતમાં 200થી વધુ સરકારી બસો દોડાવવાની તૈયારી બતાવવામાં આવી છે. સુરતથી વતન જવા માંગતા લોકો પાસેથી માત્ર એક તરફનું ભાડું વસૂલી મુસાફરી કરાવાશે. સુરત અલગ અલગ શહેરના ભાડાનું લિસ્ટ પણ જાહેર કરવામાં આવ્યું છે. સરકારે નિર્ણય લીધો છે કે, દિવાળીમાં જે પ્રમાણે ગિફ્ટ અપાઈ હતી તે જ પ્રમાણે મુસાફરી કરાવવામાં આવશે. એક જિલ્લામાંથી બીજા જિલ્લામાં જવા માટે સરકારે લીધો નિર્ણય લીધો છે. 30 વ્યક્તિઓનું ગ્રુપ બનાવીને લોકોને વતન મોકલવામાં આવશે. જે ગ્રુપમાંથી બુકિંગ કરાવશે એ જ વિસ્તારમાં સરકારી બસ પહોંચશે અને ત્યાંથી તેમના ગંતવ્ય સ્થળે લઈ જવાશે. સુરતથી સરકારી બસમાં બીજા શહેરમાં જવા કેટલું ચૂકવવું પડશે ભાડું?

અમદાવાદ - 315 રૂપિયા અમરેલી 425 બોટાદ 375 ભાવનગર 370 જૂનાગઢ 480 જામનગર 495 ગારીયાધાર 410 સાવરકુંડલા 455 પાલીતાણા 395 રાજકોટ 410 મહુવા 435 ઝાલોદ 350 ગોધરા 250 પાલનપુર 400 મહેસાણા 350 ખાનગી લકઝરી બસ માં 400 કિલોમીટર ના 1000 રૂપિયા 500 કિલોમીટર ના 1200 600 કિલોમીટર ના 1500 છે