મંદિરોની જમીનો મુદ્દે રાજ્ય સરકાર લેશે મોટો નિર્ણય, જાણો શું છે સરકારની યોજના?

મંદિરોની જમીનના વેચાણ નહીં થઈ શકે. અગાઉ ખોટી રીતે વેચાયેલી જમીન શ્રી સરકાર કરાશે. આગામી સપ્તાહમાં તમામ કલેક્ટરોને આ દિશામાં કાર્યવાહી કરવા સૂચના અપાશે.

ફાઇલ ફોટોઃ મુખ્યમંત્રી ભૂપેન્દ્ર પટેલ

ગાંધીનગરઃ ગુજરાતની ભૂપેન્દ્ર પટેલ સરકાર મંદિરોની જમીનો મુદ્દે મોટો નિર્ણય લેવા જઈ રહી છે.  રાજ્ય સરકાર મંદિરોના હિતમાં મહત્વપૂર્ણ નિર્ણય લેશે. મંદિરોની જમીનના વેચાણ નહીં થઈ શકે. અગાઉ ખોટી રીતે વેચાયેલી જમીન શ્રી સરકાર કરાશે. આગામી સપ્તાહમાં તમામ કલેક્ટરોને આ દિશામાં કાર્યવાહી કરવા સૂચના અપાશે. મંદિરોની જમીનનું વેચાણ અને NA કરવામાં આવી હોય તે વિગતો સરકારે કલેકટરો પાસે માંગી છે. 

C.R. પાટિલે ક્યા ધારાસભ્યોને કહ્યું કે, મારી પાસે તો આવતા જ નહીં, જઉં હોય તો સીધા ઉપર ‘સાહેબ’ પાસે જજો.........

હિંમતનગરઃ ગુજરાત વિધાનસભાની ચૂંટણીમાં ભાજપ મોટા પાયે સાફસૂફી કરશે એવી અટકળો વચ્ચે ગુજરાત પ્રદેશ ભાજપ પ્રમુખ સી.આર. પાટિલે કહ્યું છે કે, ભાજપ આગામી વિધાનસભા ચૂંટણીમાં 100 નવા ચહેરાને તક આપશે. પાટિલે સાફ શબ્દોમાં કહ્યું કે, આગામી વિધાનસભા ચૂંટણીમાં જે ધારાસભ્યો સક્રિય નહીં રહ્યા હોય, જેમની સામે ફરિયાદો હશે તેવાનો પાર્ટી વિચાર નહીં કરે.

તેમણે કહ્યું કે, અત્યારે ભાજપ પાસે 182માંથી 112 ધારાસભ્યો છે, એટલે 70 તો આપડે નવા શોધવાના જ છે ને આમાંથી કેટલાકને રિટાયર્ડ કરશે સાહેબ, એટલે 100 તો નવા થઈ જશે. અહીં બેઠેલા ધારાસભ્યોએ બંધ બેસતી પાઘડી પહેરવી નહીં. પણ 100 તો નવા શોધવાના છે કે નહીં? તો 100 શોધવાના હોય, તો મેં એમને કહ્યું આજે હારેલા ધારાસભ્યોને ફરીથી સક્રિય કરો. 

પાટિલે કહ્યું કે, કેટલાક ધારાસભ્યોને વયના કારણે નિવૃત્ત કરાશે અને કેટલાકને સાહેબ કાપી નાંખશે તેથી 100 જેટલા નવા ચહેરાને ભાજપ ટિકિટ આપશે. તેમણે કહ્યું કે, ‘આપણે ધારાસભ્ય એટલે સીધા ‘સાહેબ’ પાસે, હું કોઈને કાપી શકું એમ નથી ને કોઈને આપી શકું નથી એટલે મારી પાસે આવતા નહીં., જવું હોય તો સીધા સાહેબ પાસે જજો.

પાટીલે વર્તમાન ધારાસભ્યોને ચીમકી પણ આપી કે, ભાજપમાં ધારાસભ્યોની કામગીરી મુદ્દે 5 વર્ષના સર્વેના આધારે ટિકીટ અપાય છે અને આ સર્વેમાં નવા ચહેરા આવે તો તેમને તક મળે છે ને તેવા લોકો જીતી પણ જાય છે. સર્વેમાં નવા નવા ચહેરા શોધી લાવે છે, તેવા ઉમેદવાર જીતે પણ છે. આ સંજોગોમાં કોઈ ભ્રમમાં ના રહેતા.